Pano | Freenbeck | Fanfic

Chapter 6

Szymon's

"Goodmorning, Nay." bati ko kay Nanay nang makita siya sa kusina na nagluluto ng umagahan.

"Goodmorning, Apo. Buti at nakabihis kana, Mon. Halika na at umupo. Kumain ka muna bago umalis papuntang eskwelahan." sinunod ko naman ang sinabi niya.

"Ang bango talaga ng sinangag niyo, Nay!" puri ko sa sinangag ni Nanay.

"Aba'y galing pa sa mga ninuno natin ang recipe na yan kaya dapat masarap." ngumiti naman ako kay Nanay at nagsimula ng kumain.

"Kain ka na rin, Nay." tumango naman ito at umupo na sa bakanteng upuan na nasa tapat ko.

May pasok kasi ngayon. Kasalukuyang 4th year student ako sa kursong Psychology, balik ko rin kasing kumuha ng Law kung papalarin.

Habang kumakain ay biglang nag-vibrate ang phone ko kaya tiningnan ko kung sino ang nag-text.

Napangisi ako ng makita ang pangalan ni Samantha sa screen.

"I told you, those flowers are for you, hindi kay Veina, I picked it myself, how dare you gave it to her?"

Mas lalo akong napangisi sa text niya, nagpadala kasi siya ng bulaklak at ang sabi ay pumili raw ako ng magandang bulaklak na magugustuhan ko at sa tingin ko na magugustuhan ni Veina para raw mai-prepare niya ng maayos kapag nagsimula na siyang tulungan ako kay Veina.

Nagbiro ako na binigay ko na kay Veina yung bulaklak na pinadala niya kaya ngayon ay naiinis.

"Hey don't you dare ignore me.
Gosh Mon, you're getting into
my nerves."

Text niya ulit. Tumigil naman ako sa pagkain at nagsimulang mag-type.

"Akala ko kasi para na kay Veina yun,
hindi mo naman kasi sinabi agad."

Reply ko.

"Mon, nasa hapagkainan ka, ibaba mo muna yang telepono mo." napatingin ako kay Nanay at tumango tsaka ko binitawan ang cellphone ko.

It's been three days na rin kasi simula nung party niya sa hacienda nila at kung ano ano pinapadala dito na kesyo daw piliin ko kung ano gusto ko at gusto ni Veina para daw may idea na siya.

Una unang pinadala dito ay iba't ibang klase ng prutas na galing pa sa mga farm nila at pinapili nga ako, siya daw ang namitas nun.

Ikalawa, nagpadala ng iba't ibang ulam at sinabing pumili raw ako ng gusto ko at sa tingin ko na magugustuhan ni Veina.

At ngayon ang iba't ibang klase naman ng bulaklak, yung iba ay nilagay ko sa vase ni Nanay at yung puting tulip ay nilagay ko sa kwarto ko, ngayon lang kasi ako nakakita ng tulip at yun ang nagustuhan ko.

"Nay, alis na po ako." paalam ko kay Nanay bago lumabas ng bahay.

Nagsuot ako ng helmet at sumampa sa  bigbike ko na ilang taon kong pinag ipunan galing sa allowance na binibigay ni mama sa'kin hanggang sa nabili ko na rin ang bigbike na gusto ko, it's Kawasaki Ninja 400 sa susunod ay makakabili rin ako ng ducati, manifest lang ng manifest.

At dahil hindi ako katangkaran ay nagsusuot ako ng sapatos na may heels para maabot ang semento.

Paglabas ko ng gate namin ay sakto naman ang pagdaan ni Veina, hindi ko na pinalampas kaya inaya ko na siyang sumabay sa'kin papuntang school.