El Grande Series 4: Xavier Faleiro

CHAPTER 7

Chapter 7

Mark Lawrence Pov

Disappointed na disappointed ako nang hindi ko man lang nahabol si Xavier! Aminado akong mabaha ang bura—biyas niya kaso hindi ko naman aakalain na kalahi niya pala si The Flash! Pagkalabas ko ng theater room ay hinabol ko kaagad ito kaso lang nakapasok na siya sa pusong ligaw ko! Eme! Nakapasok na ito sa kwarto niya. Alangan na habulin ko pa ito, diba? Wala sa bad blood ko ang maghabol. Never enough 'yang mangyayari. Itaga ko pa iyan sa bato ni ateng Darna.

Kaya ayon! Abort mission! Walang nangyaring pitikan. Pinuntahan ko na lang si bibi Zion sa kwarto nito upang i-check ang vital signs (kalagayan) niya. Nakita ko si Zion na sarap na sarap na sa tulog at walang kumot.

Bumuntonghininga ako at nilapitan ito para kumutan. Ang lamig pa naman ng room niya tapos walang kumot. Tsk! Anong klaseng ama itong si ultimate crush? 'Di man lang concern sa anak niya. Apaka-cute pa naman nito.

"Goodnight, dong." Binigyan ko ng kisses si bibi Zion sa noo nito bago pinatay ang ilaw ng kwarto. Iniwan kong bukas ang tanging lampshade sa side table. Hay! Iba talaga kapag mayaman may pa lampshade-lampshade sila. Sa bahay kasi gasera lang meron kami. Nagagamit nga lang kapag my brownout.

Pumunta ako sa aking silid upang magpahinga. Humiga na ako sa napakalambot kong kama at pinikit ang mata, sinusubukang matulog ulit. Ngunit sa kasamaang palad ay hindi na ako inaantok! Bwesit naman kasi! Bakit pa ba ako ginising ni Xavier kanina? Sleeping beauty na sana ang eksena ko, e. Kainis tuloy!

Hindi ko na nasubaybayan kung ilang oras na akong nakatitig sa kisame ng kwarto ko rito sa big brother house ni Xavier. Hanggang sa nakapag-decide ako na pumunta sa kaharian ng Hatoria! Eme! Pumunta ako ng kitchen at syempre nakialam ako sa mga gamit doon. Pinagtimpla ko ang sarili ko ng gatas. Maaga pa para kay Xavier ako manghingi ng gatas! Charot lang! I'm embodying a true Filipina behavior pala.

Dahil wala nang tao sa kusina ay malaya akong nakagalaw-galaw rito. Napapaindak pa ako kahit na walang music. Nagha-hum lang ako ng kung ano-ano.

Matapos kong magtimpla ng gatas ay umupo ako sa isang high chair at sisipsip na sana ako sa gatas ko na pinaghirapan kong itimpla nang may biglang nagsalita sa likuran ko.

"Lawrence?"

"Ah, piste!" Crispylicious kong mura at nasagi ng kamay ko ang gatas sa gulat! Muntik na ako mahulog sa high chair sa pagmamadali kong makaalis dahil bumaha ang gatas sa island counter.

"Dammit!" sunod na mura ni Xavier.

Basta niya na lang akong hinawi gamit ang maskulado niyang braso. Mabilis ang kilos nito at kumuha ng basahan para maagapan ang bumabahang gatas. Sayang!

Ang titig ko sa natapon na gatas ay lumipad kay Xavier nang humarap ito sa akin. Naninigkit ang mata niya at kumuyom ang panga.

"H-hoi! Kasalanan mo kung bakit 'yan natapon, Xavier!" Inunahan ko na siya dahil alam kong papagalitan na naman ako nito. Kagaya ng sinabi ko kay kuya Cams. Kayang-kaya ko ang sarili ko rito. Kung alam kong nasa tamang daan ako. I will fight for it. At kung nasa maling daan naman ako... edi i-tatama ko! "Ginulat mo ako! Ginulat mo ako kaya nasagi ko ang baso. Kasalanan mo 'yan!"

Isang malalim na hininga ang pinakawalan nito bago hinilamos ang palad sa mukha.

"Napaso ka ba?"

I shifted my weight, and my head turned to the other side. My eyes fixed on Xavier's. He was serious. His gaze roamed to my arms.

"Huh?"

"Akin na ang kamay mo."

Hindi man lang niya ako hinayaang makasagot dahil hinablot na niya ang precious arms ko. Ang init ng palad ni Xavier ay parang nanunuot sa balat ko.  Ewan ko kung papaano iyon naging imposible. Ang init na iyon ay parang may ginigising sa kaibuturan ng aking katawan. Hindi ko iyon matukoy kung ano. Sinuri niya braso kaso ang utak ko ay lumutang na sa ibang dimensyon. Partikular na roon sa init na dala ng palad niya.