"အစော...."
အိမ်ပေါ်တောင်မရောက်သေးဘူး
ရုပ်မမြင်သံကြားကနေသူ့နာမည်ထွက်လာပြီ
စောလည်းအိမ်တိုက်နေတဲ့အဝတ်ချပြီး
"ပြန်လာတာစောလှချည်လား"
"ဟုတ်တယ်မိုးအုံ့နေလို့ကိုကံပိုင်ကပြန်လွှတ်လိုက်တာ အောက်ပြည်အောက်ရွာကမိုးရွာရင်သည်းသည်းမည်းမည်းရွာတာတဲ့လေ"
"ဟုတ်ပါလိမ့်မယ်ကျုပ်တို့အညာကတော့မိုးကဖွဲရုံလေးဘဲရွာတာ "
အစောပြောရင်းဖြင့်သောက်ရေအိုးထဲကရေတစ်ခွက်ခပ်လိုက်တာစက်ကိုပေးလိုက်သည်
"မောနေရောပေါ့ရေလေးသောက်လိုက်"
စက်လက်ထဲကကတ်ထူပုံးကိုချပြီးရေသောက်လိုက်သည်
"ပုံးထဲကဘာတွေလဲမှိုင်း"
"ဖွင့်ကြည့်ကြည့်လေအစောရဲ့"
စောလည်းဖွဖွလေးအုပ်ထားတဲ့ပုံးကိုဖွင့်ကြည့်လိုက်တယ်
"ဟင်ကြောင်လေးတွေ...."
ဟုတ်သည် ကတ်ထူပုံးထဲမှာရှိနေတာ အနက်ရောင်ကြောင်မေကြီးတစ်ကောင်နှင့်ကြောင်ပေါက်လေးသုံးကောင်ဖြစ်နေသည်
ကောင်ပေါက်လေးတွေကအဝါရောင်နှစ်ကောင်နှင့်အဖြူအနက်ကျားထားတာလေးတစ်ကောင်
"ကြောင်လေးတွေဘယ်ကရလာလဲမှိုင်း"
"ခြံထဲကခေါ်လာတာအစော ကိုကံပိုင်ပြောတာတော့ကြောင်မကြီးကိုယ်ဝန်နဲ့အချိန်မှာကြောင်နက်တွေကနိမိတ်မကောင်းဘူးဆိုပြီးလာစွန့်သွားတာတဲ့ ကိုကံပိုင်လည်းသနားတာနဲ့ခြံထဲကတဲလေးထဲခေါ်ထားတာအခုကြောင်မကြီးသားပေါက်နေပြီ မိုးတွင်းလည်းရောက်ပြီဆိုတော့ သူတို့လေးတွေတဲထဲမှာနေလို့မဖြစ်တော့ဘူးလေ အဲ့တာအစောများလိုချင်မလားလို့ခေါ်လာတာ"
စောပြုံရင်းနဲ့ခေါင်းငြိမ့်လိုက်တယ်
"ဒုက္ခရောက်နေတာကိုကယ်ကောင်းပါတယ် ပြီးတော့ကြည့်ပါဦးချစ်ဖို့ကောင်းလိုက်တာဝကစ်နေတာဘဲ"
စောပုံထဲလက်နှိုက်ပြီးကြောင်မေကြီးခေါင်းကိုပုတ်ပေးတော့လည်ပင်းလေးဆန့်ထုတ်ပေးသည်
နူးညံနေတဲ့အမွှေးကြောင့်ပွတ်ကောင်းကောင်းနဲ့စောဆက်ပွတ်ပေးလိုက်သည်
VOCÊ ESTÁ LENDO
နမ်းချင်တယ်သူ့ပါးထက်က ရွှေဝါရောင်သနပ်ခါးကလေး( Complete)
Romancebl ပါ normal မဟုတ်ပါ Uni & Zawgi Cover photo crdပါggကမလာတာ
