အခန်း ၆ ။ သူက ဘယ်သူ့မိန်းမလဲ
တည်းဖြတ်ထားသော ဇာတ်ညွှန်းကို စာအုပ်အဖြစ် ရိုက်နှိပ်ပြီး ကျိလန်၏စားပွဲပေါ်တွင် တင်ထားလေသည်။ကျိလန်သည် ပထမစာစောင်ကို ဆွဲထုတ်လိုက်ပြီး အမြန် လှန်လှောကြည့်လိုက်လေ၏။ တစ်ချိန်တည်းမှာပင် လက်တစ်ဖက်တွင် အနီရောင်ဘောပင်ကိုကိုင်ကာ ပြဿနာရှိနေသည့်နေရာများကို ဝိုင်းပစ်နေလေသည်။ခဏအကြာတွင် ဇာတ်ညွှန်းပေါ်ရှိ နေရာတော်တောများများမှာ ဝိုင်းထားပြီးသားဖြစ်နေတော့သည်။
တကယ်တော့ ဤစာစောင်မှာ ဇာတ်ညွှန်းရဲ့ ပထမမူကြမ်းသာဖြစ်ပြီး နောက်ပိုင်းမှာ အကြိမ်ပေါင်းများစွာ ပြန်လည်တည်းဖြတ်သွားရဦးမှာဖြစ်သည်။ပုံမှန်ကုမ္ပဏီများသည် တည်းဖြတ်နေသည့်အချိန်တွင် ဒစ်ဂျစ်တယ်ဗားရှင်းကို အသုံးပြုကြပြီး နောက်ဆုံးမူကြမ်းကို ဖတ်ရှုပြီးမှသာ ၎င်းကို ပရင့်ထုတ်တတ်ကြသည်။ဤနည်းလမ်းမှာ ပုံမှန်လူများသုံးနေကြဖြစ်ပေမဲ့ ကျိလန်သည် နာတာရှည် အိပ်မပျော်ရောဂါကို ခံစားနေရပြီး မျက်လုံးများမှာ မကြာခဏ မသက်မသာ ဖြစ်တတ်သောကြောင့် တတ်နိုင်သမျှ ကွန်ပျူတာစခရင်ကို စိုက်ကြည့်ရမည်အား ရှောင်ကြဉ်နေရသည်။
တစ်နာရီခန့်ကြာသောအခါ ကျိလန်သည် ဇာတ်ညွှန်းများကို ဖတ်ပြီးသွားပြီဖြစ်သည်။မျက်နှာမည်းကြီးဖြင့် သူ့ရုံးခန်းထဲမှ စာစောင်သုံးစောင်ကို ယူကာ ထွက်လာလေသည်။
“ဘော့စ် ထွက်လာပြီ။”
“ခြေလှမ်းနေတဲ့အသံတွေက လေးလံနေတဲ့ပုံပဲ။ဘော်ဒါတို့ရေ အဆူခံရဖို့သာ ပြင်ထားကြတော့။”
အလုပ်ခွင်ထဲမှာ ကော်ဖီသောက်နေဆဲဖြစ်သော အယ်ဒီတာနှစ်ယောက်က သူတို့ဘော့စ် လှေကားပေါ်က ဆင်းလာသည့် ခြေသံအားနားထောင်ပြီး ဘော့စ်၏စိတ်အခြေအနေကို ခန့်မှန်းနေကြလေသည်။
ကျိလန်သည် အောက်ထပ်သို့ ဆင်းလာပြီး သူ့အလုပ်ခွင်တွင် ခြေပစ်လက်ပစ် လှဲအိပ်နေသော လူတစ်ယောက်ကို သတိထားမိလိုက်လေသည်။
YOU ARE READING
ကဝေမဒီလေး
Romanceကဝေမဒီလေး ဒီnovelလေးကတော့ ချစ်ဖို့ကောင်းတဲ့novelလေးလို့ပြောရပါမယ်။ အချိုလေးတွေ စားချင်တဲ့သူတွေဆိုရင်တော့ ဒါလေးကိုဖတ်သင့်ပါတယ်ရှင့်။ 😍