ــ هو مش ورايا حد في الكلية دي غيرك ولا ايه...
ــ اسمعني بس حضرتك..
ــ مش عايز اسمع كلمة، انا قولت انك المفروض كبرتي و عقلتي و هتبطلي مشاكل، بس بسم الله ماشاء الله لسه كان اول يوم في السنة امبارح و حضرتك النهاردة عملتي مشكلة، طب يا ستي استني حتى يعدي اسبوعين تلاته..
سكت العميد قليلا و هو يقوم بوضع يده على المكتب يعبر عن غضبه ثم اكمل قائلا :
ــ اعرفي شئ واحد يا روان، لولا انك من اوائل دفعتك و عارف انك عملتي كده علشان تدافعي عن نفسك كنت طردتك من الكلية من زمان او وقفتك عن الدراسة لفترة ، بس برضو كل ده ميعطيش ليكِ الحق انو تضربي اربعة من زملائك بعصا معدن في نص الكلية...
بصي يا روان علشان نحل الموضوع ده انا عايز حد من اهلك ، بس مش زي التلات سنين اللى فاتوا، يعني مش عايز ابن عمك او جارك، لا انا عايز والدك او ولدتك او اي حد كبير يكون مسؤول عنك مفهوم علشان يضمن عدم حدوث شئ زي ده تاني .. و لحد ما يحضر ممنوع دخولك الكلية تمام، و الاحسن ليكِ انو يجي النهاردة..تقدري تتفضلي دلوقتي..
عندما انتهى حديث العميد مع روان، التفت ينظر الى الشباب بقرف و هو يقول بأسف :
ــ للأسف انا مش هقدر اطردكوا من الكلية علشان اللى حصل فيكم ده ، بس انتوا ممنوعين من الدخول للكلية لفترة علشان ده تاني تحذير ليكم..
نظرت روان للشباب بشماتة، ثم خرجت من المكتب، وأمسكت هاتفها ونظرت إليه بتوتر، حيث إنها لا تعرف كيف ستخبر والدتها بالأمر، ولكنها اتخذت قراراً بالاتصال ومن ثم يحدث ما يحدث....
مرت دقيقة حتى صدع صوت والدتها عبر الهاتف و هى تقول :
ــ ايه يا حبيبتي عاملة ايه..
نظرت الاخرى حولها بارتباك ثم قالت بتوتر :
ــ بخير يا ماما، هو بس في مشكلة صغيرة عندي في الكلية و الحل عندك...
ــ ضربتي حد صح، ما هو مفيش مشاكل غير كده، على العموم متحلميش اني اجيلك الكلية و احمد مستحيل يجيلك برضو علشان زهق منك، اتصلي بجوزك و هو يجيلك، سلام...
انهت والدتها الحديث و هى تغلق الهاتف فجاءة، نظرت الاخرى للهاتف بصدمة ثم قالت :
ــ ماشي يا منيرة قفلتي في وشي ، ماشي يا منيرة ابقي ازعلي بقى لما متشوفيش وشي تاني... ياربي هعمل ايه ده مش بعيد يقطعني حتت، ده لسه موصيني اني معملش مشاكل ، امري الى الله انا هتصل و يحصل اللى يحصل... العميد هيموتني لو جبته بس تمام...
قامت بالاتصال على الاخر و في ثانية صدع صوته و هو يقول ببرود :
ــ خير عايزه ايه..
ــ كل خير يا باشا... هو بس جالي استدعاء ولي امر بسيط من الكلية، و انت هو ولي امري..
__________________
عايزه اقول حاجه واحدة بس... لو انتوا فاكرين انو الحلو عدا تبقوا غلطانين خالص..
لسه الحلو جاي.. و زي ما قولت لو اللى فات حماده يبقى اللى جاي حماده تاني خالص خالص..
تحياتي للجميع..
في رعاية الله...
BINABASA MO ANG
رومـ❣ـہآنـ❣ـہ ( Roman )
Humorـ لقد كنت وحيدا لمئات السنين، كنت انتظر اليوم الذي يخرج فيه الانسان الذي بداخلي، حتى اتى اليوم الذي ظهرتي فيه امامي و وقعت اسير عينيكِ . ـ اقسمت بعدم السماح لاحد بالدخول لقلبي، واغلقت على قلبي بالاسوار، لكن جأت انت وحطمت تلك الاسوار بكل براعه،...
