في حي شعبي بسيط حيث الصخب والازدحام والعشوائية في كل شيء كان هناك صوت شجار بين اولاد صغار وشابه لكن بعقل طفله صغيره كانت ممسكه بياقة طفل بعمر العشر سنوات وتصرخ قائله :
_انا مش قولتلك ايدك متتمدش عليها تاني يا مصخوط انت
نظر لها الصغير باستهزاء وقال وهو يبعد يداها عن ياقة قميصه
_بس متقوليش مصخوط بس وبعدين هي اللي ضربتني الاول
نظرت رنوة لشقيقتها روانا نظرات ذات مغزي وقالت :
_وحتي لو ضربتك مش من الرجولة يا كابتن انك تضربها يعني
قال الصغير مستهزءاً
_ اسيبها تبعتر كرامتي قدام صحابي يعني يا ابله
تيقنت رنوة ان حديثها مع هذا الولد ليس له جدوي فسحبت اختها بعنف الي المنزل
_انا مش قولتلك متلعبيش مع الولاد تاني وكمان بتضربيهم
كادت روانا ان ترد ولكن قاطعتها رنوة بعنف
_متتكلميش خالص لا وكمان بتكدبي عليا دا اللي انا علمته ليكي الكدب يا روانا ؟
ترقرقت أعين روانا بالدموع فرق قلب رنوة لها وضمتها اللي صدرها قائله :
_انا خايفه عليكي يا حبيبتي الدنيا مبقاش فيها أمان دلوقت
ترقرقت أعينها بالدموع وقالت بأسي :
_انتي عارفه اني ماليش غيرك يعني لو حصلك حاجه صدقيني ممكن اموت فيها
صمتت قليلاً قبل ان تقول :
_انا عارفه اني ساعات ببقا قاسيه معاكي وبحرمك من حاجات كتير بس صدقيني بيبقا غصب عني مش عوزاكي تعيشي اللي انا عيشته
قالت روانا بتفهم :
_انا عارفه انك بتحبيني وبتخافي عليا بس انتي كمان علمتيني مسيبش حقي ابدا صح
نظرت لها مؤكده حديثها فأكملت الصغيرة قائله :
_كان لازم اضربه بعد ما شتمني وقالي اننا مالناش اهل وان مامته بتقول علينا اننا جايين من الشارع .
نظرت لها رنوة بفخر هذه المره قائله :
_مجبتيش قالب طوب كسرتيه فوق دماغه ودماغ امه ليه
_فضلت ادور ملقتش قومت قلعت الشبشب وقطعته فوق دماغه
نظرت الاختان لبعضهم برهه ثم انفجرو فالضحك سويا
لو عجبتكو ياريت تدعموني 🤍
وكمان مستنيه نقد بناء منكو عشان مستوايا يتحسن 🤍
YOU ARE READING
آلام خفية"قيد الكتابة"
Romanceهل تدرك قسوة الحياة وأنت بدون مأوى مشردًا في الشوارع، وما مدى صعوبة البقاء وحيدًا بدون والدين، حتى يتخلى عنك الأقارب و يُصبحون سببًا في مأساتك، لكن ماذا لو عاشت فتاتان كل هذه المواقف وحدهما هاربتان من المصير السيئ الذي يلاحقهما؟