القصة باللهجة الجزائرية 🇩🇿
القصة من تأليفي وهي قصة خيالية لاتمد للواقع بصلة ، كل الأفكار من عندي . لا أقبل بأي شكل من الأشكال أخذ أي جملة ونسبها لنفسك أو عملك ، أتمنى أن تستمتعوا في قراءتها
بالنسبة للشخصيات يمكنكم تخطي فصل الشخصيات وتخيل أي ممثل...
لحق الوقت والعايلة كامل في الصالون قاعدين والبنات بداو يهبطو بالوحدة من غير زوج واللي هوما أماني وقمرة كانت قمرة قاعدة تدير فالاكسسوار تاعها حتى دق باب بيتها قمرة : ادخل دخلت ماريا بنت عمتها صفاء ماريا : قمرة قاتلك أماني ارواحي نسحقك قمرة : صحة دوك نجي كانت قمرة لابسة روبتها بصح الصباط لالا ، لبست بليغتها وراحت لعندها روبة قمرة ⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قمرة : انعم أمونتي أماني : ارواحي نسحقك (راحت قدامها) اسمعي راح ديري واش قلتيلي مور ما نروح مع عصام؟ قمرة : علاه تحوسي دوكا ، خمي غير في عرسك نتي وزيد انا مانديرش عفسة تضر ختي كونك هانية من جيهتي أماني : علاه انا قتلك راح تضريني برك حبيت نعرف ادا مازالك عند رأيك قمرة : ماعلاباليش ، ديجا عيطتيلي علاجال هادي برك .(سكتت شوية منبعد شافت سنسلتها) يا عمري شحال كيوت أماني : جابهالي إسلام مقبيل تشوفي كي حكا معايا قريب بكاني ، حتى قتلو بلي تكسريلو رأسو لوكان يخسر الماكياج قمرة : باينة هادي وديجا ماشي وقت لبكا (سمعو طونوبيلات وزرنة ) راهم جاو وانا مازال ما لبست طالون تاعي ، هاتي نلبسلك البرنوس خاطش علابالي لوخرين غير يطبعو لبستلها البرنوس بلعقل باش ما تخسرلها والو و خرجت تجري كي المهبولة لبيتها . قعدت فوق الكرسي تغلق فالصندالة تاعها بسيف . طلع إسلام مع يماه وكاميرا لي تصور ، دخلت يدها في يد خوها وهبطو يمشو بلعقل ويماها تزغرت مع عمتها نسرين وصلو لتحت وانطلقوا زغاريت تع النساء اللي جاو مع العريس (يماه خالاتو وبناتهم وباب الدار مفتوحة على وسعها وعمها يوسف واقف لتم ، هبطت قمرة تجري موراها ولحقت بيهم وزغرتت لأماني وإسلام سمع صوتها اللي يعرفو مليح ودار شاف فيها وهي تزغرت والنساء اللي لتم سكتو على زغريتتها وزيد كانت شابة مالفوق ، وقف إسلام مقابل عمها وخرجت أماني تحت جناح عمها وخوها وشدها عصام من يدها منبعد سلم على رأسها كانوا ولاد عمها وعماتها وثان ولاد خالات عصام وخوالو دايرين هول كبير بالفيميجان والبواق والزرنة ، ركبو فالطونوبيل وركب إسلام يسوق وبابات عصام مالقدام والعرسان ماللور ، وركبو النساء كل وحدة مع اللي جات معاه ، فاطمة ركبت مع نايلة ويوسف وأيمن وهلال ، نسرين مع إيلين ومصطفى وأمين ، أمير مع يماه وختو وباباه ، واخر شي قمرة مع أمينة وفراس دارو كورتاج هايل والغاشي كامل فرحلهم . وصلوا لاصال تع العرس وكانت سمية لتم بعثتها فاطمة ، هبطوا كيفكيف العرسان وهو شادها مليح ، زادوا هبطوا فاميلة لعريس ولعروسة ، هبطت أمينة وخلات قمرة مع فراس فراس : هايا لالة نحللك قمرة : اصبر دفقتلي بوشات تاعي لمتها وكانوا الناس طلعوا وأماني استقبلوها بالحليب والتمر من العادات هادي وراحت قعدت في كرسي لعروسة قبل ما تبدأ تتصدر عند فراس وقمرة فراس : راهم راحوا عليك قمرة قمرة : ياو واش دخلني ياك وصلنا للعرس ، ارواح عاوني ما قدرتش نهبط روبتي كبيرة فراس : اصبري يا مصيبتي هبط وراح للباب تع اللور وفتحها وبدأ يخرجلها الروبة بالشوية وشدها من يدها شغل أميرة وهبطها ، كانوا ليجون تع العايلتين يشوفو فيهم (أمير ، أمين ، أيمن ، إياد ، أيوب ، عصام وأخيرا إسلام ) أمير : واقيل فراس دبر فيها مرأة (قالها وضحك ، شاف إسلام تع بركا مجياحتك بسك هو عرفها بلي قمرة وثان هاديك طونوبيلتها) كي كملت هبطت وقفت قدام فراس تسقم روحها فراس : بنعمي هادي روبة ولا 50 ميترا قماش (ضحكت عليه) هيا روحي بسك راهم يكحلو عليك وانا نتقلق قمرة : يايما على الغيار تاعي (بدات تهبل فيه )راني رايحة وما تنساش جيبلي فاليزة تاعي فراس : ايه خلاص دوك نجيبها استناي قدام باب لاصال قمرة : ايه خلاص هايا باي راحت تمشي للباب تع لاصال ومازالهم يشوفو فيها أمير :ياا هادي قمرة والله ما عرفتها أيوب : هادي هي ؟ إسلام شاف فيه بغزرة تع واش تقصد نطق إياد إياد : خالتي دبرتلك وحدة الله يبارك إسلام بعد عليهم وهو منارفي ، تقلق كي بقاو يهدرو عليها هكاك وزيد سمع بلي يمات أيوب حبت تخطبهالو زاد تنارفا كثر أماني روشت ليماها باش تروح عندها . أماني :ماما وين راهي قمرة ؟ أمينة : ماعلاباليش خليتها مع فراس ، هاي جات دخلت قمرة من باب لاصال وشافو فيها النساء وعجبتهم سيرتو سارة خالة عصام ، راحت عند أماني ديراكت أماني : وين كنتي ؟ قمرة : راني جيت امشي تبدلي ناضت معاها باش تروح تبدل وطلقوا النساء زغاريت ، كي جاو رايحين لبيت لعروسة قمرة قالتلها تسبقها للبيت باش تروح تجيب فاليزتها من عند فراس وكان يستنا فيها قدام الباب فراس :وين كنتي ياك قتلك استناي ؟ قمرة : خلاص ياك جيت دوكا ، هيا تقدر تروح فوفو فراس : صار هكا تحاوزيني ، اشفاي عليها راحت للبيت وعاونتها تبدل ولبست جبة قبايل وتصدرت منبعد لحق وقت تلبس قفطان وهو اخر لبسة منبعد الغوب بلونش ، وقمرة ثان تلبس معاها قفطان . كانوا قاعدين في بيت العروسة لابسين بينوار تع العرايس (كيما هادو)
