قمر الإنتقام

🌟الفصل السابع : الصلح 🌟

قمرة : على سلامتك ، ادخلي
أمينة ، : الله يسلمك يزيد فضلك
عنقت أمينة وهي تبوس فيها بالزربة وأمينة تضحك عليها ، منبعد دخلو لقاو فراس في الصالون هدا وين خرج مالدوش ، قعدوا قسروا شوية منبعد ناضوا يتعشاو وفي وسط لعشاء ناضت قمرة باش تجيب الماء زعمة وهي راحت تشرب دواها ، جا موراها إسلام
إسلام : قمرة
شهقت ودارت تجري ليه
قمرة : خلعتني (ضحك عليها) كاش ما تسحق ؟
إسلام : جيت ندي الماء
قمرة : اصبر دوك نعطيك خبات الدوا وعمرت طاس تاع الماء لكبير وداتو لطابلة تع لعشاء معاه
كملوا لعشاء وشربو أتاي تع قمرة الله الله  منبعد راحوا . (أتاي تاعي في الصح 😌😌)

اصبحنا واصبح الملك لله ، ناضت قمرة توجد روحها بسك رايحة للطبيب مع فراس ، غسلت وجهها وبروسات سنيها منبعد لبست (صورة)

وراحت توجد القهوة ، ناض فراس ودار روتين تاعو (بلا ما نعاود هههه🤣🤣) وراح لعندها قعدوا يستقهواو
قمرة : صباح الخير (باستو من خدو)
فراس : صباح لعسل  رانا شابين ليوم
قمرة : خسارة عليك تسما ما كنتش شابة من قبل ؟
فراس : لالا شابة بصح راكي تزياني كل يوم علابيها
قمرة : خرجت لعمي البوقوص
فراس : احم احم علابالي بلي شباب (ضحكوا كيفكيف)
فطروا وراحوا للطبيبة تاعها ، هدر معاها فراس وحكاتلو على الوضع تاعها ولحسن حظها انها مصرالها شي بعد الصدمة هديك ولازم تتابع دواها دائما وتبعد على الستراس . خرجوا من عندها ووقفوا قدام الطونوبيل
فراس  :ايه يا لالة سمعتي هدرت الطبيبة مكالاه نعاود سيناريو انا تان
قمرة : مكالاه سمعت كلش (جات تهدر صونا تلفون تاعو)
فراس: وي .... اوكي ني جاي ، اركبي نوصلك
قمرة  :لا مكالاه نتا روح انا رايحة عند إسلام نعطيه كارت تاعو طاحت لبارح فالصالون
فراس  : اوكي بصح عندك لادراس تع الشركة ؟
قمرة : ندبر رأسي روح برك
فراس : تحاوزي فيا  ؟
قمرة : ماشي نحاوز فيك خدمتك مسحقاتك (سلم عليها وركب وراح ) دوكا كيفاه نلقاه؟ نروح للدار ندي طونوبيل منبعد ساهل . راحت للدار دات طونوبيلتها وفي الطريق عيطت لعصام
قمرة : صباح الخير لعريس
عصام  :صباح النور ، خير شفتيني في منامك ؟
قمرة : سبحان الله كيفاه عرفت ، المهم عيطتلك نسقسيك على شركة تع إسلام وين جاية
عصام : علاه تحوسي عليها ؟
قمرة : بركا ما السماطة تاعك وابعت لادراس (كوبات في وجهو) اوفففف توحشت أماني
بعتلها لادراس وراحت للشركة لقات الطريق مغلوقة شوية راهي 11:30 مزال ما لحق وقت لفطور ، وصلت على 11:50 بسك كانت قريبة من الشركة قارات طونوبيل وهبطت داخلة للشركة . راحت للإستقبال
سكريتار : اتفضلي مدام
قمرة  :يزيد فضلك السي إسلام راهو هنا ؟
سكرتار : ايه راهو هنا شكون نقولو ؟
جات تهدر قاطعها أمير جاي مالبعيد
أمير : قمرة
قمرة : اه أمير
أمير : مرحبا بيك  واش صافا ؟
قمرة : الحمد الله ونتا ؟
أمير  :الحمد الله كشما تسحقي ؟
قمرة : في الصح جيت عند إسلام
أمير : خلاص انا نديك عندو ، سارة المدام  راهي معايا
سكرتار: داكور مسيو أمير
أمير  :دوكا (شاف فالساعة تاعو ) راهوا خلاص الاجتماع تاعو وراه خارج مالقاعة تع اجتماعات ، هايا نروحو ليه (تبسمتلو وردلها ). حبست الاسانسور في الايتاج تع البيرو تع إسلام وأمير وأيمن لقاو إسلام خارج كيما قاللها أمير وكان يخمس مع الرجال لي جاو للاجتماع ، شاف من جيهتهم واستغرب كي شافها راح لعندهم
إسلام : مرحبا بيك
قمرة : الله يسلمك
أمير : انا راني هابط نفطر هايا اومبعد ، نتلاقاو مرة اخرى قمرة
قمرة (تبسمت): ان شاء الله
إسلام : ارواحي للبيرو اتفضلي (دارلها بيدو باش تجوز قبلو )
قمرة : يزيد فضلك (راحوا للبيرو ودخلو كيفكيف )
كانت واقفة مالبعيد مع زوج بنات باينين صحاباتها فالخدمة
منال : شكون هادي ؟
ماريا : علمي علمك شفتها جات مع أمير انا
تالا : زعما شكون ؟ فاميلتهم ؟ ولا amis تاعهم  ؟
منال : منبعد نعرفو
في البيرو قعدوا في الفوتاي لكبير تاعو هي جبدت البرمي تاعو
قمرة : لبارح لقيتو كي خملت الصالون ، طاحلك لتم
إسلام : ياه وانا نقول وين راه (ضحكوا) يعطيك الصحة بصح علاه شقيتي روحك كون قلتيلي نجوز نديه
قمرة : حبيت نشوف وين يخدم ولد عمي ولا قلقتك ؟
إسلام : لالا حاشى مرحبا بأي وقت برك استغربت هادا مكان
قمرة : ههههه 😂😂نورمال دوك توالف مينداك نخرج بخرجات هكا انا (ضحك😂 )
إسلام : واش رأيك نروحو نفطروا كيفكيف ؟
قمرة : معليه فكرة مليحة
إسلام : إمالا اصبري شوية برك نشوف دوسيي ونروحو
ناض راح للبيرو تاعو وهي صونا تلفونها
قمرة : وي
تيم  : واش وين راكي  ؟ ما بنتي ما تحوسي ماتقولي عندي تدريبات نروح نديرهم ؟ شحال عندك ملي هبطتي من دبي  ومازال ماجيتي ، احشمي على روحك شوية
قمرة : ياو اصبر بلعقل اهدر وديجا كان عندي عرس تع بنت عمي علابالك ياك وزيد راني دايرة حسابي السمانة هادي نجي ديجا غدوة ان شاء الله نصبح عندك
تيم : مليح جيبي معاك حوايجك هاد المرة تبقاي سمانة عندي  ،داركم مكاشهم علاباي تسما ماعندك حتى عذر
قمرة : شوف اسيدي مع الاسف نحطم االاحلام تاعك عندي عذر  ، راني في دار ماني وراهو معايا عمي فراس
تيم  : هداك لي كان معاك مقبيل ؟ خلاص فهمت
قمرة : ايه هد...... حبس حبس كيفاش عرفت ؟
تيم : عيب عليك تسألي هاد السؤال
كانت تهدر معاه وإسلام مرة مرة على يشوف فيها حتى دخلت عليه منال
منال : إسلام واش رأيك نروحو نفطروا كيفكيف ؟ (قالتهالو بتبسيمة وشافت في قمرة لي كانت تشوف فيها وهي تهدر فالتلفون )
إسلام : مانقدرش راني خارج خليها مرة أخرى
قمرة : هايا انا راني مشغولة دوك عشية نقصرو ... ايه ايه فهمتك هايا باي . كوبات عليه وشافت فيهم وتبسمت مع منال لي ردتلها تبسيمة صفرا (كيما هي هههههه)
إسلام : منال هادي بنت عمي قمرة ، قمرة هادي amis تاعي منال وتخدم هنا معايا
منال : اتشرفت بمعرفتك
قمرة : الله يسلمك ميرسي (كأنها اتجاهلتها ههههههه😌😂😂)
إسلام : منال أنيس (خدام برك مش شخصية مهمة) راهو فالبيرو تاعو ؟
منال : لالا شفتو خرج راح يفطر علاه ؟
إسلام : هاد الدوسيي لازم يشوفو خلاص صحة ، هيا قمرة نروحو
رفدت صاكها وتلفونها في يدها تبسمت مع منال وخرجت معاه ومنال بقات تغلي
منال  :تسما راه خارج معاها ، دوك نشوفو شكون نتي
إسلام : سيليا كي يولي أنيس مالفطور روحي اعطيلو دوسيي هادا كي نجي اومبعد نسحقوا واجد
سيليا : داكور مسيو إسلام
إسلام : تقدري تروحي
خرجت موراهم منال وشافتهم كي هبطوا فالاسنسور  وكملت هبطت
قمرة  :نروحو بطونبيل وحدة ولا كل واحد في تاعو ؟
إسلام : خلي ارواحي معايا منبعد نرجعك هنا
ركبوا فالمرسيدس تاعو وراحوا للريستو شوية بعيد على الشركة ، كي وصلو دخلو وداهم سارفور ديراكت للطابلة كانت طل على غابة شابة ، قعدوا وطلبوا الماكلة منبعد بداو يتعرفو على بعضاهم قبل ما تجي الماكلة (اخخخخخ جعت ههههه)(بون رح جيكم بيزار كيفاش يتعرفو على بعضاهم وهما اصدقاء طفولة وولاد عموم بصح إسلام نساها قمرة كي كبرو وتباعدو وزيد غير كيما عاود عرف بلي هي نفسها بنت عمو علابيها 👍)