القصة باللهجة الجزائرية 🇩🇿
القصة من تأليفي وهي قصة خيالية لاتمد للواقع بصلة ، كل الأفكار من عندي . لا أقبل بأي شكل من الأشكال أخذ أي جملة ونسبها لنفسك أو عملك ، أتمنى أن تستمتعوا في قراءتها
بالنسبة للشخصيات يمكنكم تخطي فصل الشخصيات وتخيل أي ممثل...
Oops! This image does not follow our content guidelines. To continue publishing, please remove it or upload a different image.
كانت تمشي فالرواق رايحة لعند تيم، حتى شافت أحمد وتيم وانس (يخدم معاها تع informatique دارتلهم التحية ووقفت معاهم) تيم : عميلة لونا يوم رح تبداو خدمتكم باش تتجسسوا على ال boss وقد ماكانت مدة التجسس اكثر قدما رح تكون فعالة قمرة : حاضر سيدي، عميل 24 رح يكون معايا سيدي لأنو نحتاج مهاراتو ايضا تيم : كيما تحبي المهم المهمة تنجح هيا في امان الله اداو التحية وراح تيم بقى غير أنس (هو خبير انفورماتيك كيما هي برك متطور عليها بسك قرى اكثر تسما رح يعاونها عندو22 سنة كيما هي، يتيم علابيها تيم عاونوا وخلاه يكون جزء منهم) أنس : لونا هادي غيبة توحشناك اسيدي؟ قمرة :الله يسلمك حتى انا توحشتكم كان معاهم أحمد لي تبسم بشكل خفيف أحمد : انا نخليكم، ربي معاكم (داروا التحية لبعضاهم وراح كل واحد لشغلو) قمرة: ايه احكيلي واش صرى في غيابي نعرفك ما تراطي والو 😏 أنس : صراو بزاف عفايس منهم شاف مراد تع المطبخ اتقاعد قمرة : عمو مراد !!! أنس : ايه بعد ما كرموه بشكل خفيف بين الجنرالات ونتي كنتي مشغولة هكدا قاللنا جنرال تيم علابيها ماقدرتيش تحضري قمرة: ايه كنت مشغولة بصح لوكان قالي راني حاولت نجي، صحة تعرف داروا؟؟ أنس : لالا مي نقدر ندبرهالك 😉 قمرة: صحيت ايه كمل واش ثان أنس : أيهم تزوج راهو في 15 يوم كملوا راحوا للمكتب تاعها هي وأنس مع العلم انو تغلقو كي ما تكونش مي أنس كي يسحقوا يدخل بسك عندو صلاحية وزيد عندو مكتب تاعو قمرة : مبروك عليه ان شاء الله يتهنى ، هدا ماكان؟ أنس كان يشوف فيها بقلق شغل حاير اذا يقوللها اخر خبر اول لا حتى هي فاقتلو قمرة: أنس تحكي ولا نو؟ 😒 أنس : بصح بيناتنا تعيشي يعرف واحد مرت الجنرال تقطعني قمرة : علاه واش صرى ؟ تحكي ولا ندخل فيك بدماغ؟ 😡 أنس : كي ما كنتيش، عندها سمانتين المدام سيبالل تعرضت لهجوم كي كانت جاية لهنا بصح ما صرالها والو الحمد الله بصح كانت..... قمرة : علابالك واش اكثر حجة تقلقني ياك؟؟ 😡😡 أنس : كي لحقت بيها انا بسك عيطتلي ديتها للسبيطار كانت تتوجع ما فهمتش علاه بصح منبعد عرفت بلي كانت بالحمل واجهضت شهقت ودارت يدها على فمها كردة فعل ودموع جراو لعينها قمرة : منبعد واش صرى؟ عيطت للجنرال تيم ياك؟ أنس : لالا هو كي سمع من الحراس تاعها واش صرى جا يجري، منبعد خلاني نوعدهم بلي ما نحكي لحتى واحد في الخدمة وما حكيت حتى واحد من غيرك والله قمرة: 😞😞😞خلاص فهمتك ابدأ خدمتك هنا دوك نجي، نجيب قهوة لينا ما نطولش أنس : حاضر خرجت رايحة للمطعم تمشي بكل ثقة بصح حزينة على خالها ومرتو بصح قررت تنتقم من الشخص لي دار هكا وعلابالها بلي حاب ينتقم من تيم. المهم كملت تمشي حتى وصلت، كانوا كاينين شوية جنود لتم وخدامين بزاف، كانت تحرك رأسها معاهم وتردلهم السلام حتى وصلت لعند طباخة تبان جديدة قمرة : ديريلي زوج قهوة كحلة طباخة : معليه وقفت تشوف فيها وهي تخدم خدمتها، تبان مرأة كبيرة فالعمر من الملامح تاعها تبان مرأة عندها ماجوزت فالحياة الطباخة : اتفضلي بصحتك قمرة : يسلمك خالتي، اذا معليش نقدر نعرف إسمك؟ طباخة : طبعا، انا اسمي وردة قمرة : متشرفين انا العميلة 1 تقدري تعيطيلي لونا وردة☺: اتشرفت بمعرفتك بنتي قمرة : الشرف ليا انا نخليك نروح نخدم راني نجي نزورك مرة على مرة وردة : معليه يا بنتي الله يعاونك راحت تكمل خدمتها عند إسلام فالبيرو بعد ما رجع من عند قمرة قعد يخدم وكمل واش عليه من خدمة ثقيلة باش يولي الدار عندو هدرة مع فاطمة وحاب يعرف واش مخبي عليه، هو يعرف انو جداه حاوزت عمو وكانوا يروحوا ليه بلا ماتعرف كي كان صغير مي حس بلي كاين حاجة اخرى مخبية حاجة اكبر من انو وحدة ماحبتش عروستها وواش صرى، كاين عفايس لازم يعرفهم حتى لو مش حابة تقولو هو رح يعرف قطع عليه تفكير تاعو منال لي دخلت عندو منال : إسلام شوفلي هادو الى مسقمين باش نديرهم فالبيسي؟ إسلام : هاتي شاف واش وراتلو وقاللها شوية ملاحظات منال : بنت عمك جامي حكيتلي عليها؟ (بدات هدرتها بلطافة مصطنعة وهي غايتها تعرف نوع العلاقة بينهم اذا قديمة ولا جديدة) إسلام : بسك ماكانتش هنا علابيها، مي هي صديقة الطفولة تسما هي عزيزة عليا (شاف فيها بابتسامة وهي ردتهالو مي فالصح راهي الغيرة ماكلتها) منال : شحال حطة يكون عندك واحد مالعايلة هكا قريب ليك إسلام : ايه صح، المهم انا كملت خدمتي هداك هو عندي شغل برا كشما خص ابعتيلي مع أمير ولا أيمن منال : اوكي ابقى على خير خرج وخلاها في بلاصتها منال : شغل انا ماشي كافيتني بنت عمتو هديك دوك جات هادي، بصح هدي ما تبانش ترمي روحها عليها عجبتني تبان عندها كاريزما ( حتى منال وعجبتها إما لا إسلام كيفاه 😂😂😂😂) اوف واش راني نهدر انا هبلت خرجت وراحت تكمل خدمتها وتخرج هي ثان عند إسلام لي كي خرج عيطلو فراس فراس : واش إسلام صفا؟ إسلام : انتيك ونتا؟ فراس : الحمد الله اسمع روح جوز على قمرة شوفها كشما خصها بسك انا رحت خرجلي شغل تسما ماراحش نكون معاها، نتكل عليك إسلام : كونك مهني اتهلا فروحك وبالاك مالخداعين فراس : ماتخافش عليا نقدر لهم، هيا نقصروا من بعد اتهلا كوبا عليه وإسلام بدل الطريق لدار قمرة. كي وصل ما لقاش طونوبيلتها والضوء طافي عندها، عيطلها، كانت فالبيرو تخدم حتى صونا تلفونها دوزيام ، شافت اسمو قمرة : أنس خليني وحدي كي نكمل نعيطلك أنس : اوكي راني في بيتي اصلا عييت خرج وخلاها وهي خرجت للبالكون تهدر قمرة : سلام إسلام : سلام قمرة لاباس؟ قمرة : حمد الله ونتا؟ إسلام: حمد الله جيت نشوفك عيطلي فراس قالي راكي وحدك مي ما لقيتكش (قمرة : علاه يا فراس ديرلي هكا 😩) قمرة : ايه بسك راني عند مرت خالي اسحقتني ليوم تسما رحت نبات عندها إسلام: اه فهمت معليه اتهلاي فروحك كشما خصك عيطيلي 😌 قمرة: يعطيك الصحة 😄😄نتا ثان تهلا فروحك سلم على خالتو امينة قوللها على يومين راني نجي ليك نشوفك إسلام : اوكي.... قمرة كي سمعت اسمها حست بإحساس غريب كي شغل إسمها جاها مبدل جات تهدر حتى دق الباب ودخل تيم تيم : لونا ... (شافها تشوف بعينيها مفتوحين ) قمرة إسلام : انا نخليك راكي مشغولة قمرة : هذا خالي تيم إسلام : سلمي عليه قمرة : مام هو راه يسلم عليك إسلام :امالا انا نخليك ابقاي على خير قمرة : ابقى على خير (كوبات عليه ودارت لعند تيم) تيم : شكون هذا؟ قمرة: إسلام مصطفاوي تيم :😐 وقتاه وليتي تهدري معاه؟ ما تقوليليش.... قمرة : ايه ولالا تيم : فهمي روحك ايه ولا لالا قمرة : ايه تعرفت عليهم وعرفوني شكون انا في 4 ايام😒 ولالا مارانيش حا ندير واش قلت راني معاهم علاجال لحماية تيم : اه فهمت، وراكي مقتنعة بواش راكي ديري؟ قمرة : ما نقدرش ننكر أصلي والدم عمرو لا يولي ماء عنقها وسلم على رأسها قمرة: علابالك راني فخور بيك ، كان علابالي بلي رح تنساي لحكاية وانا كي عاونتك ماشي باش نحرشك على عايلتك لالا باش نخليك تعرفي الصح مالغالط، حبيتك تتعلمي من اخطائك ، وكان علابالي بلي رح توصلي لهاد النقطة حتى وماكاش خطر على العايلة، جيت باش نقولك راه جاي عميل يخدم عندنا كان يخدم في الخارج ودوكا لازم يكون معاك في المهمة قمرة: خلاص وقتاش يجي؟ تيم : هو في الصح تعرفيه قمرة : شكون؟ تيم : مفاجأة قمرة : تعرفني مانحبش المفاجآت 😒 تيم : وثان عندك جولة برى قمرة : اوكي ابعتلي الموقع دوك نروح جات خارجة حبسها تيم : الموطو راهي لتحت عند الجندي بالاكي عليها دار ليه ضحكت من قلبها وراحت سوطات عليه وعنقاتو من بعد هبطت وراحت تجري لبيتها وهو بدا يضحك عليها دخلت لبيتها حكمت ساكادو دارت فيه دوزانها لي تسحقهم وكاسكيطة كحلة ودارت شوية ماكياج تبدل بيه ملامحها حرصا من ان تتلاقى بكاش واحد مالعائلة هبطت بعد ما جازت لعند أنس وهدرت معاه ووصاتو . وصلت لعند الجندي لي دارلها التحية وردتهالو دارت الكاسك وديمارات تجري، الموطو حب حياتها 😂 بصح ماشي كيما طونوبيلتها بنتها 😂😂😂 راحت للبلاصة لي بعتهالها وكانت تبان مهجورة ومافيها حتى حياة بصح هادي من برى تبان هكاك ومالداخل فيها حياة وحدوخرة، كاين مستودعات تحت الارض وكاين قاعة اجتماعات وين يديرو اجتماعات تاعهم كي يبعتلهم البوص اوامر، وهاد السمانة كاين اجتماع كي رجع البوص بعد ماكان مشغول، هما ماعلابالهمش باش كان مشغول بصح قمرة مايخفى عليها شي 😌 عرفت بلي دار عشاء تع عرسو لي خير يديروا بين العائلة (يماه ختو وليد عمو، صاحبو ومرتو، شوية لافامي وحدوخرين وباينة لافامي تع مرتو). دارت دورة خفيفة على لبلاصة من بعد ولات للمقر باش تكمل خدمتها وتستقبل العميل لي هدرلها عليه خالها وزيد تعرفو. جاز الوقت بالخف بين خدمتها و الأبحاث لي ديرهم حابة تحل هاد المشكل بٱقل اضرار بالمعنى الاصح بلا ما تنقاس شعرة من عايلتها اما عن حياتها...... قمرة : ادخل جندي : حضرة العميلة الجنرال تيم راه يعيطلك قمرة : صحة راني جاية
ناضت موراه وراحت للبيرو تع تيم دقدقت ودخلت كي خلاها، لقات شاب صغير يكون في العشرينات حست روحها شايفاتو بسك كان قاعد وظهروا للباب تيم : ارواحي لونا ، عميل ليو نقدملك العميلة 1 لونا من افضل عملائنا ، لونا نقدملك العميل 19 ليو العميل لي حكيتلك عليه دار ليها ليو وهي تصدمت وهو كثر منها ليو :أنتِ! قمرة : أنتَ! تيم (😏) : مفاجأة ، اقعدوا قعدوا مشوكيين شوية ، كيفاه هذا؟ واش راه يدير هنا؟ من وقتاش وهو داخل فهاد الخدمة؟ مام ليو ما كانش خير منها كان يسمع عليها بلي بنت خت الجنرال ، وواحد ماشافها من قبل في الميدان غير لي يخدمو معاها، بصح جاتوا بيزار صح كانت تبان خفيفة بصح واش عرف عليها انو قلبها بيض
علابالي حابين تعرفوا شكون ليو بصح مادابيا نخليه مفاجأة للبارت الجاي ان شاء الله وتكونو خممتوا مليح شكون هو وواش علاقة تاعو بيها، حاولت نحط تلميحات في اخر كلامي ان شاء الله تفيقولهم ❤ (غير فوفو لي رح تعرفوا، اصلا هي اول وحدة قرات الرواية هادي 😌😂)
