القصة باللهجة الجزائرية 🇩🇿
القصة من تأليفي وهي قصة خيالية لاتمد للواقع بصلة ، كل الأفكار من عندي . لا أقبل بأي شكل من الأشكال أخذ أي جملة ونسبها لنفسك أو عملك ، أتمنى أن تستمتعوا في قراءتها
بالنسبة للشخصيات يمكنكم تخطي فصل الشخصيات وتخيل أي ممثل...
في الشركة بالضبط في قاعة الإجتماعات كان رئيس شركة أريس لي هو محمد مع بنتو ليديا و سيكرتار تاعها ومعاهم إسلام وأمير وأيمن و سيكرتار تع إسلام ، كانوا يتناقشوا على الخدمة وإذا تفاهموا يولو شركاء إسلام : سي محمد كلش راهو باين دوكا محمد : وي بيانسور ، حنا رح نزيدو نتناقشوا على الموضوع ونرد لك الخبر إسلام : كيما تحب ناضو تخامسو كامل وليديا كانت تشوف في إسلام بشوفات إعجاب وهو فايق بصح تعامل معاها برسمية خرجوا راحو الضيوف وأيمن هو لي رافقهم ، وبقى أمير مع إسلام ، شاف فيه إسلام : خير وشبيك تضحك وحدك ؟ أمير : الطفلة ما شفتهاش كيفاش كانت تشوف فيك ؟ طاحت فيك 😂😂😂 إسلام : واش دخلني فيها تتهارد ، أنا رح نولي لخدمتي هيا أومبعد أمير : اومبعد ولد العم ولى إسلام للبيرو تاعو يخدم عادي ، جاز وقت حتى عيطلو فراس فراس : صباح الخير إسلام إسلام : صباح النور فراس صافا ؟ فراس : أنتيك الحمد الله ونتوما صافا ؟ الدار ؟ إسلام : الحمد الله ، إيه كيفاه فراس : كيفكيف الخدمة هي هي وراني مطول هنا وحد سمانة هكاك ، مقبيل هدرت مع قمرة وقلتلها بصح حسيتها كي شغل مريضة في صوتها تقدر تجوز ليها مور الخدمة ولا علابالي هي ما تهدرش بصح حبيت نطمن عليها إسلام : ماشي مشكل اومبعد فالفطور نروح ليها فراس : هيا مالا راك هنيتني كي تروح ليها ابعتلي برك ميساج إسلام : خلاص مفرية ، إتهلا فراس : هي إتهلا كملوا هدرة ، وإسلام كمل خدمتو بكري ليوم يعني يقدر يروح للدار . خرج مالشركة وراح عند قمرة ديراكت كانت مكسلة فالبيت عيانة وتشوف تلفزيون ولا نقولو شاعل بلا سبة بسك كانت مغطية عينيها تحس سخانة تخرج منها والجرح كان لازم يتبدل الضمادة تاعو عندها نص ساعة سمعت دقديق فالباب شكون رح يجيها ، ناضت بلعقل باش ما تجيهاش دوخة وراحت تمشي شادة فالجرح فتحت الباب ولقاتو قمرة : إسلام !! إسلام : مساء الخير ، جيت نطل عليك شاف فيها كانت خدودها غوز مالسخانة و عينيها مذبالين ، شافها شادة في خصرها استغرب قمرة : اهه اسمحلي جوز ادخل بعدتلو باش يدخل وغلقت الباب وتبعاتو للصالون وقعدت مقابلاتو إسلام : راكي تباني عيانة ؟ راكي مريضة ؟ قمرة : ضربني ريح برك هدا مكان دوك نشرب تيزانة إسلام : بصح كيفاه راكي وحدك ومريضة تان c'est dangereux قمرة : نورمال موالفة نبقى وحدي إسلام : انا ما نكدبش عليك ما يعطينيش قلبي نروح ونخليك ، واش تقولي لوكان .... قمرة : لالا إسلام مانقدرش إسلام : علابالي بلي صعيب بصح في خاطري هاد المرة تبراي ومنها حتى يجو عمي ومرت عمي ولا حتى يولي فراس مالخدمة .... قمرة : إسلام إسلام : قمرة ، رح نبقى نسمط علابالك ؟ تعرفيني ياك ؟ ضحكت بخفة تفكرت بلي هو راسو يابس تان كيما هي قمرة : خلاص نجي معاك تبسم ابتسامة عريضة إسلام: انا نقولو ليما ، رح تفرح كي تعرف راحت توجد حايجها لي كاينين لتم كامل ولبست روبا زرقا طويلة مع صندالة وخرجت مع الكابة وهو كي شافها راح رفد الكابة عليها قمرة : نتا سبقني للطونوبيل انا نجيب حاجة ونجي إسلام: اوكي راح وهي دخلت للكوزينة جابت دواها دارتو في صاكها صغير وغلقت الغاز و تفقدت كلش وخرجت ، غلقت الباب وراحت تركب قمرة : طونوبيلتي إسلام: من بعد نبعت شوفور يجي يديها راحو للقصر كيفكيف وأمينة كانت تستنى فيهم عند الباب ، هبطت قمرة وعنقتها بصح توجعت شوية بصح ما قالت والو أمينة : توحشتك زينتي ، بصح راكي سخونة (دا رت يدها في جبهتها وخدودها لقاتها سخونة) ادخلي ادخلي نديرلك تيزانة وماكلة بنينة الله الله دخلت معاها وإسلام موراهم ، كانت صفاء مع نسرين وسليمة ونايلة والبنات كل وحدة وين رؤيا وماريا فالليسي ، إنصاف في la fac إيلين خرجت تشري حوايج ، شافوها وناضت نايلة ليها تسلم عليها هي وصفاء نايلة : شكون جاا لقمر تع الدار ضحكت قمرة وإسلام ثان ، سلمت عليهم زوج ولوخرين ما شافتش فيهم حتى صفاء : واش راكي بنتي ؟ قمرة : الحمد الله ونتوما ؟ صفاء : الحمد الله نايلة : توحشتك والله الدار سامطة بلا بيك قمرة : حتى انا توحشتكم نتي طاطا أمينة مام نتي ..... عمتي أمينة شافت في صفاء لي فرحت كي قاتلها عمتي بسك كانت حاسبتها زعفانة صفاء : جوزي جوزي ريحي إنصاف دوك تجي قاتلي دخلت معاهم وأمينة دارت لإسلام إسلام : أنا نطلع نحط كابتها ، حطيلي نفطر أمينة : معليه نحطلكم كيفكيف درت كباب كيما تحبوه سلم على رأسها وطلع حط كابت قمرة في بيتها وراح لبيتو بدل حوايجو تع دار وهبط يفطر دخل قعد مع عماتو نايلة : إسلام بصح نستعرف بيك قنعتها تجي لهنا ضحك إسلام وقمرة تان وهدرت قمرة : ايه بسك سامط من بكري هكا نسرين : ونتي وين تعرفيه ؟ قمرة : أنا وإسلام تربينا كيفكيف علابيها نسرين تخلعت كيفاه هدا ؟ صفاء : كان يجي عندكم إسلام ؟ قمرة سكتت شوية من بعد هدرت قمرة : ايه كان يجي مع طاطا أمينة وأماني وعمو نصر الدين الله يرحمو النساء : الله يرحمو (عجزت نكتب اسماواتهم بالوحدة ) جات أمينة مالكوزينة أمينة : هيا لولاد ارواحو تفطرو قمرة : لالا انا كليت إسلام : ما راحش تقولي لالا على لكباب شافت فيه بنظرة خبيثة قمرة: باينة ناضو كيفكيف وراحو ، كانت نايلة وصفاء يتبسمو ونسرين قالبة وجهها وسليمة ثان سليمة : عاودت ولات ، كيفاه دوكا مع إيلين ؟ ماراحش تقدر تقرب منو شبر نسرين : اسكتي نتي بركاي ما تخلطي لي يشوف يقول مرتو كانو قاعدين فالجنينة يفطرو وأمينة معاهم حبت تشاركهم القعدة وإسلام و قمرة يلعبو كي دراري صغار دخلت طونوبيل تع شوفور وكانت فيها إيلين ، كي هبطت ما شافتهمش مع اللول حتى قربت دارت لجهتهم كي شافت مع اللول إسلام تبسمتلو من بعد شافت ظهر طفلة حتى دارت هديك الطفلة وهي جمدت قمرة لي شافت إسلام يشوف موراها دارت تشوف شافت إيلين واقفة ، حبت تقلقها تبسمتلها وروشا بيدها بلعقل وإيلين حست روحها تقلقت دخلت تجري مقلقة أمينة : وشبيها ؟ قمرة شافت فيها ببراءة ودارت 🤷🏻♀️ إسلام كان يتبع فيها واش دارت وتبسم بلا ما يشوفوه ناضت أمينة للداخل وبقاو هما الزوج كيفكيف ، صونا تلفون تاعو وكان مالخدمة إسلام : وي سيليا ، إيه خليه عند أيمن إيه علابالو هو ، صحا كوبا وشافت فيه قمرة : خدمة ؟ إسلام: إيه خدمة قاتلي على المتدربات قمرة: راكم تشدو ؟ إسلام : إيه علاه ؟ قمرة : راني نحوس وين نديرو انا وأماني التدريب تاعنا إسلام : ماقالتليش قمرة : كانت لاهية مع توجاد العرس تسما انا كنت نهدر مع الأساتذة إسلام : خلاص إمالا من غدوة جيبي لورق لي لازم وارواحي ولا خلي حتى تريحي من بعد ساهل قمرة: صحا تفاهمنا كملو ياكلو ويقصرو من بعد كل واحد طلع للبيت تاعو
Oops! This image does not follow our content guidelines. To continue publishing, please remove it or upload a different image.
