قمر الإنتقام

🌟الفصل التاسع : المهمة 🌟

تيم : علابالكم علاش عيطتلكم، ليو نظن عرفت بلي البوص راه رجع ومش ناوي على خير وبالأخص راه مستهدف العايلة تاعك، عايلة مصطفاوي
أمير : كيفاش!!!!!!!
تيم : إيه و لونا راهي متبعة القضية وحبيت نتا ثان تكون معاها بما أنو الموضوع يخص دمكم
قمرة : مثل ما علابالك حضرة الجنرال انا راني ندير في جهدي و بديت الأبحاث تاعي ورحت للمقر لي بعتهولي صباح ودرت عليه دورة وشفت الأماكن لي نقدر ندخل منها كاين 3 مداخل زوج معسوسين واحد في الجهة الامامية وواحد الجهة الخلفية وواحد مخرج الطوارئ وكلش كيما استنتجناه انهم يحاولو يغطوا على اجتماعهم ف مكان قديم بصح عرفت بلي فيه كاميرات برى ولداخل ورح نحاول نخترقهم باش نشوف واش رح يصرى بسك على حساب المخطط اللي عندي لهديك البناية انها فيها مستودعين تحت الارض وغرفة اجتماعات وغرف لو خرين فارغين
تيم : مليح دوكا أمير رح يعاونك ويكون معاك فكل خطوة ولازم تشاورو بعضا كم في كل حاجة لأنكم وليتو فريق
أمير : اكيد جنرال
قمرة : اكيد جنرال
تيم : تقدروا تخرجوا وتحكوا اكثر في التفاصيل و اي جديد رح نخبركم
دارو التحية العسكرية وخرجوا كيفكيف شافت فيه وشاف فيها
قمرة & أمير : لازم نحكوا
قمرة : هيا نخرجوا برى
خرجوا يمشوا في المساحات اللي يتدربو فيها الجنود
أمير : من وقتاش ونتي تخدمي هنا؟
قمرة : عندي عامين
أمير : 😲😲 عامين ودرتي هاداك الشي قاع الله يبارك، وعمي ومرت عمي علابالهم؟
قمرة : لالا ومادابيك ما يعرفوش ولا حتى عائلتك مالازمش تعرف
أمير : راكي جزء منها حبيتي ولا كرهتي
قمرة : أمير!!!! ، شوف بالاك وبالاك تتخطى حدودك هنا رانا عملاء برك تجمعنا خدمة انا لونا ونتا ليو ، وبرى رح يجمعنا غير رابطة الدم والاسم برك
أمير : كونك مهنية انا ما نخلطش بين الحياة الشخصية و المهنية
قمرة: ان شاء الله تكون عند كلمتك هيا نروحو للمكتب تاعي باش نحكو على التفاصيل لازم ليوم فالليل نروحو للبلاصة هديك، ودوكا رح نعرفك على عميل أنس نظن تعرفو
أمير : ايه نعرفو مي جامي حكيت معاه، دايمن كنت نروح مهمات خارج لبلاد علابيها
قمرة : امم فهمت هيا نروحو
راحوا للبيرو تاعها تعرف على أنس و هدروا على التفاصيل (رح يروح أمير وقمرة اليوم فالليل على 00:00 للمقر السري تع المافيا ويدخلو للداخل بالتخفي يركبو اجهزة تنصت للبلاصة )
أمير : خلاص إمالا تفاهمنا عشية على 23:45 نكون هنا باش نروحو
قمرة : اوكي تفاهمنا ، أنس نتا وجد كلش انا نروح نريح ، by
خرجت وراحت للبيت تاعها دخلت رمات روحها فوق البونك راهي تحس روحها عيانة شوية تفكرت بلي مزال ما كلات، طلبت الماكلة من المطعم عجزت تهبط تاكل لتحت وماشي حابة تتلاقى بالعباد، جاتها الماكلة كلات وشربت دواها وعيطت لفراس قسرت معاه شوية منبعد رقدت (عاشقة النوم 😂😍)
عند أمير، بعد ما وصل للدار ودوش وبدل حوايجو ورقد جات يماه تنوضو للعشاء
سليمة: أمير وليدي نوض راه وقت لعشاء
تقلب في فراشو وهي تلعب بشعروا فتح عينيه يتبسم
سليمة: هيا نوض
أمير: راني جاي
خرجت وهو ناض سقم روحو وهبط، قعد وكان يبان يخمم، أول مرة يشوفوه هكا
أيمن : واش خو غرقولك لبوابر 😂😂
أمير :😒 لوكان ماشي لفاميلية هنا نوريلك
نايلة : ايمن حبس
كملوا ياكلوا حتى نطق إسلام
إسلام: راهي تسلم عليك قمرة يما
أمينة : يسال عليها الخير وليدي
إسلام : قاتلي راهي بايتة عند خالها بسك مرت خالها سحقتها
أمينة : مليح ماراهيش وحدها
سكتوا وكملوا ياكلوا ومرة على مرة يهدر واحد . كي خلاص لعشاء طلع كل واحد لبيتو وأمير وجد روحو وجا خارج تلاقى بباباه
كمال : أمير
أمير : أنعم
كمال : وين راك رايح ؟
أمير : عندي شغل
كمال : بسلامة
خرج ركب طونوبيلتو وراح للمقر ووصل في الوقت لقاها واجدة وفالموطو تستنا فيه هبط عندها وخمست معاه
قمرة : راك جاي بطونوبيل ؟
أمير : علاه ؟؟
قمرة : طونوبيل تثقلك شوية ، جيب موطو خير باش منبعد نتسيباراو كل واحد يولي وحدو
أمير : اوكي عندك لحق
راح جاب موطو تع أنس بسك تاعو مخليها فالخارج
قمرة : دوك نعيطلك وندير بلوتوث ونهدرو
أمير : أوكي بصح عندك نيميرو
قمرة : وي عندي
دارا كيما قالتلو وخرجو مالمقر وراحوا للوجهة تاعهم
قمرة : راك تسمع فيا ؟
أمير : راني نسمع فيك لونا
قمرة : دوك أنا رح نروح مالباب لي ملور ونتا سيي منا ، الكاميرات راهم طافيين قيس نص ساعة ندخلو ونخرجو
أمير : اوكي
راحت ملور باش تدخل وكانت حطت موطو تاعها في بلاصة مخبية مور شجرة كبيرة ، كي وصلت لقات زوج حراس
قمرة : allah kahr etsin
أميز : واش كاين ؟
قمرة : راهم حاطين زوج حراس هنا ، نورمالمون ليوم مكان والو
أمير : زعمة فاقو ؟
قمرة : ماشكيتش بسك لوكان فاقوا الحراسة تتضاعف وماراحش يخلو زوج برك ، خلاص دوك نفريها أنا بالاك يكونو دايرين فخ غطي وجهك مليح واذا كشما صرى روح وانا نلحقك
أمير : حبسي حبسي كيفاه هدي نروح ؟؟؟ جينا كيفكيف نروحو كيفكيف
قمرة : ماتبداش تصرعني اني داخلة
راحت تمشي مع الحيط بلعقل وجبدت سلاحها دارت كاتم الصوت فيه ، لحقت قريب ليهم صوبت على الأول وجابتهالو في وسط الجبهة وزادت الثاني كيفكيف وراحت تجري قلبتهم لقات بطاقة تع ليدخلو بيها مالباب داتها ودخلت
قمرة : ليو راني دخلت
أمير : مام أنا دخلت
قمرة : كيفاش الحالة ؟
أمير : كالم فوق اللازم كاين حاجة غير عادية في الحكاية
قمرة : دوك نعرفو أنا راني في الدروج تع الطوارئ في الإيتاج دوزيام راح ندخل للكولوار باش نشوف المكتب
أمير : راكي متأكدة ؟
قمرة : وي متأكدة
دخلت بلعقل وجها مغطي غير عينيها يبانو لابسة سروال جين كحل مع تريكو كحل وفيستا كوير كحلة مع godasse كحل مايديرش الحس سبيسيال ، رافدة سلاح بيد ويد لوخرة دايرتها على الخنجر لي في حصرها تستنى وقتاه تجبدو بسك هي مدربة ، كي لحقت قريب بيرو سمعت حس خطوات تع عيباد دخلت في البلاصة الرقيقة لتم وخبات روحها نص وقعدت تطل حتى شافت بنادم خرج من تم قعدت بلا ما تتحرك ساكنة هكاك أي حركة تخسر عليها واش راهي دير ، كان جاز على دخولهم 13 دقيقة يعني بقاولهم 17 دقيقة بالضبط باش يخرجو بلا ما يحكموهم ، راح هداك البنادم من الجهة لي ملهيك وهي تحركت تدخل للبيرو بلعقل كانت لبست نواضر تع أشعة الحمراء باش تشوف أي كاميرا كاينة من غير لي علابالها بيهم ولقات وحدة في قلة كبير شوية محطوط قدام تاقة ومخبية بين الورد وتتحرك باش تحكم كامل البيرو ، ستناتها حتى دارت باش طابست فالأرض وحطت جهاز تنصت الأو لتحت الطابلة الجانبية لي قدام الباب زادت تحركت شوية ودارت لوخر تحت الكرسي تع البيرو سيات ديرو مخبي باش ما يفيقوش بيه بلخف منبعد رجعت نفس الخطوات لي كانت حاسبتهم بدقة عالية والكاميرا على شعرة وتحكمها بصح ما حكمتهاش فتحت الباب شق قيس ما تقدر تخرج بسك هي رقيقة وخرجت بلعقل
أمير : لونا وين راكي ؟
قمرة : هدا وين خرجت مالبيرو ، ونتا ؟
أمير : أنا تان خرجت مالقاعة تع الإجتماعات ، كاين دورية تع حراس هنا
قمرة : حتى أنا لقيت واحد فالبيرو بصح دخلت مور ما خرج
أمير : هداك هو هيا نخرجو قعدو 14 دقيقة والكاميرات يرجعو يخدمو
قمرة : أوكي راني خارجة كيما دخلت
أمير : اوكي
كيما كان الحال أمير رجع مين جا وهي مازال ما خرجت علاه في ميزكم ؟ بسك قمرة عندها فضول يبعتها للمشاكل وهي تروح ليهم بكل ثقة وتهور
شافت باب كي لحقت للباب تع الخرجة بصح ماشي كيما أي باب ، كانت باب مخفية يعني ماراحش تفيقلها بلخف حتى تركز معاها ، كانت عبارة عن حيط وفيه مسمار خارج كي يحركوه يتفتح الباب حركاتو وفي وقت غالط ، لأنو دار حس كبير جات خارجة حتى سمعت صوت رجلين هابطين مالفوق واول واحد لحق عندها تيرا عليها ما قاسهاش صاحبو جبد موس صغير تيراه عليها وقاسها في خصرها بصح ما تأثرتش بزاف بسك جسمها مدرب ، تيرات عليهم في منتصف الجبهة كيما صحابهم وخرجت تجري مالبلاصة وراحت ركبت موطو تاعها قبل ما يلحقها أي بنادم ، كانت قطعت الإتصال مع أمير وعلى هادي هو عيط لأنس يسقسيه قالو بلي خرجت بسك موطو تحركت وهو تان رجع للمقر بحكم أنهم رح يتلاقاو لتم
أما هي فسلكت طريق الغابة بسك حافظتها وزيد للتضليل يشوفوها هي و ما يشوفوش أمير .
لحقت لبلاصة وين لقات بحيرة وطريق على اليسار مغلوقة و على اليمين مفتوحة بصح لازم تحبس تريح الموس مزالو في خصرها ما نحاتوش لوكان تنحيه تفقد دم أكثر تسما حبست الموطو مور شجرة وراحت للبحيرة قعدت قدامها نحات البوني لي كان مغطي وجهها شافت في الجرح لقاتو ماشي كبير بزاف بسك الموس صغير دارت البوني في فمها وعضت عليه وخرجت الموس بلخف نحات فيستا ونحات تريكو الأول وقعدت بواحد برك قطعاتو مورصو دارتو ضمادة والباقي ربطت بيهم الضمادة هديك وناضت راحت فتحت المقعد تع الموطو وجبدت تريكو واسع بيض وخفيف لبساتو بلعقل وزادت فوقو فيستا وراحت رفدت واش كان فالارض الموس خباتو بسك تسحقو و الباقي دارتها فالموطو وشللت يديها فالبحيرة لي كانت هادية بسك الليل وغير صوت الزرزور لي كان ، شمخت البلاصة تع تراب وين كان فيها دم وراحت ركبت الموطو راجعة للمقر بسك واش دارت دوك يشدلها نص ساعة على الأقل باش تلحق للمقر .
أمير : راهي جازت نص ساعة ومازال ما رجعت أنس ؟
أنس : دوك تجي ما صرالها والو دايمن دير هكا باش تظلل الحراس لازم تروح من طريق أخرى وعلى حساب الجهاز تعقب راهي ديمارات من بلاصتها بصح على حساب الشوفة قريب تلحق هنا ها شوف
سمعو صوت موطو لتحت بسك البيرو كان يطل على الساحة الواسعة شافوها هبطت راحو