Spoken Words Poetry (random genres)

Lamat

Para sa kaibigan kong minsan ng nagmahal at nasaktan
Totoo ba talagang nadala na ang pusong mong minsan ding binitawan?

Hindi naman sa sawa na akong pakinggan ka
Pero parang ganun na nga

Alam ko naman na may takot ka pa na dinadala
Pero bakit di mo kasi iniwan doon sa convo niyong naka delete na?

Alam ko ding pagod ka ng mapangakuan at maiwanan mag-isa
Nabulagan ka na sa nakaraan kaya'y hirap ng maniwala

Aminado tayo na mahirap mag-isa
Pero tandaan mo ang pag-ibig ay hindi karera

Tapos sasabihin mong naubusan kana ng tiwala?
Nakikisabay ka pa doon sa mga TikTokerist na feeling 'ginawa daw lahat pero sila pa din ang naiwanang mag-isa' (aywee?)

Sinasabi ko sayo, maraming nagmamadali
Pero hindi umabot hanggang huli

Darating din yung taong iparamdam sayo kung bakit ka para sa kanya
At hindi para sa iba, maghintay ka!