الخازوق الأسود

الخــزق الثـانـي

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

إرَم

من سمعنة صوت الطلقة انا وأمي ثنينة صيحنة.
حطيت أيدي على راسي وصحت.
-نووووح.

صاح علينة الرجال: اششش صوتكم لا ازرف راسة، يلا اطلع من السيارة يلااا.

من كل هيج اخذت نفس براحة رغم الوضع الي احنة بيه بس ارتاحيت نوح مابيه شي.
بس راساً حولت عيني على أبوية أطمن عليه وجان هو هم واگف بمكانة ورافع أيدة والولد موجه المسدس عليه وهمة الي شمرو الطلقة فوگ.

نزل نوح من السيارة وانا وأمي جامدين بمكانة بدون حس ولا نفس.
فجئة انفتح الباب الي يمي، كمشني من عباتي وسحبني حيل برة السيارة وذبني بالگاع وسمعت صوت أمي تصيح.

رفعت راسي ودموعي تنزل ونوح دفع الولد وصاح بصوت عالي.
-لا تمددد أيددددك، اكسرهة والله اكسررررهة.

صاح الولد الي جان يم أبوية: امشي گدامي، يلااا.

دفع أبوية حيل وجابة يمنة وخلاه يگعد وأمي هم گعدت يمنة بالگاع.
همة جانو ثلاث واحد منهم موجه المسدس علينة والثاني گاعد بسيارة أبوية وديشغلهة والثالث ديضرب نوح.

وانا وأمي جنة نبجي ونصيح، ونوح يحاول يقاوم الولد بس ميگدرلة لان جان مبين مو صغير بالعمر وأبوية بس گاعد وساكت.

لحد ما ذب نوح على أبوية الي راساً حضنة يريد يحميه بس مگدر لان الولد رفع المسدس وشمر طلقة على نوح وأبوية صاح وانا وأمي حالنة مينوصف حرفياً.

باوع علينة الولد وكل: علمود لا يتسبع بعد على راسنة.

عافونة وراحو صعدو بسيارة أبوية وساقو مبتعدين عن المكان وانا وأمي گاعدين نلطم ونصيح وأبوية حاضن نوح ويضرب على خدة ويصيح.
-نووح افتح عينك، نوووح أبني افتتتح عيننك.

باوعت عليه فتح عينة على كيف وأبوية حضنة وأمي تصيح.
-رجلة دينزف رجلللة، أدريسسس.

باوعت على رجلة جان فخذة مليان دم، لطمت على خدي وأمي تصيح وأبوية گام من مكانة يفتر ويباوع حوليه ويصيح بس ماكو أي احد، الشارع فارغ ومابيه ولا بيت والدنيا ظلمة.