الخازوق الأسود

الخــزق الـثـانـيـة عـشـر

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

الأكـبر

طلعت من المحل بس ملحگت عليهم لان نوح راساً داس بانزين، وگفت بمكاني وانا عاقد حاجبي مجنت متوقع نوح يمشي وية هيج نماذج أبد !!!

رحت اخذت تلفوني ودگيت على الكـابر، شوية واجاني ردة جان مبين توة گاعد من النوم.
-ها !

الأكـبر: شفت شي واريدك تتأكد منة هسة !

اجاني صوتة يتثاوب: وشنو هو !

الأكـبر: اريدك تروح للمحل الي يشتغل بيه نوح وتشوفلي منو يمة وحوليه !

الكـابر: ليش ؟

اخذت نفسة ومسحت على وجهي: هسة دروح انتَ وانا بس ارجع افهمك يلا..

سديت التلفون ورجعت اشتغل وانا عاقد حاجبية واريد بس اكمل واطلع.
لحد ما صار الوقت العصرية واجة أبن أبو المحل وكلي اروح انا بعد.

وانا راساً طلعت ودگيت على الكـابر يجي علية، وصدگ مطول شوية واجة بالدراجة وانا صعدت وراه.
-رحت ؟؟؟

هز راسة وهو يحط جگارة بحلگة: اي رحت بس مجان موجود واساساً المحل جان مغلق، هسة فهمني شكو !!

الأكـبر: سوق للمحل مالة وانا اكلك بالطريق.

بدة يسوق وسولفتلة الي شفتة وهو هز راسة: فهمتك خلي نسأل أهل المنطقة على الگصاب بالبداية واذا سمعتة خـ** نشوف شغلنة وياه ووية نوح هم.

الأكـبر: ليش انتَ مسألت عليه !

الكـابر: لا انتظرتك كلت اشوف السالفة بالبداية يلا نروح انا وياك.

هزيت راسي: اي زين سويت لعد..

وصلنة للمحل الي يشتغل بيه ونزلنة ثنينة وجان معلگين لافتة بأسم أبو المحل عمار ، رحنة أول شي للمحلات الموجودة وسألنة عليه وتقريباً كلهم كلولنة خوش عالم وأبو المحل واحد يخاف الله ويعرف الحلال والحرام بس هو شكلة يشكك الواحد بيه..

طلعنة من المحل والكـابر باوع علية: اكلك يعني هسة جيتنة وروحتنة بلا فايدة !!!