#الخَـازوق الأسـود
ذكرى.
لا تنسون التصويت والتعليق بين الفقرات 🤎.
استمتعوا....
____________________
____________
إرَم
فتح الباب واشر براسة لـ نوح: انزل..
باوع علية نوح بدون كلام والولد صاح: يلا نوح مستعجلين ترة مابينة حيلك !!!!
دفع نوح أيد الولد الي جانت على جتفة: افتهمت وخر من السيارة خلي تنزل !
هز راسة وانا فتحت الباب وراساً طلعت من السيارة ورحت دخلت جوة البيت وأمي جانت واگفة ورة الباب والقلق واضح عليهة.
إرَم: شكو ماما ليش يردون نوح !!!
لطمت على خدهة على كيف وكلت: ماعرف السيد كلي أبنج متورط وية واحد مو خوش !!!
إرَم: ليش هسة انتِ هيج خايفة ! ترة نوح مو صغير !!!!
وهاج: يا صغير رحمة لدينج اكلهة السيد كلي هيج، اكيد سوة مصيبة وتورط بيهة !!
اخذت نفس وبقيت واگفة ورة الباب، أمي هواي مبالغة بردة فعلهة وخصوصاً من ناحية نوح !
سمعت واحد منهم كل: اصعد يلا !
نوح: اريد اعرف بالبداية شتردون !!
هاشم: اصعد ونفهمك، يلا نوح ترة عندي شغل وراك !!!
سمعت صوت باب سيارة انفتح وراحو وأمي راساً فتحت تلفونهة وهي تكول.
-خلي اخابر أدريس.
إرَم: ترة نوح مو صغير ويعرف يتصرف وحدة وأبوية رجال جبير شنو تخابرينة وتقلقينة بهذا الوقت !!
وهاج: لعد شنو يريدون منة، وكلولي نبقة ننتظرة بأي وقت يرجع يعني راح يسوولة شي !!!!
إرَم: شنو يسوولة قابل وياهم سيد هم وجان مبين نوح يعرف راح يجون عليه !!
عفتهة ودخلت جوة للمطبخ وانا متأكدة راح تخابرة متتحمل..
جموح
مرت هاي الايام واجة يوم السبت الي هو اخر يوم لاجازاتي وبعد هاهية باجر ابدي دوام.
جنت بالمطبخ داسوي چاي والأكـبر گاعد بالصالة وماخذ دفاتري وديكتبلي الواجبات الي فاتتني، اخذتهن من خاتون الي شالت نفسهة ورگعتهة عود ليش تكتبون لجموح والي لا لهذا الكـابر اخذ دفترهة وگعد يكتبلهة ويحللهة الواجب.
YOU ARE READING
الخازوق الأسود
Mystery / Thrillerنحنُ السِراب الذي يلعنهُ التائهون... نحنُ الرصاص العشوائي الذي يستقرُ بكل شيٍ بلا موعد... نحنُ صمتْ المقابر... نحنُ التُراب الذي يقفلُ الشبابيك بوجه الصباح... نحنُ الحظُ العاثِر للسُفن في عرضٍ البحر... نحنُ خليط من الأعمار المتشابهة، نضحكُ مع قلبّنا...
