الخازوق الأسود

الخــزق الـسـادس

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

إرَم

بعد ما خلصت كل الأكل والحلا الي سويناهن انا وأمي صعدت فوگ ورحت دخلت راساً للحمام وبديت اسبح.

من الصبح على گعدة وحدة بالمطبخ، كلشي سوينة حرفياً حتى العصائر سويناهن طبيعي.

خلصت سبح ورحت لغرفتي ولبست گلابية طويلة، وانا امشط شعري سمعت صوت مختار يصيح يا الله، عرفت هيج صاح علمود انا اسمع لان صاعد يم نوح.

حطيت حجاب على راسي ونزلت جوة وجانت بيبيتي أم أبوية وأم مختار جايات بس.
سلمت عليهن ورحت للمطبخ واخذت المواعين الي أمي جانت تغسلهن وكلتلهة تروح ترتاح.

ومختار سند نوح واخذة للاستقبال وگعدو منتظرين وصولهم.
انا واغسل سمعت صوت الباب مال برة يندگ، وخرت شوية من البردة الي على الجامة وشفت أبوية طلع وعمامي والولد هم من الاستقبال.

فتح أبوية الباب ودخلو التوأم وانا فتحت عيني من منظرهم، مبين مكتولين خوش كتلة بس الابتسامة الي جانت على وجهم منطيهم مظهر يضحك.

اجتي أمي وبيبيتي ثنينهن، واستقبلن أم خاتون وبتهة وجموح.
دخلنة جوة وگعدن بالصالة وأمي جانت ترحب بيهن.

رحت انا للمطبخ وحطيت مي على صواني ثنين وحدة جبيرة للزلم والثانية وسط للنسوان.

اجة مختار وانا ارتب وكل: يلا بسرعة.

إرَم: شوكت نصب الاكل ؟

مختار: فد نص ساعة يلا صبو.

هزيت راسي وانطيتة الصينية، وانا اخذت مال نسوان ودخلت جوة وحطيتة گدامهن واسمع المرية تكول.
-يابوية المصايب الي يجيبوهة متتسولف، قبل يومين جاييلي مدمايين.

وهاج: اي لمحتهم ثنينهم شصاير عليهم !!!

حمدية: رايحين متعاركيلي بوادي السلام وية دفانين.

فتحت أمي عينهة وكلت: يووو وشعدهم..

عفتهم انا ورحت للمطبخ اكمل شغلي، هو عفتهم اي بس اذني بقت هناك واسمع سوالفهم، وبگوات ضميت صوت ضحكتي وانا اسمع أم خاتون تكول شي وجموح تبرر وراهة، مبين اكو شي ميردونة نعرفة بس جان واضح.