الخازوق الأسود

الخــزق الـثـالـث

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

الكـابر

بس شفت حالتة راساً طلعت برة وسديت الباب وباوعت عليه.
وهو مدلي أيدة وانا كمشتهة بسرعة وخليتة يگعد بالگاع.

جان مبين الوجع مسيطر عليه لدرجة عاقج وجهة وصاير احمر، باوعت عليه وكلت.
-نروح للمستشفى ؟؟

نفة براسة وكل: لا ميحتاج، بس ماگدر ظهري.

عقدت حاجبي وكلت: ظهرك ؟؟؟ شصاير الأكـبر !!!

اخذ نفس وكل: اسولفلك بعدين الكـابر بعدين بس ماريد خواتي وخالتي يعرفن.

الكـابر: شنو أسوي هسة ؟؟

راد يحجي بس قاطعة فتح الباب، صاحت علينة خالتي.
-ولكم مصاااايببب، شبيه الولد غير نفهممم ؟؟؟؟

باوعت على الأكـبر وهو كل: دخلني جوة ماگدر اتحرك انا.

كمشت أيدة وكلت وانا اگومة: مابيه شي حمدوش، الغبي متزحلگ وظهرة متأذي.

حمدية: بلا كلي الغبي اصلاً وين جان ؟؟؟

الكـابر: بعدين يمة بعدين.

دخلتة جوة وبصعوبة قنعت حمدية تعوفنة وحدنة بالغرفة، وجموح شفتهة واگفة ودموعهة مالي عينهة وتباوع علينة.

سديت الباب وقفلتة وفرشتلة دوشك ومخدة وخليتة يتمدد وگعدت يمة، باوعت عليه وكلت.
-انا راح اسمع منك، بس اذا جان الي بالي صحيح يالأكـبر وروحة لمسلم اعلگك من اذاناتك.

اخذ نفس وكل: وشنو الي بالك ؟

كمشتة من لحيتة حيل وكلت: گاعد تشتغل أكبر گاعد تشتغل !!!

حط أيدة على أيدي وكل: ظهري ولك الكـابر !!!

الكـابر: كسر بظهرك، ولك شنو عايز فلوس ؟؟ گاعد تاكل خبز يابس ومي علمود تروح تشتغل شغل زايد وفوگ طاقتك ؟؟

الأكـبر: االله ناعم علينة بالرزق الحلال ومن تعبنة الحمد الله، بس هذا مو يعني نلزك بشغلة وحدة وخصوصاً بيتنة الكـابر.