الخازوق الأسود

الخــزق الـثـامـن

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

جموح

حجة وياهم الضابط وهمة متناقشو وياه هواي راساً هزو راسهم بس طلبو منة ينتظر دقيقتين يحجي ويانة عود لان وحدنة بنات والضابط وافق.

اجة يمي الكـابر بسرعة وهمس بصوت ناصي.
-تلفوني بغرفتي تاخذينة وتخابرين واحد مكتوب على اسمة السيد هاشم وكوليلة الي هسة صار.

كمشت أيدة وانا أبجي وكلت.
-الكـابر.

قاطعني راساً الأكـبر وهو يكول.
-مو وقت بجيج جموح !!

هزيت راسي له وهمة طلعو راساً وسدو الباب وراهم، رحت ركض لغرفتهم واخذت المبايل ورجعت للصالة يم خاتون الي جانت تلطم وتكول.
-سووهة وخطفو بنية، هذا الجان ناقصنة من مصايبهم !!

فتحت التلفون وانا ارجف وراساً أول رقم جان مكتوب السيد هاشم.
اتصلت عليه وحطيت التلفون على أذني وهو شوية واجاني صوتة يكول.
-ولد مسلم يتصلون علية وين صاير...

من سمع صوت بجيي راساً سكت وكل.
-منو ؟

جموح: انا أخت التوأم، اجوي الشرطة واخذوهم ثنينهم...

جنت احجي واشهگ وهو كل.
-لحظة لحظة أختي اهدئي واحجي شوية شوية والعباس مدا افهم شي !!!

مسحت عيني وكلتلة الي صار وانا احاول اكون هادئة بس البجية جانت كامشتني، سد التلفون وانا گعدت بالگاع وخاتون يمي وتفتر تكول معقولة خطفو بنية !! وانا شوية وهدئت من البجي لان انا وخاتون اتفقنة منسولف لخالتي حمدية لان تسويهة فضيحة.

وصدگ شوية ورجعت خالتي وشافت وجهي صاير أحمر من البجي وسألتني شكو وانا معرفت شنو اكول بس خاتون نقذت الموقف وكلت انا كتلتهة لان كلتلهة خلي نقرة وهي كلتلي باجر سبت عليمن متعبين نفسنة، عاد ترزلت من خالتي.

عافتنة وراحت للمطبخ وكلت.
-هاي بعدجن ممسويات العشاء !! زين الولد وين وليش صينية الأكل بعدهة بالگاع، أنتن متصيرن نسوان بيت مستحيل !!!

اجتي هي شالت الصينية وراحت للمطبخ تغسلهة وتحجي علينة واحنة بالنة مو يمهة بالنة يم المصيبة مال أخواني.