الخازوق الأسود

الخــزق الـحـاديـة عـشـر

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

جموح

يوم الثاني مثل ما جنة مخططين گعدنة الصبح من وقت كلش وتحضرنة وطلعنة لمرقد الإمام علي (ع) بكوستر وخالتي الطريق كلة وجهة منور من الفرحة.

من وصلنة نزلنة من السيارة والكـابر كمش أيد خالتي وسحبهة عليه راساً لان رادت تندعم.
-ولج حمدية شبيج مستعجلة، ترة الإمام مطاير هياتة بمكانة !

حمدية: خايب دعوفني تحسسني يومياً انا شايفة علي  !

الأكـبر: يا علي يمعودة ترة هذا إمام مو أبن الجيران علمود اطگين الميانة وياه راساً !

باوعت عليه خالتي وتخصرت بنص الشارع ورادت تحجي بس الكـابر بعدهة عن الطريق للرصيف وهو يكول.
-بنص الشارع احنة نقاشنة..

وانا وخاتون حاطين العباية على حلگنة وبگوات حابسين الضحكة، تمشينا ورة التوأم الي جانو يحجون بيناتهم.

من وصلنة كملنة زيارة وخلصنة وگعدنة برة نصلي، من خلصنة گعدت خالتي تسوي لفات النة.
اخذت الترمز وصبيت الچاي ورحت يم الأكـبر الي جان ديصلي وحدة شوية بعيد عنة.

حطيتة گدامة وگعدت يمة وهو سلم وتقرب مني وباس راسي واخذ الچاي يشرب منة وانا مبتسمة..
كلما يگعدون يمي هو والكـابر لو حتى يفوتون من يمي لازم يبوسون راسي، ثنينهم متعودين على هاي الحركة.

شرب شوية من الچاي مو كلة وحط راسة على رجلي وغمض عيونة وانا حطيت العباية على راسة علمود الشمس لا تضوجة وهو نايم.

باوعت على الكـابر الي هو هم اجة ودفع راس الأكـبر شوية وكل.
-تربعي شنو حاطة بس صماخ الأكـبر !!!

ابتسمت وتربعت بگعدتي وهو هم حط راسة وغطى وجهة بالعباية مالتي وثنينهة على رجلي، باوعت عليهم والابتسامة مالية وجهي.
عزيزين علية كلش أخواني وروحي متعلقة بيهم، وشگد احبهم انا اخاف عليهم بسبب شغلهم والي يسوونة..

دنجت شوية وبست راس الكـابر والأكـبر راساً وخر العباية وكل.
-چا وانا أبن الجوارين ما تبوسين راسي !!!