အတိတ်ဒဏ်ရာ
ကျောင်းမှအပြန် ဟင်းချက်စရာ၀ယ်ရန်ဈေးသို့မသွားတော့ဘဲ အိမ်တွင်ရှိသည့်ခရမ်းချဉ်သီးနှင့်ဆိတ်သားခြောက်ကလေးတုံးတစ်ချက်မည်ဟု စိတ်ကူးထားသဖြင့် ဇေယျာလမ်းထဲသို့ ကားကိုချိုး၀င်လာခဲ့သည်။၀ယ်နေကျဖောက်သည်ဆိုင်ရှိပြီး ဈေးမှန်ပစ္စည်းမှန်၍ အမြဲ၀ယ်ဖြစ်လေသည်။အကောင်းကြိုက်သူများသွားကြသဖြင့် ထိုဆိုင်လေးမှာနာမည်ရလေသည်။
ဆိုင်ခန်းရှေ့တွင်ကားရပ်လိုက်ပြီး ဆိုင်ထဲသို့၀င်ကာ ဆိတ်သားခြောက်ခြင်းထဲမှ ဆိတ်သားခြောက်တို့ကိုရွေးချယ်လိုက်သည်။ရွေးချယ်ထားသည့်ဆိတ်သားခြောက်တို့ကို နောက်ထပ်ခြင်းတစ်ခြင်းနှင့်သက်သက်ထည့်လိုက်ကာ ဈေးသည်အမျိုးသမီးအား ကမ်းပေးလိုက်ပြီး -
"အစ်မရေ အဲ့တာသာချိန်ပေးတော့"
"ဘယ်လောက်ကျလဲ"
"၂၀၀၀၀ပါညီမ"
"ဟုတ်ကဲ့"
Wallet အနက်ကလေးထဲမှငွေစက္ကူအချို့ကိုထုတ်လိုက်ပြီးငွေရှင်းနေရာ -
"ညီမလေး ကြက်အူချောင်းလေးတွေရှိသေးလား"
"ရှိတယ်အစ်မရေ"
"အစ်မမလာတာတောင်အတော်ကြာပြီနော"
အသံကိုကြားဖူးနေသယောင်ရှိ၍ အာရုံထားလိုက်မိသည်။သေချာကြည့်မိမှ -
"မမရွှေ"
ဒေါ်နှင်းရည်သန့်ခေါ်လိုက်၍ ဒေါ်နန်းရွှေရည်က ပြုံးပြလိုက်ကာ ၀မ်းသာအားရရှိပုံဖြင့် -
"သန့်သန့် ငါ့ညီမလေး"
"ဈေးလာ၀ယ်တာပေါ့"
"ဟုတ်တယ်မမရွှေ"
"အချိန်ရရင် မမနဲ့ကောလိပ်နားကအအေးဆိုင်ခဏနဲ့လိုက်ခဲ့ကွယ်"
"ပြောစရာထက် တိုင်ပင်စရာပေါ့သန့်သန့်ရယ်"
"မတစ်ထောင်ဘွားတွေကိုအုပ်ချုပ်နေရတဲ့ငါ့ညီမလေးဆီကအကြံဉာဏ်လေးတောင်းရင်း ဆွေးနွေးချင်တယ်"
"ရပါတယ်မမရွှေ"
"ကျောင်းကအပြန်ဆိုတော့ သန့်သန့်အလုပ်မရှိတော့ပါဘူး"
ВЫ ЧИТАЕТЕ
သီတာရေကြည်(Completed)
Любовные романы"တီချယ့်မှာသာအန်တီစိတ်တစ်၀က်သာရှိရင် ရေကြည်နဲ့ဒီလိုရှင်ကွဲကွဲခဲ့မှာမဟုတ်ဘူး" "သီတာနဲ့အန်တီကအသက်တော့တူချင်တူမယ် ခံယူချက်သဘောထားကကွာပြီလေ"
