သူ့အထင်ကိုယ့်အမြင်
ခြံ၀န်းကျယ်ကြီး၏နောက်ဖေးတွင် ဒန်းအနီလေးတစ်ခုရှိပြီး ညချမ်း၏တိတ်ဆိတ်ငြိမ်သက်ခြင်းနှင့်အတူ ကော်ဖီခွက်ကိုင်ကာ ပြင်ဦးလွင်၏အအေးဓာတ်ကို ခံစားကြည့်မိသည်။ကားသံလူသံသိပ်မကြားရ၍ အေးချမ်းဆိတ်ငြိမ်ခြင်း၏အရသာကို အပြည့်အ၀ခံစားရသည့်ညလေးတစ်ညပင်ဖြစ်တော့သည်။
ကြယ်စုံလင်းလက်နေပြီး အအေးဓာတ်လေးကလည်း လက်ထဲကကော်ဖီခွက်ဆီသို့တွန်းပို့နေတော့သည်။ဒန်းအနားတွင် အရိပ်ကောင်းကောင်းတမာပင်ခပ်ကြီးကြီးရှိပြီး တမာပွင့်အကြွေတို့လည်း မြေပေါ်တွင်ဖွေးဖွေးလှုပ်။လရောင်သာရှိပြီး လျှပ်စစ်မီးမထွန်းထားသည့်နေရာလေးတွင် ညနေပိုင်းကအဖြစ်တစ်ချို့အားတွေးမိနေသည်။တွေးရင်းအလိုက်သင့်ပြုံးနေပါသောနှုတ်ခမ်းပါးတို့ကသက်သေဖြစ်ပါလိမ့်မည်။
"သီတာ သီတာ"
"နင်ပြန်လာတာငါ့တောင်မပြောဘူး"
အတွေးများနေတုန်း အသံတစ်ခုကြားရ၍ မှောင်မှောင်မဲမဲ အသံလိုက်ရှာရသည်။ဒန်း၏နောက်ကျောကဖြစ်ဟန်ပေါ်၍ ကြည့်လိုက်လေလျှင် အလင်းတစ်ခုက ရေကြည်မျက်နှာကိုလာထိုးနေပေသည်။စူးဝါးသောအလင်းကြောင့် ချက်ချင်းမျက်လုံးကိုလက်ဝါးဖြင့်ကာလိုက်မိသည်။
"ဪ သီတာမှတ်နေတာ"
"သီတာရှိလား"
"ရှင်"
"ဒီအိမ်မှာသီတာမရှိပါဘူးရှင့်"
"ဪ ရှိပါတယ် Alice လို့ပြောလိုက်"
"တစ်အိမ်လုံးသိတယ်"
"ဟိုလေ ..."
နောက်ဖေးကဆူညံသံကြား၍ မီးဖွင့်လိုက်ပြီး ထွက်လာသောဒေါ်နှင်းရည်သန့်ကိုတွေ့လိုက်ရာ အမှောင်ထဲမှအသံပိုင်ရှင်က အရပ်ခပ်မြင့်မြင့် အသားဖြူဖြူနှင့်အမျိုးသမီးတစ်ဦးဖြစ်နေမှန်းသိတော့သည်။ဒေါ်နှင်းရည်သန့်မှာ ထိုအမျိုးသမီးကိုမြင်သွားပုံရသည်။ခြံချင်းစပ်နေသည့်နောက်ဖေးပေါက်ဆီသို့ လျှောက်သွားကာ ဖွင့်ပေးလိုက်သည်။ထိုအခါမှ -
YOU ARE READING
သီတာရေကြည်(Completed)
Romance"တီချယ့်မှာသာအန်တီစိတ်တစ်၀က်သာရှိရင် ရေကြည်နဲ့ဒီလိုရှင်ကွဲကွဲခဲ့မှာမဟုတ်ဘူး" "သီတာနဲ့အန်တီကအသက်တော့တူချင်တူမယ် ခံယူချက်သဘောထားကကွာပြီလေ"
