خطيئة لاتغفر الغوث(الأصلية)

الخطيئة الثانيه🕊️

خطيئة لاتغفر ( الغوث)
حلقة#2"

بقلمي- ايه الطائي

ياقوتاتي لاتنسون الأشتراك في صفحه الواتباد+تعليق بين الكومنتات+التصويت

التلي:-aya221a
الانستا:-ayosh_ayosh122
---------------------------------
#انا للعراق وانا اليه عاشقون🦋

نجاة:-
شفتها هيج مدري شصار بيه بسرعه اتذكرت جتها نوبة الربو وتحتاج علاجها

اركض بالبيت اني وازهار نفتح بالمجرات ونفردش بالغراض بس نريد نلكاه ماكو طار كعدت ابجي ميته موت وجسمي كله يرجف اعرف هاي سوالفها تضمه ومن اسئلها ليش تكلي تعبت اريد اموت

التفتت فازه ع صوت ازهار صاحت لكيته اخذته من ايدها وركضتلها بس بخيت شويه منه شهكت بقوة وفتحت عينها حمره دم وكعت بالكاع وامي تدك وتلطم ماكو كلنه ماتت

لزمت ايدها افرك بيها وازهار تفرك بصدرها الأ شويه ردت بيها الروح

كعدت مرجعه ضهري ع الحايط احلف بهل كم دقيقه حيلي كله راح اباوع ع امي شلون حاضنتها لصدرها وتعاتبها

وهي تكللها:-ليش يمه ليش انتِ تريدين تموتيني شوداج عليهن ماتكليلي شوداج

عكدت حاجبي مستغربه شنو قصدها وبنفس اللحظة صارت عيني ع باكيت الجكاير مشمور بصفها دمي صار يغلي وهاي مو اول مرة تسويها

اكثر من مرة تاخذ من جاسم وتدخن تكول بالكي اموت احسن ماكل شويه مختنكه ومخوفتكم تخليني اشيل نفسي بالكاع واركعها كل ضنها احنه نتعاجز أو نتعب منها
وخاصتا هي مصابة بربو حاد مو ربو عادي

لااعتراض ع امرك ربي لااعتراض

اخذت الباكيت والجداحه وطلعت بره شمرتهن بعيد جاي ارجع والتفتت فازه ع صوت هشام

جنت ابجي وحالتي حاله وطالعه حافيه اتقرب مني عاكد حاجبه

حجه بخوف:-شصاير بويه الأهل بيهم شي ؟

مديت ايدي امسح بدموعي واسب بشمس الجلبه تسوي العمله وتخلي كلوبنه ترجف ولاتفكر شيصير بينه

-لا ماكو شي والله بس هاي شمس هم ردت لسوالفها تعرفها أنتَ ماعلى لسانها غير اريد اختنك واموت راح تخبلنه والله

حجاها مزعوج :-هاي يرادلها جرة اذن حتى تتوب
وماتعيدها

هزيت اكتافي بمعنى مااعرف دقايق والتفتنه على صوت بابا واخواني جوي من وكت عالمود شمس تريد تطلع

تقرب مهيمن وبابا سلموا على هشام الأ جاسم عافه ومشه زفرت نفس مامرتاحه ومنها مااحب تكون علاقتهم هالشكل