خطيئة لاتغفر الغوث(الأصلية)

"مقتطف للبعيد"

خطيئة لاتغفر الغوث
بقلمي-ايه الطائي

عمري لاتنسون تضغطون النجمه
اخر البارت موجوده على ايدكم اليمنه
استمروا بدعمي فضلا وليس
أمرا

وهسه اترككم ويه المشهد
اللطيف الي
كزكزت عليه
وهو حدث هاي الفتره
--------------------
التصويت ثم التصويت والي مامصوته للبارت20ترجع تصوت

التفتت عليه غمزتله وهو خزرني وبسرعه صاح بصوت عالي

-اموتج ديري بااااالج
ضحكت بعلو صوتي وشمرت الحجاب من على شعري المكان فارغ وماخذه راحتي ثبتت نفسي على الخيل وربطت حجابي على خصري وشديتها

الخيل يركض واني احس نفسي اطير وياه وخصلات شعري جانت تطير بالهوى لأول مره احس بهذا القدر من الحريه

اباوع عليه صار يلهث يريد يلحكني ومايعرف يتحكم بالحصان مثلي خفت لايكلبه لأن هذا الي عنده شرس

بسرعه وكفته الهث والنفس كوه اجره وكف الخيل مالته وتقرب مني

-اخخخ منج يالمسربته كلبي
ضحكت ومشينه للأسطبل رجعناهن ودخلنه للبيت لأن اتأخر الوقت والدنيا صارت غروب

وطبعا هناك ضرتي بالأنتظار هههه تشكرت من ميري وتوكلت لبيتها بعد مادفعتلها اتعاب اليوم

طبعا اميرتنه بسرعه هي شافت ابوها وركضت شمرت نفسها بحضنه وكل شويه بايسته وين الأ انتبهت لوجودي طلعتلي اصبعها تفرك واحد بالثاني عود تغورني شهل جيل هههههه

-اكلج تره هذا رجلي شو انتِ ماخذه الأول والتالي

هزت ايدها ماعاجبها خلت وراحت للبزونه مالتها هالبزونه قضيتها قضيه تكسر الخاطر هاي بنتي معذبتها ناعله والديها مرات الكيها تهلس بالوبر مالتها لو تشلع برموشها مصيبه موبنيه الله يعيني عليها

التفتت عليه احتضن اكتافي بسرعه درت نفسي وخليت راسي على صدره همست بنعاس

-حيل تعبت اليوم

ضحك ورد كال
-الله يعينج سوده عليه لج موقبل شويه كعدتي

-اممم هم نعسانه مدري شبيه
صفن بوجهي شويه ورد كال.....
-اخاف حامل امشي نسوي تحليل

ضحكت من كل كلبي
-اعوذ بالله احنه خلفتنه ماتنجرع هي وحده وشالعه كلبي تخيل نفر جديد بوكاحتها لااخابر علي عذاب يتبناني

سكتت شويه ورجعت همست
-حبيبي

-روحه وعمره نبضات كلبه

-ههههههههههههه حتى نسيت السالفه
يتبع💙

شنو توقعكم هذوله ياهو من ابطالنه؟

+شنو توقعاتكم للبارت 21 يله ابهروني
اريد اشوف توقعاتكم قبل لاانزل
علما انو التنزيل
كل احد الساعه
العاشرة ليلا
لأسباب وضحتها

"احبكم قرائه ممتعه"

سنادس عيني دخلوا الأنستا 2k
تره راح ازعل عليكم
تابعوني هناك
حبايبي

وهاي التلي دخلونه1k
تره الزعله تصير زعلتين هااا
😂💔💔💔😂