خطيئة لاتغفر الغوث(الأصلية)

الخطيئة الرابعه 🕊️

خطيئة لاتغفر (الغوث)
بارت #4"

بقلمي- ايه الطائي

#ياهو اليشيل همي وياهو اليواسيني
حسبه التجيبني وحسبه التوديني
--------------------------
حساباتي
التلي:-aya221a
الانستا:-ayosh_ayosh122
----------------------------------------
لاتنسون التصويت والتعليق بين الفقرات+الاشتراك في صفحة الواتباد 💙

ضليت فاكه عيني وحلكي واذاني كلشي بيه منسط اريد اعرف ليش هيج يحجي بس قبل لايكمل سكته ابويه وهو يكله

-ولك خليني محترم شيباتك

ياا ليش هيج يحجي على عمه شمس ضليت واكفه يمهم بحجة الم الوسخ

ضلوا يتناقشون ومره صوتهم يعله ومره ينصه ،لميت المكينه نضفت الكاع ودخلنه يمها ميته قهر عليها هاي ثالث وحده يكسرها الها حسبي الله ونعم الوكيل بيك يامحمد الخبل مثل الطلي يمشي وره مرته ،ويطلع عضلاته علينه الحقير مسود عيشتنه والله الله ذاب كل العقل بأخوه مصطفى وهو مخبله خبال

دخلنه جانت ماعرف منو تخابر سدت الاتصال وانطتنه ذيج النضرة وردت تباوع من الشباك

ريام:-يولي لاتنقهرين اني اشتريلج وحده وعلي

رواسن:- ماكو داعي وصيت وحده ثانيه

إيه:- رواسن

رواسن:- ولاكلمة حسجن مااسمعه انتن ليش هيج ضعيفات ليش تتراجفن من الرايح والجاي ،برئيجن هيج تكدرن تعيشن!!

هيام:-يعني شنو نسوي مثلا شوفت عينج حتى دراسه مايقبلون نكمل

رواسن:- لاتطلعن حجج
الدراسه شعليها انتن لازم تصيرن قويات بهل زمن قوة المرة مهمه اكثر من قوة الرجل هالدنيا صارت مثل الغابه وانتِ الفريسه لمجموعه من الذئاب لازم تكونين قويه وكد نفسج حتى تكدرين تعيشين بهذا ضعفجن ياكلوجن

إيه:- اهووو عوفينه من هالحجي بس تدرين عجبتيني من سجلتي الي دار بينكم

هيام:-اكول وين جنتي خالته للجهاز

ضحكن كلهن وصاحن بصوت واحد.....

-شبيججج المكاااان السري ههههههه

وهيج مرت الايام يوم مر ويوم حلو وهي هاي الدنيا مره تعدل ويه صاحبها ومره تعوج وتطيح حظه
-------------------------
حياة:-مرت الأيام يوم اتعس من يوم اطلع من السبعه الصبح للمغرب ضهري ينكسر الي ابيع بيهن صرت مو كلهن انطيهن الها اني اضم لنفسي ولمن تكول ليش قليلات اكللها مابعت هواي اليوم