خطيئة لاتغفر الغوث(الأصلية)

الخطيئة الرابعه عشر🕊️

مساء العافيه
خطيئة لاتغفر ( الغوث)

#أحب الوضوح حتىٰ وأن كان جارحاً
أهونُ عندي من أن أكونَ رهناً للحيرة
---------------------------------
هذا البارت هدية مني لهذا اتفاعلوا بي رجائا بدون صمايلات ونقاط تخرب القصه اتفاعلوا ويه الاحداث وباجر هم انزل بارت على عناد الحاقدين ام السردج موحلو بيج خير اوصلي لسردي 🌚

كوبرات احبكم أنتم تحبوني لا 💔روحن روحن زعلانه يله صوتوا

حياة:-
بألف ياعلي صبح عليه الصبح طول الليل مانمت وكل ماتغفه عيني يتخايلي الي صار وافز باوعت للساعه جانت بالسبعه الصبح

مسحت وجهي بكف ايدي وكمت امشي رجلي ترجف كوه حاملتني طلعت بره البيت هدوء فتحت غرفتها لسه نايمه نومه بلاكعده يربي اعرف حرام ادعي عليها اعرف بس حركة كلبي اكبر

رجعت للغرفه اخذت جنطتي بيها كم ثوب وفلوس والمستمسكات بدلت وطلعت امشي واجر ثوب الخذلان والذل ورايه ياربي رحمتك وين اروح ياكاع تلمني

يااللهي كاعك الواسعه ضاكت ع صدري

طلعت بره البيت امشي بس مااعرف وين اريد اروح كل الي اعرفه مااريد ابقه وياها بنفس البيت صارت عندي حتى لو اعيش ابيت عمامي بذله هم عادي مااريد شي غير احافظ ع نفسي

اجرت سيارة من ع الشارع العام وكتله يوصلني لحظرة الأمام موسى الكاظم (عليه السلام)اريد ازور بالأول وبعدين شنو يريد يصير خل يصير

وصلني دفعتله الكروه ونزلت اتمشه ويه الناس صرت بنص السوك ضجيج الناس من حواليه وقبة الأمام كدامي

امشي وامسح بدموعي متجاهلة الانظار الموجه اليه صدك حيل مهضومه وصدك هضيمتي هضيمه لاام ولااب ولااخ وماكو عم ولااهل صارولي سند ولاواحد كال هاي عرضنه ولاواحد رف كلبه عليه بس مالازم انسه انو رب العالمين ويايه ولومهما صار ماراح يعوفني وحيده

دخلت للتفتيش كالت لازم عبايه مايصير تدخلين هيج اني هم جنت ناسيه هالشغله طلعت بره اخذت من هذوله اليفترون ازار وجواريب لبستهم ودخلت

جانت الدنيا مكلوبه وازدحامات بالشافعات دخلت للحظرة احس مجرد هوى الضريح زاح هم من همومي كعدت بره بالصحن وين ماالنسوان يصلن لان الأمام ازدحام ماكدرت ادخل وهماتين عمليتي لسه توجعني والالم يصل عليه خاصتا من يبرد الجو

حسيت هذا المكان المناسب حتى اطلع كلشي انكتم داخل صدري بجيت بحركه والغصه بكلبي شكبرها بجيت وشكيت الضلموني شكيت من الضيعوني الا ان حسيت نفسي ارتاحيت وهو فعلا ارتاحيت حتى نمت بدون لااحس ع نفسي
--------------------------------------------
ياقوت:-
مرات تكون امنياتنه بهاي الحياة كلش بسيطه ممكن اتكون هاي الامنيات عبارة عن بيت صغير داخله عائله متحابه
نكون كلب ع كلب نعيش ونستقر مثل اي عائله ثانيه