خطيئة لاتغفر الغوث(الأصلية)

الخطيئة العاشره🕊️

خطيئة لا تغفر ( الغوث)

قلمي-اية الطائي
---------------------------

مهم-بنات 200تصويت و300تعليق وفوك الأ انزل انطوا القصه حقها والبارتات الجايه اقوه +ممنوع التعليق بصمايلات يحظر القصه علقوا كلام وتفاعلوا بين الأسطر

#هلي اتانيكم بعدني ‏وهيچ ع المامش رگض ‏كل ساع افك الباب

"البارت الجاي الأربعاء"

ياقوت:-هزيت راسي بنفي واني استمع لكلامه الي جان موجه لماما

رسول:-ابنج ابنج شايفته هذا الي جنتي تكولين ربي حتى يشيلك بكبرتك ،اليوم ساومني بين بيتي وحريتي ، ولججج راح يصفينه بالشوارع راح نديح

راح كلشي يابويه راح،لمحته كعد بالكاع يضرب ع راسه وينوح وامي ماحجت شي بس كعدت تهدي بي

ضليت واكفه بمكاني والحيره اكلت كلبي اكل ،معقوله سائد يسوي هيج لالا اخويه ابد موهيج

التفتت يريد يدخل ،وسع عينه عليه ،ثواني وعض شفته متحسر

سائد:- شكعدج؟

بلعت ريكي احاول ابين اله انو ماسمعت شي ،لأن كالعاده اذا سئلته يطلع الف حجه في سبيل يتهرب من الموضوع ،تنهدت كتله...

ياقوت:-تعال خل اسويلك ريوك قبل لا تروح

طلعت بيض ومربه وبديت اسويله بسرعه بسرعه لان ماضل شي لدوامه،باوعت عليه دخل للمطبخ ينشف بوجه ابتسمت

ياقوت:-يله اكعد راح اكمل

سائد:-عاشت ايدج خويه

كملت وخليت الصينيه كدامه ،جبرني اكل وياه اكلت شويه وكمت مااشتهي اصلا نفسي انسدت من الصباحيات اكيد عمو ماراح يسكت ويسوي مشاكل ،اووف ياربي والله تعبت ،استغفر الله

صعد يبدل واني وكفت اغسل بالأماعين ،دخلت امي تضحك وتتشرط

ام سائد:-سويلنه ريوك وكون مرتب هاا ولاتنسين طماطه وبيض واجبان واحمي من المعجنات الي سويتهن واهم شي مخلمه اللحم والبيض ،اريد كلشي جاهز خلال نص ساعه يله لاتتأخرين عمج جوعان عمت عيني عليه من البارحه مامخلي لكمه بحلكه

طلعت واني بسرعه حضرت المواد،هففف ادري هو ريوك لو عشه وين اكو واحد ياكل هالكد من صباحيات الله لا ونوب تريدهن بنص ساعه ادري اني طرزان!!