خطيئة لاتغفر الغوث(الأصلية)

نهاية الجزء الأول 🕊️

خطيئة لاتغفر الغوث
بقلمي الكاتبه ايه الطائي

رواسن....
لاغرني المدح بشفاف المحبين
ولاهمي بشماته
شما حجوا عني....!
يلتمن عليه مشتتات البال
ونفضهن نفض وأنهض
ولاچني.....

عريان السيد خلف"
--------------------------------
حساباتي
التلي:-aya221a
الانستا:-ayosh_ayosh122
------------------------------------------
حياة:-
مر تقريب الشهر يمكن هذا جان اسوء شهر يمر عليه الحياة بدت تصعب اكثر واكثر والشك دومه متربع بعقلي

وضع غصون وهذا رجلها ابد ماعاجبني غير عن أخير مرة هذا الشي الأبيض الي شفناه حيل شاغل بالي يعني معقوله مخدرات الله اكبر عليج ياغصون

جنت واكفه على الميز اشتغل بالكيك نفضت كل هالأفكار من عقلي ورجعت احاول اركز بشغلي

للعلم صارلنه أقل الشهر من بدينه بهل مشروع بس الحمدلله جاي يجينه دخل يكفي احتياجاتنه

كملت اول وحده غلفتها وخليتها بالبراد وبدربي جبت الكيكه الثانيه حتى ابدي بيها

بديت اشتغل بيها دقايق والتفتت على صوت غدير

حياة:-ها شكو ؟

غدير:-الزمي تلفونج هذا الرجال ابو الطلب جاي يراسل

حياة:-اي ردي عليه

غدير:-هههه ولج استحي واضل اجفص

ضحكت عليها
-ادري جاي يتغزل بيج وتستحين

ضربتني بالشقه على كتفي وراحت مشيت بسرعه نزعت الكفوف من ايدي ورديت عليه جان يسئل شوكت يجهز الطلب

-كتبتله ساعه خمسه تقريبا

رد كتب -تمام ساعه خمسه ادز الشوفير ياخذهم

سديت الجهاز ورجعت اكمل بالتزين بس والله هالرجال امره غريب معقوله كل اسبوع ياكلون خمس كيكات

حجيت ويه نفسي
-والله انتِ بطرانه هسه شعليج بالعالم يمكن عجبه الكيك مالتنه هههه

استمريت هيج الأ ان كملتهن نهد حيلي بحيث ضهري احسه نقسم بالنص طبعا اني عليه التزين وغدير هي الي تسوي الكيك

بينما جاي اغسل ايدي ودك الجهاز جانت رواسن تتصل حجيت وياها مرة هي تشكي ومره اني اشكيلها طبعا وره مافضت كدرت اتصل بيها وجانت كومه شغلات صايره وياها وحجتلي وفضفضت وبالمقابل اني فضفضت الها

وشكد نبهتني من هذا الأفندي

طبعا من اتصلت جان مبين عدها شي تريد تحجي كوه سحبت منها الحجي حجت السالفه بالكوه تنطق الحرف بحيث هي وتحجي وياي جنت حاسه برجفتها