خطيئة لاتغفر الغوث(الأصلية)

الخطيئة الخامسه🕊️

خطيئة لاتغفر الغوث
حلقة #5"
بقلمي-ايه الطائي

#لاتنسون التصويت والتعليق بين الفقرات+الاشتراك في صفحة الواتباد

هجم عليه محمد يريد يضربني ولزموه الولد عني
بسرعه صُهيب ركض عليه طلعني بره وهو يصيح بعلو صوته

صُهيب:- لج شلون تضربين عمج ادبسزز.

تخبلت بس اريد افك نفسي منه وخل شنو يريد يصير خل يصير:-هدني هدددني وحووش كلكم نفس الطينه

بجيت بحركه لاول مره رواسن تبجي وتضعف كدامهم سحبني من ايدي ضربته خرمشته استخدمت وياه كل الطرق بس فنك ولاهدني تحسه واحد حاقد الى درجه

شمرني بالغرفه وقفلها صارت بره ملحمه اسمع جُمان تدك وتلطم وتصيح عزه بعينج رواسن

حضنت نفسي حيل ابجي وصوت شهكاتي تتعاله بجيت معاتبه ابويه:-وينك بابا حبيبي تعال اني احبك أنتَ بطلي يله تعال اخذني منهم مايحبوني تعااال تهتتت بدونك والله تهتتت

جانت اكو سلسله وبيها خرزه زركه معلكه بركبتي الذكره الوحيده الي بقتلي من ماما"

ضميتها لصدري حيل وضليت كاعده بزاويه من زوايا هالغرفه بجيت بجيت الا ان انهد حيلي بمعنى الكلمة ساعات افقد واضل اغلط عليهم وساعات اضعف وساعات ارجع لقوتي واهمس بيني وبين نفسي

"انتِ رواسن الصقر لاتضعفين"
"انتِ ذيبة ماينخاف عليج "

#هلي الغربة بجفاكم مرمروني
هلي مكابل وراكم كابلوني

ماعرف شكد مر شخص دخل للغرفة ثواني واجاني صوت عمتي طلعت من مكاني حضنتها وهي تهدي بيه كعدتني على صفحه تحجي وياي هي جابت طاريه عطت روحي شايطه ...

رواسن:- مااقبل شنو هو بكيفكم يعني واذا خوش ادمي يااختي مااتقبله كزوج يعني هي غصب

زينب:-يااا هسه اني قابل جابرتج يايمه جاي نكول فكري شكو بيها ابن عمج اوله من الغريب ومنها نطمئن عليج

رفعت اكتافي بعدم مبالاة ورديت احجي بكل هدوء

رواسن:-اعلى مابخيلكم ركبوا مااتزوج لو تقوم القيامه صُهيب او باقي الولد طول عمري حاسبتهم مثل اخوتي مستحيل نفسي تتقبل واحد منهم كزوج

والله اذا تجبروني ماعندي مانع اروح اشتكييي عليكم وحق لااله الا الله اكللهم يجبروني اتزوج

زينب:- والله ماتنلام امي لمن تكول رافعه خشمها للسما ضلي هيج ضلي

عافتني وطلعت ساده الباب وراها ، ضليت افتر بالغرفة روحي طلعت صار العصر وهمه ولاواحد اجه فتح الباب