خطيئة لاتغفر الغوث(الأصلية)

الخطيئه السابعه🕊️

مساء العافيه
خطيئة لاتغفر ( الغوث)

#بعضنا كالحبر وبعضنا كالورق فلولا سواد بعضنا لكان البياض أصم ولولابياض بعضنا لكان السواد اعمى

#لطفا لاتنسون التصويت والتعليق بين الفقرات+الاشتراك في صفحة الواتباد 💙
.........................
..البارت الجاي الأربعاء
ر

واسن:-التفتنه على صوت الصياح جاي من جوه،ضلوا واحد صافن بوجه الثاني

جُمان:-خير ان شاء الله شنو صاير سترك يارب
نزلوا كلهم نزلت وراهم ،الصياح من غرفة محمد

وكفت على صفحه اكره هالشعور ليش يضربها مهما جانت موزينه ولاشخص يستحق هالضرب

امه وابوه والولد يريدونه يطلع وهو ولاكأنوا يسمع بعد فتره انفتح الباب شمرها بالكاع يصيح ويغلط أشكال الغلط

محمد،، گ.... واني اطلع ...... إذا لفيتها هسه تاخذوها تشمروها ابيت اهلهاااا فاهمين لولا

شالتها امه حاضنتها تحجي عليه

ام محمد:- ولك ليش خااف الله بالبنيه يتيمه
ماتخاف ربك أنتَ ماتخافه

محمد:-كااافي خلصت لهنا حدها وجها مااريد اشوفه
بزعت روحي الله يبزعها شكلتلها وكلتلي روح لرواسن لنعال

فتحت عيني اباوعله وهيج مدي اروح اكطع النعال ع راسه

اتمالخوا هو وعمامي صار الصياح والغلط ابلاش عفتهم جاي ادخل للغرفه ان شاء الله نارهم تاكل حطبهم ،هسه اني لايمهم لاحواليهم سوني نعال

ماحسيت غير نضرب راسي بالحايط من قوة الضربه حسيته أنقسم بالنص وهي مستمره تعت بشعري وتصيح كله من وراج.

دايخه وغواش محاوط عيني، شي دافي ينزل على وجهي اريد الزمها مااكدر .

سحبوها مني كلشي مااشوف مدري منو دخلني للغرفه.

جُمان:- يمه راحت البنيه ،عززه بعيني جاي تسمعيني .

ايه:-عمه فدوه خل ياخذوها للمستشفى جاي تنزف.

ريام:-اصبرن مايحتاج خياط لاتخوفنها.

جابن شاش خلنه على كصتي وشدنه شويه ارتاحيت ضليت كاعده بالغرفه وصوت صياحهم بره واصل لسابع جار.

مر وقت رجعتلي الرؤيه كمت بس اريد الزمها املخها دمي يفور عليها.

ريام:-لج روااااسن وين رايحه كعدي