Uni✔
Recommend Song:အိမ်မက်ငိုတော by-Eternal Gosh
~~~
"အာ ဝူးးးးးး"
ဆွဲဆွဲငင်ငင်အူလိုက်သည့် ဝံပုလွေရဲ့အသံဟာသူ့ရဲ့ခန္ဓာကိုယ်တစ်ခုလုံးကိုတုန်ယင်သွားသည်အထိ ကြောက်ဖို့ကောင်းလှသည်။
"ကယ်...ကြပါ"
"ကယ်ပါဦး ကယ်ကြပါဦး"
"အား!"
ဘယ်တစ်ဖက် ညာတစ်ဖက်ကြားနေရသောအသံတွေကိုကြားနေရသည့်သူဟာနားနှစ်ဖက်လုံးကိုဖိပိတ်ရင်းငိုကြွေးမိတော့သည်။ကြောက်သည်။
ဘယ်နေရာမှန်းမသိသည့် ဒီနေရာကိုသူကြောက်သည်။"ကူညီပါ..ဦး"
တစ်တောလုံးတွင်လည်း အကူအညီတောင်းနေသည့်အသံများနှင့်ပြည့်နှက်နေသည်။
"ကယ်...ပါ"
"အာ ဝူးးးး!"
"အားးးးးးးးး!!"
ဘောင်းဘီကိုလာဆွဲသည့်လက်တစ်ဖက်ကြောင့် လျှပ်တပြတ်ဖြစ်သွားပြီးငုံ့ကြည့်မိရာမှကြောက်ဖို့ကောင်းသည့်ကလေးတစ်ယောက်ရဲ့ပုံစံကြောင့်သူ့မှာလိပ်ပြာလွင့်မတတ်ဖြစ်သွားရသည်။
ထိုကလေးဟာဦးနှောက်ပွင့်နေပြီး မျက်လုံးတစ်လုံးမှာကျွတ်ထွက်နေကာ တစ်ဖက်မှာကျွတ်ထွက်မလိုဖြစ်နေသည်။ပြီးနောက်ထိုကလေးရဲ့ဗိုက်တွင်လည်း အူတွေမှာတွဲလောင်းကျနေသည်။
"ဟင့် လွှတ်..ငါ့ကိုလွှတ်"
ခြေထောက်ကိုဆွဲထားသည်မှာဘယ်လိုလုပ်လုပ်မလွှတ်ပေးသည်မို့ သူ့ရဲ့ခေါင်းတွေမူးနောက်လာပြီး လူဟာလည်းသတိလစ်သွားခဲ့သည်။
ခန္ဓာကိုယ်ပေါ်တစ်ရစ်ရစ်တက်လာသည့် အနွေးငွေ့ကိုခံစားလိုက်ရသော်လည်း ဘာဆိုဘာမှသူမသိနိုင်တော့။
"အားလုံးရပ်ကြစမ်း!"
ဒေါသတကြီးအော်သံဟာတစ်တောလုံးကိုပျံ့နှံ့သွားပြီး တောအတွင်းတွင်ရှိနေသမျှဝိညာဥ်တွေမှာလည်းပြားပြားဝပ်ကုန်ကြသည်။
"လူသားတစ်ယောက်ကိုဒီလိုဖြစ်အောင်အထိလုပ်နေကြတာလားမင်းတို့တွေ
သူကမင်းတို့ကိုရန်ပြုလို့လား"