لمّني بين الضلوع العوج عنْ قسوة زماني ‏لين تقهر منْ حنانك سطوة الياس العنيده .

« 3 »

• لا أستبيح القراءة بدون لايك 📍.
-
ميّلان ؛
دخلت للمبنى وهي توزع أنظارها لجموع البنات وتدور بعيونها صديقتها .. رفعت جوالها تعاود الإتصال للمره المليون ، زفرت بغضب وهي تقول: أوف مِنك ياروابي صارلي ساعه أتصل عليك ماتردين .
التفتت وهي تعقد حواجبها من شافت تجمع الشله الي تعرفها ، تقدمت وهي تحاول تعرف على إيش متجمعين .. رجعت على الورا خطوتين لاكن توقفت من سمعت صوت صديقتها بينهم تقدمت لهم وهي تركض وتبعدهم ناظرت للروابي الي جالسه تصارخ وتتهاوش معهم وتقول: قلتلكم ما أدري .
ميّلان بغضب وهي تسحب روابي: خير خير بعدو عنها .
أبتسمت الأخرى بغضب تتقدم لـ ميّلان وتصفق: أخيراً شرفت ست الحسن والدلال .
ناظرتها ميّلان بأستغراب تلف تناظر روابي الي تناظر بحِده لها ، تنهدت بغضب وهي تسحب روابي بمحاوله للخروج من تجمعهم عليها .. أستوقفتها يد هاجر وهي تصرخ : وين رايحه ؟ بيننا أشياء كثير ياحُبي .
التفتت لها ميّلان بغضب وهي تفلت يدها بقوه جاعله هاجر تتألم ، قربو البنات لهاجر وهم يتطمنون عليها بخوف .. رفعت رأسها هاجر بحِده وهي تصرخ على ميّلان : أنا هاجر الفيصَل تمدين يدك علي !
ابتسمت ميّلان بسُخريه: وإذا هاجر الفيصَل محور الكون وانا مدري ؟
روابي بحِده لهاجر: وبعدين مامدت يدها عليك بس سحبت يدها .
عهود بغضب وهي تقرب لروابي: أنتِ بذات لاتتدخلين وعارفه وش بيصير لو تدخلتي .
دفعتها ميّلان وهي تقرب لها بحِده: وش بيصير ؟ فيك خير مدي يدك .
عهود بغضب وهي تلف تناظر للبنات مُلتزمات الصمت : لا واضح يبنات تبي المشاكل .
ساره وهي تبتسم بخُبث وتنتظر ثوران تَلك : الا يبنات ذي مو أخت هتان ؟
عَقدت حواجبها بأستغراب ومن معرفة هالبنات بولد عمها هتان .. التزمت الصمت تحلل الموضوع برأسها وتقلبه ، قاطع تفكيرها ضحكت هاجر بسُخريه : إي واضح إنها أخته يابنات .
قربت لها وحده من البنات تصارخ وتشد شعر ميّلان: أخوك الكلب هو هو نفسه كذب علي والله ما أسامحه .
صرخت ميّلان بغضب وهي تشد شعرها .. تدخلو البنات والأمن وهُم يحاولون يبعدونهم عن بعض ...
------
عِند الإدارة :
ناظرتهم وحده وحده وهي تشوف أشكالهم المُبهذله ، هَزت رأسها بالايجاب وهي ترفع جوالها وتقول: لازم تدخل من الشرطة وأولياء أموركم يحضرون الآن لاكن بالمركز ويالله قدامي أنتِ وياها .
همست ميّلان بغضب: جعلهم الماحي يارب .
التفتت لها هاجر وأبتسامه خبيثه: يوه يالمسكينه أتوقع بتاخذين حرمان .
التفتت لها ميّلان: مسويه طالعه مِنها أنتِ أول وحده تلقم .
أكملت وهي تضحك على شعرها المنكوش ووجها المخدُوش: ولو أخذ حرمان ماعلي أهم شي بردت حرتي وأخفيت لك ملامحك .
ناظرتها هاجر بقهر وهي تتألم من الخدوش الي بوجهها: ياكلبه والله لتندمين على الساعه الي لعبتي معي فيها .
أبتسمت ميّلان بتحدي وهي تقول : نشوف من الي يندم .
بعد وصولهم للمركز-
الضابط بحِده يوزع أنظاره عليهم: أساميكم الكامله بسرعه .
عهود بغضب: عهود محمد آل سراج .
التفتت لـ ميّلان الشارده وحمحم لأجل تنتبه له .. أعتدلت بوقفتها وهي تقول بحِده: ميّلان سطام آل عـبدالله .
هاجر بفخر : هاجر الفيصَل آل نـادر .
ساره بأبتسامه : ساره عبدالمجيد آل عادل .
روابي بهدوء: روابـي ماجـد آل فارس .
وعـد بغضب: وعـد محمد آل سراج .
هَز رأسه بالايجاب يناظر للروابي بشرود .. رفع أنظاره عليهم وهو يقول مُلقي نظره لهاجر: أدق الحين على أخوك عبدالعزيز ماتوقعتها والله منك أنتِ بنت الفيصَل وشوله تدخلين بهالمشاكل .
ناظرت له والهدوء يعتريها ..
ناظر لـ ميّلان يصغر عيونه وسرعان ما أستقام ينادي بصوت عالي : ياعسكري .
وسرعان ما التفتت لوجود أحد العساكر يدق التحيه: أمر .
الضابط سعود: أبيك الآن تدق على أولياء أمور هالبنات وأعطهم خبر بوجود بناتهم هِنا ويحضرون الآن للمركز .
تقدم لهم يأخذ الأرقام وأستوقف عِند ميّلان وهو يقول: رقم أبوك ؟
ميّلان ضحكت بسُخريه : بتدقون عليه بالقبر يعني ؟
بقق عيونه كاسر يلتفتت لضابط الي يناظر لميّلان .. رفع كتوفه بعدم معرفه أستقام الضابط سعود متوجهه لميّلان: الله يرحمه ، تقدرين تعيطننا رقم أحد قريب لك ؟ عمك ؟ خالك ؟
ناظرته وهي مُنفيه فكرة إنها تعطيه رقم عمها وتعرف وقتها كيف بيتصرف .. فكرتت للحظات إلا أن طرى ببالها تعطيه رقم هتان تعرفه بيتفهم وهو قريب لها ومو ماخذ الموضوع بجديه .
أخذت القلم تسجل رقم هتان الي كانت حافظته من إيام الثانوي لانها تتمشكل وتعطيهم رقمه .
كل من البنات أتصلو بأخوانهم ومن ضمنهم هاجر ...
الساعه 3:00
دخل بخطوات سريعه والغضب يعتليه يوزع أنظاره لجموع العساكر .. التفتت لضابط يتقدم له: السلام عليكم .
رد الضابط السلام يوقف: حضرتك ولي أمر أحد الطالبات الي بالمركز؟
هَز رأسه بالايجاب يقول: ولي أمر هاجر الفيصَل .
أشر بيده للامام: تقدر تتفضل للقسم هناك .
مشى بغضب يتوجهه للقسم .. دخل وهو يناظر للبنات الواقفات وأمامهم أربعه جالسين بكراسهم ..
تقدم يسحب له كرسي يجلس ... الضابط سعود : ننتضر ولي أمر الطالبتين يوصولون ندخل بصلب الموضوع .
هَز رأسه بالايجاب يناظر لهاجر بحِده وتوعد .. وسرعان ما التفتت لدخول هتان يلعب بمفتاحه يوزع أنظار للقسم .. رفع حاجبه من عرفه
ناظر لهتان الي أبداً مو منتبه لوجود عبدالعزيز تقدم هتان لـ ميّلان يهمس لها: مشاكل حتى وأنتي بالجامعه !
ميّلان وهي تهمس له : هتان بعدين أقولك وانا معي الحق ترا .
ناظرها عبدالعزيز بتفحص والتفتت له تناظره بحِده .. سرح بعيونها وبحِدت نظرتها .. همست بغضب تلف لجهه ثانيه: شفيه ذا مايصد .
أبتسم بخِفه يبعد أنظاره عنها من فهم إنها تتذمر .. همس يحادث نفسه: زين في بنات كذا والله بهالزمن هي الي تناظرك وأنت الي تستحي !
بعد عِدة دقائق أكتمل العدد وبدأ الضابط يسأل كل منهم .. وقف عند هاجر: أنسه هاجر قدمي إفادتك؟
هاجر بغضب تلف تناظر ميّلان: حضرة الضابط ميّلان هي الي أعتدت علي وهي الي أبتدت بالهوشه وأنا ما كان لي دخل أبداً واذا منت مصدق أسأل البنات .
عقد حواجبه يلف للبنات الي قالو ماعادا روابي وميّلان: معها وفعلاً نفس الي قالت .
التفتت لـ ميّلان تناظرهم بحِده: آنسه ميّلان جميع البنات قالو إنك أنتِ الي أبتديتي ! كلهم صح ؟
رفعت رأسها توجهه ناظرها لـ الضابط وتتكلم بحِده: حضرة الضابط كل الي سمعت كان كذب .. البنات ذولي كلهم "تأشر على عهود و وعد و ساره" كانو معاي بعداوه من الثانوي وهاجر ماأعرفها ، جيت الصباح أدور على روابي صديقتي لقيتهم مجتمعين عليها ويهاوشونها تدخلت وأخذت روابي بعيد عنهم لاكن هاجر أستوقفتي وقالت لي وين رايحه وهي الي أبتدت ووعد ذي أعتدت علي تضربني وكلهم كانو ضدنا أنا وروابي وغباء منك تصدق حكيهم الي مُختلف عن بعض وكل منهم تقول حكي غير عن الثانيه بتصدقهم؟
ناظرها وفعلاً ألتمس الصدق بكلامها الي كانت واثقه منه عكسهم الي كل منهم تتكلم بتردد .. عبدالعزيز ناظرها بأعجاب من قوتها وثقتها رفع حاجبه بأعجاب من حكيها الي واضح صدق ..
الضابط سعود التفتت لـ روابي : آنسه روابي عِندك شي؟
روابي بهدوء؛: لا ، كل يليّ قالته ميّلان صحيح .
الضابط سعود تنهد يفتح السجل ويسجل رفع رأسه لهم : عرفنا مين الحق ، كلكم بتتعاقبون بس الاشد عقاب الي كذبو والي أبتدو .
رفعت حاجبها ميّلان بغضب : بس ما أخطينا لأجل تعاقبنا !
الضابط سعود: إلا أخطيتو أنتم بعد بالهوشه تهاوشتو معاهم .
رفع صوته: والحين إنصراف ...