مابعد ألنهوة

إعلان

________________________1

الحياة الجديدة الي ماتشبه حتى احلامي خلتني بحيز أسعى جاهدة أملي
رغم كل هذا ما زال عندي امل كبير برب العالمين ولطفة
حاشى يترك انسان يدري بي مظلوم ومكسور

طلعت من غرفتي بهدوئي المعتاد الي ميناسب ضجيج روحي ولا صارتلي هوادة ع سيف وشوفة وجهة الي صار حلم  ينعاد ويتكرر كدامي ما احس صدري أنملة من حزة فراغة

مريت ع باب غرفة امين وزينب ابتسمت ع صوت لعب اولادهم التؤام علي وشيلان شلت سيارة علي من الأرض خليتها ع الميز وكملت طريقي للمطبخ ترست كوب مي وطلعت للبلكونة اشتم هوة

...بعدج ع نفس عنادج ؟
درت وجهي الها بقلة صبر
...قصدج بعدي بقلة حيلتي ، يوم الحيرة إلي اني بيها الله ليسلطها عليج انتي ام وتعرفين
اتمنى اليوم ترجعيلي تلفوني حتى اكدر اتواصل وية ابني والا انتي تعرفين احنا مو بالعراق والي حقوقي كاملة قسماً يا امي اطلع من البيت ومتعرفيلي طريق

فتحت عيونها بصدمة وتقربتلي تذكرني بحياتي لهنا قبل سنوات
...نسيتي تضحيتي علمودكم وهيج تحاجيني شمسوية حتى اسمع هيج كلام من عندج لج ماما راح تموتيني هو مو ابنج مجرد حملج بي مايعني شي انسي

ابتسمت باستهزاء ونغزات گلبي زادت تدري هالكلام يأذيني وتحجي
...جان نسيتينا ليش انتي مانسيتي ليش اني مجبرة انسة خلص امي لتطلعيني من طوري لتخليني احجز ع اول طيارة للعراق وحتى لو يذبحوني قابلة جاي تضغطين علية وانتي تدرين اني بنص روح

أنملة وجها خوف تركتني ودخلت متريد تواجهني صارت صوت شخطة سيارة باوعت اجة مصطفى منطقتنا الي انتقلنالها ريفية حلوة بعيدة عن الضجة ومساحة أرضنا واسعة هواي زارعين بيها دائماً اطلع اغير جو

لبست شالي الصوف حاكتلية صديقة امي قبل لا انزل صاحتني امي من الدرج وصوت المشي يصير مسموع أكثر لأن الأرض خشبية وهي جانت تركض ...تعالي أخذي موبايلج

طلعت زينب من الغرفة اشترلها من الدرج
...جيبي الموبايل وياج فدوة
انطتني الموبايل طلعت من الباب الخارجية خابرت ع سمية بسرعة لما شفت سيف ممتصل ماعندة نت

مرتين اتصلت عليها إلا ردت
...وينج يمعودة وكفتي گلبي كم مرة كايلتلج لتخليني بقلق
...ها شبيج جنت نايمة ستوني رجعت من السوبر ماركت وخصموا اليوم من راتبي لأن تأخرت
...احجيلي خابرج سيف
...اي مرتين سأل عنج
...عرفتي ابو شمسوي ع آخر مرة
...ماريد اقلقج بس اعتقد ضاربة لأن صوتة مو تمام لتنسين هو ديستفزج بي حتى ترجعين

________________________2

كاعدة بالمطار كلي خوف وترقب وشعور الله ليسلطة ع بشر ماريد اورط اخوتي ولا اريد اخلي امي ومصطفى ينجرون للعراق وراي لأن أدري هناك مقبرتنا

اعرف خطوتي اندفاعية بس اطلب من رب العالمين ميجون أهلي قبل لا تنطلق الرحلة
دك موبايلي مرة ع مرة رقم سيف
ينقطع ويطلع اتصال امين رديت علي وصوتة اليرجف هزني هز
...ابوس ايدج خيتي بعد روحي بس اصبري والله نجيبلج ابنج لاترجعين والله يكتلوج اني راح اوصل قسم بالله اجيبلج ابنج لو بآخر الدنيا
اذا نسيتي انتي شاردة منهم اتذكري لو رجعتي ما الج عاصم من عضبهم وشرهم

...امين صرت اب تدري شنو شعوري مو
...ادري وماعليج بكلام امي انطيني وعد تنتضريني
...ما اكدر اوعدك بشي

نهيت المكالمة ورديت ع سيف
...جاية حبيبي انت بس جهز نفسك اخذك ونروح لأربيل بلكي مناك نكدر نطلع تسحبنا امي أو بجنسيتي نروح للسفارة يلگولنا حل المهم انت وياي لتخذلني

____________________________3

كوابيس متلاحقة جسمي الي يضخلي كميات متلاحقة من المشاعر المرعبة انفاسي الي تخنكني مو تحييني ولمسة ايدة ع وجهي نكبات وحدة ورة الثانية

باوعت لبعيد بتهرب باوعت للوجه الي مستعدة اموت علمودة بحزن وقلة حيلة وربما عتب دموعي طاحت وحدة بأثر وحدة ومن كثر سيل دموعي احس الأرض تبللت

غمضت عيوني براحة لما تقرب غرس سجينة بگلبي لما حجة كلامة المثل السم حسيت النوبة الي اجتاحتني اقوى وجسمي يرعد ويعصف بية ضربة ورة ضربة راسي يلطخ بالأرض لحد ما إيدين لزمتني تثبتني
فقدت الوعي وغبت عن كولشي

end