مابعد ألنهوة

42

.

.

مر ع حملي 5 اشهر
وهسة احنة 7/3/2015
دخلت بشهر السادس لحد الآن محد گلي ناخذج للدكتور
طول الوقت أيدي ع بطني وهو الي يرد وحشتي
نزلت الضهر لبيبي حتى ياخذوني للدكتور

بايات الدرج خلصتها ع كيف صوت نفسي عالي
أخذت شهيق لمن كملت وباوعت ع غرفة بيبي

بالصالة جانو كلهم گاعدين وبيبي بغرفتها
دنكت راسي متجاهلتهم

ماعادو يأذوني أبداً حتى حلا اكتفت
لأن أحسها أخذت حيفها جرعتني المر
وآصف صاير أبرد من الجليد

بعد اليوم الي سكر بي وكعد الصبح وسولفولة
تجاهلني تماماً ويكول لخاطر الطفل

فتحت باب الغرفة ودخلت
جانت تصلي ورافعة أيدها بالدعاء
بقيت متانيتها كمت من مكاني لأن مليت
فتحت الكنتور بحوشت بي

طلعت صورة جدو وصورة بابا من الألبوم وحطيتها جوة ردانات دشداتي ورجعت سديت الكنتور لأن اعرف بيها متنطينياهن

حور.بيبي خلصتي

فاطمة.شتردين

حور.اريد للدكتور اشوف وضعي الناس تسوي عيادات شهرية واني راح اجيب وماكو

فاطمة.كلشي مابيج

مابقت عندي طريقة الا أخوفها بالطفل
حور.طلع الطفل مشوه بي شي حتى من هسة نشوف الوضع

فاطمة.اسم الله

حور.هسة شنو

فاطمة.اكول لرجلج وهو يوديج

حور.ماشي
صعدت لغرفتنة مرة ثانية
صارلي 8 شهور متزوجة ولحد الآن ماطلعت لمكان ولاواحد ذكرني بلبسة بشي حتى مصطفى
اقلها الطفل أريد اجهزلة حتى لو اشياء بسيطة

دخل آصف للغرفة بدون صوت توجه وتمدد يمي
جاف ومغلفتة القساوة

حور.آصف

آصف.شكو

حور.حاجيت بيبي حتى أروح للدكتور أشوف وضع الطفل

آصف.هسة ماعندي وقت بالسابع آخذج

حور.مو

آصف.گتلج بالساابع فلا تلغين زايد واگوم اكسرج

درت وجهي عنة اقل شي ورفع أيدة يهدد
طلعت صورة بابا وجدو اباوعلهم ودموعي توكع
حور.هوااي نذلينة بعدكم

آصف.كومي جيبيلي ماي

حور.يمك ع الميز

آصف.نزلي جيبيلي من جوة

ماجادلتة ولاحجيت ويا يريد حجة اعرف بي
نزلت اجيب مي وبالمطبخ شمة تكرز هي وحلا والكشور يذبنها ، شمة سمنانة ومتغيرة للأحسن
واني صايرة عودة وصفرة