.
.
مو اكثر من لحضات رفعت راسي
بعد ما توقف الطلق وبكرة المسدس بقت دور
تطلع صوت ضرب المسدس خلة من الطلق بس هو مستمر
المسدس يستوعب 6 طلقات وجان مملي
باوعت ماما طايحةة
عمو سلمان وحلا غركانين بدمهم
تركو أمين وركضو يگلبون بيهم باوعت لأخوية
عبالك هسة استوعب ذب المسدس وبجة
يبجيي ويمسح أيدة بملابسة يباوعلهم
رحت تقربت يم ماما فاقدة عمو فاقد وحلا نفس الشي
أيدي ترعش وجسمي ماكدر اسيطر علي
مصطفى لازم أيد ماما ويبجي
واني معندي اي رد فعل بس صافنة
بيبي فاطمة تخربطت ووكعت عمة دعاء تملخ بروحها
الولد شالوهم واحد واحد بالسيارة
آصف.لك قصيي ابوي نبضة راح يوكف
محد توقف عن الصريخ والبجي
شالوهم وطلعو وعمة وفاطمة طلعو وياهم
بقينة بالبيت اني وشمة واخواني وبيبي
بيبي فقدت وديناها لفراشها
أمين مجلب بية ومصطفى يبجي
جنة كاعدين بالديوان دخلت شمة هجمت على أمين
تضربة
حور.شبيج وخري وخررري
شمة.اني اعلمج
اني اصلا أموت منكم عالة
ضربتني راشدي ورجعت على اخواني مرعدتهم تمرعد
ولاعبالك ناعمة القوة العدها ماكو مثلها
حور.راح اترس المسدس طلق وافرغة بگلبج
حجيت هيج حتى تهدنة احنة مصدومين وماعدنة طاقة
صاحت يبوووووو تريد تكتلني
خلت وشردت لغرفتها
ولك ليش هيج أموني ليش حبيبي
بهذلتنة ماما يمكن ماتت حلا وعموو ليش
احجي وانشغ بالبجي عبالك ستوني استوعبت
دكيت ولطمت كطعت شعري واضرب على وجهي
حور.ياربي رجعهم سالمين بحق حبيبك محمد
ياربي ماريد شي بعد والله اوافق بآصف شيردون اسويلهم
الساعة صارت 12 وخبر ماكو واني على فد لطمة
سمعت هوسة صارت برة بعدت البردة وباوعت
آصف ومنير دخلو للبيت آصف وجهة أصفر وعيونة
شايطة ويباوع أيدة ترجف ومحتار
منير بقة برة مدري شيسوي ويردد الله يصبرك
دخل للبيت جنة اني واخواني جوة
دخل للديوان
جرني اني وأمين اني لازمني من شعري
وأمين من أيدة دفعنة لغرفة فاطمة وقفل الباب
اجة امين لبد بحضني واني محتاجة البد بحضن
بس حضنتة ومشيت أيدي على ضهرة اطمنة
حور.ششش ماكو شي
أمين.حور ضميني ضميني
حور.ماكو شي امين هسة يجون
ونتعاقب عقوبة بسيطة اني وياك ونخلص
VOUS LISEZ
مابعد ألنهوة
Roman d'amourانطفأت من جديد ، أنا وبعد كُل تلك المسافات كُل أقاويل الحب وقصص العشق التي باتت كاذبة . َ مابعد ألنهوة يُسلب حقي فأعود لسابع أرض لآخر نقطة صمود ، بسنيني العُجاف
