.
.
باجر أربعين عمو سلمان
الفترة المرت جانت صعبة آصف خلصها ببغداد
بس حلا حيل أذتني وشمة استقوت بحلا
عمة دعاء مبتعدة وشايلة أيدها
وبيبي دوم بالغرفة وحتى لو شافت حلا تأذيني تسكت
بس شمة متسكتلها
وأني هم مااسكت عن واحد الوكاحة تنراد بهيج مواقف
نفسيتي حيل تعبت من اشوف شكلي أحس نار تحرك بية
هسة من تفرغت وأمنت ع مصطفى انتبهت لنفسي
صاحت عمة اني جنت بالمطبخ شمة تعلمني شلون اعجن
رضاب.حوور
حور.ها عمة
رضاب.باجر لتنزلين ابد ماشي
أبقي بغرفتج لحد ما يفض الأربعين
حور.ماشي
شمة.وينج عيني شو تعاي ابقة متانيتج قابل
حور.اي جيت
رحت يمها باوعتلي بعجرفة
شمة.شرفتي ؟
حور.ترى لعبانة نفسي واحس الجالي صعد لراسي
ديري بالج شمة لتخليني احجي هواي ترى اتقيئ عليج
شمة.هذا الحجي كلة اوصلة لآصف وشوفي شيسوي بيج
طنشتها وكعدت اتملعب بالعجين والله ماعرف
بالأخير اجت عمة وصيحت علية وبدت تعلمني عدل
دعاء.يلا شمة روحي للخبز
شمة.وحور
دعاء.اخذيها وياج علميها
اعرف عمة مو بيدها آصلاً دوم عينها علية
بس هاي أوامر آصف
طلعت قبل شمة وكفت تعلمني شون افتح التنور
وجانت سهلة لأن ماما جانت تخلي سيم وبي فتيلة
تخلي بيها نفط وتمدها من بعيد
شمة.ها تعلمتي
حور.اي
شمة.يلا النوب الصفكة مال الشنك انتبهي
خلصت الخبز واني مامتعلمة غمتني
حور.غمة غمتج
صعدت للغرفة غسلت وطلعت زيت زيتون وريحان
وبديت ادلك راسي
صاير حيل يأذيني وجااف حيل
كمية السلبية الي احس بيها متنوصف
تعبت ومالي خلك حتى نفسي
سمعت صوت آصف جوة
وصوت بجي طفلة أكيد بنتة
أسبوع ورة الاربعين واتزوج آصف متزوج وعندة طفلة تقريباً حياتة مكتملة واني وعدت غلا قبل مااخرب حياتها تغيرة وراح تصير مثل شمة لو لا
وقت الغدة اجة مصطفى
يصيحني مردت انزل بس بقة يلح نزلت ويا
جانو كاعدين بالمطبخ شمة وعمة هاجر يصبن
والبقية ع الميز يسولفن
حور.سلام عليكم
كامت غلا واجت بوستني
غلا.شونج حور
حور.الحمد لله اني زينة انتي شونج
YOU ARE READING
مابعد ألنهوة
Romanceانطفأت من جديد ، أنا وبعد كُل تلك المسافات كُل أقاويل الحب وقصص العشق التي باتت كاذبة . َ مابعد ألنهوة يُسلب حقي فأعود لسابع أرض لآخر نقطة صمود ، بسنيني العُجاف
