مابعد ألنهوة

3

- بالرغم من قلقها الدائم ، وهروبها المستمر ، إلا أنها كانت تمثل دائمًا ملاذًا آمنًا لكل من حولها ، كانت تنتقم من القلق بمنح الطمأنينة للآخرين 🌾

.............................

گعدت الصبح متكسرة راسي يوجعني
عبالك نايمة الف سنة مو كم ساعة

أموني يبوس إديناتي وصفاوي يگولة
أختي بطلة متموت وأني ميتة ضحك عليهم
فدوة شكد بريئين وحبهم الي يسويلي طاقة

أمين.حوري اني ومصطفى من نكبر منخلي آصف يضربج

حور. وأذا ماگدرتو

مصطفى. لانگدر شوفي عضلاتي

حور. وااو بطل انتة وحتى اموني
فدوة اروحلكم حياتي

ردو مصطفى وأمين بصوت واحد.يي
ابتسمت بوجهم اخواني التؤم حتى لمن يحجون بنفس الوقت

خليت ايدي ع راسهم
حور. يلا جيبولي المشط دا أروح للمغاسل

مصطفى .اي روحي هسة نجيبة

حور.طلعت صارت بوجهي عمة دعاء

تحبني بگد بناتها وأكثر تتخبل من تصرفات
آصف بس مبيدها شي تسوي حالها حال ماما

حطت أيدها ع خدي تتلمسة
دعاء.شلون صرتي ماما

حور.حمد لله أحسن
دعاء.يلا نزلي اسويلج ريوگ
حور.بس دا أغسل

رحت غسلت مشطت شعري وخليتة مفتوح ونزلت صارت بوجهي بيبي

فاطمة.ستوها گعدت المسعدة

حور.صباح الخير

الكل.صباح النور

فاطمة. مانعدلتي من أمس گاعدتلي ب10
لو يومية لازم آصف ع راسج الاتمشين عدل

حور. بيبي فدوة تعبانة يعني شأسوي هسة

فاطمة.وتراددين عرمة

حور.يووو بيبي مليت اني صاعدة لغرفتي معليكم بية

فاطمة.وج والله اليوم أگلة ع سوالفج خل يجي

حور.خلي يضرب راسة بأقرب حايط هالمعقد هذا رايحة انتحر اني خلي اموت أحسن

_صعدت اول كم درجة وأسمع بيبي تلطم ولكم راح تموت بت علي راح تنتحر وج حووور تعاي

حور . كملت لغرفتي قفلت الباب وگعدت وأسمع ماما وعمة دعاء يدكون الباب ثواني وقصي كسر الباب ودخل
گبل ركض يباوع لأدية ورگبتي ويگولي باعيلي

قصي.حيواااانة شهالتصرف

مي.شلعتي گلبي حرام عليج وأيدها على گلبها

حور.شبيكم دا أنام

دخلت بيبي تباوعلي طبعاً هي ابد متكدر تصعد بس عباله صدك راح اسوي بنفسي شي