ٕ
ٕ
ٕٕٕٕ
ومـرت الوحشـــه على چفـــوفي
خــــرز سبحــه وتعب روجة بلـم
لـ عريان السيد خلف
.................................حـور
تصويت ⭐
ٕ
مثل أي يوم غيرة ونفس الموقف ينعاد
ويتكرر السيناريو الشبه يومي وية بيبي هي تصرخ وتحجي واني ابدي معاندتي ورفضي
وهي تريد تسلبني ابسط حقوقي
حور. بيبي خلص انتهينا من هالموضوع سدي دراسة ماأتركها شكو عايفة العالم كلها وبس حور عندج
يعني اني شرايدة غير مدرستي
خزرتني ورفعت أيدها تأشر علية
فاطمة.تعلين صوتج ولج لاعبالج جدج ساكتلج
اني اسكتلج راسج اكسرة فاهمة
حور.بيبي ما أعلي صوتي آسفة بس دراستي لا
وكم مرة حجيتي وحرضتي عمو وآصف واني اكولج مااتركها
فاطمة.هاي بنات عمج گعدن وسكتن انتي وحد لو شلون يعني ع راسج ريشة
مليت وتعبت حجيت بعناد وياها
حور.أي اني وحد ماشي اني وحد
درت وجهي ع صوت آصف، خلص اكتمل النصاب وراح يستلموني رزايل
آصف. هاي منو ترادد
فاطمة.ها شو سكتي
_تقرب آصف باس أيد بيبي وراسهة ورجع باوعلي بخزرة
آصف.يلا تعالي بوسي أيدها وأعتذري
حور.بس اني ماغلطت
ليش كل مرة تجي علية واني الغلطانة
وتعرف بية اصلا ممسوية شي
آصف.گلت يلا بيبيتج لو تستنكفين
تقربت على بيبي بست أيدها وراسهة وأعتذرت
بس كون يفكون عني ولايحطون بالهم وياي
آصف.گولي ام سلمان مترديها داوم
يحجي وعبالك صدوك حياتي بيدة
وهاي الي تريدها بيبي ينطيها كلمة
فاطمة. اي واني أدري هالسالفة بيدك انت تكدر تقنع جدك ، كبرت وبعد مو مال مدارس
آصف. إن شاء الله
حجة وياها ببرود يباوعلي صحت
حور.بسس شنو هي حياتي لو حياتكم وتقررون جدو موجود
آصف. روحي لغرفتج وسدي الباب حسابي وياج ماخلص
حور.جدو موجود هو الي يقرر
صاح بية بصوت عالي فززني
آصف.تحررركي لج
عفتهم وصعدت لغرفتي ميتة قهر وأبجي يارب أخلص من عدكم والله مليت من كلشي مو حياة هاي
اني لو بابا عايش هيج يصير بية ربي لا اعتراض ع حكمك طبت ماما تحاجيني
مي.شكو حور شسويتي
حور.هذا آصف أذا سمحلة جدو يبطلني انتحر فاهمةةة ماما انتي شبيج غير وضعنة مو اني تعبت
مي.اشش سكتي ليسمعج سكتي
حاطة أيدها ع حلكي وتسكتني
حور.لج ماما تعبت حبابة ساعديني
مي .شبيدي عليج شبيدي على نفسي كلشي مابيدي
يعني ويامن اتقارش وي عمج لو بيبيتج لو آصف فهميني
YOU ARE READING
مابعد ألنهوة
Romanceانطفأت من جديد ، أنا وبعد كُل تلك المسافات كُل أقاويل الحب وقصص العشق التي باتت كاذبة . َ مابعد ألنهوة يُسلب حقي فأعود لسابع أرض لآخر نقطة صمود ، بسنيني العُجاف
