.
.
طلعت ماما من البيت بقيت واكفة بالطرمة
واني حاضنة مصطفى وابجي
صاح بية قصي
قصي.امشي فوتي لج
مامتعودة منة هاي النبرة الخشنة القاسية
مصحوبة بحقد قوي دخلت للبيت
عمة دعاء جانت كاعدة على بايات الدرج
حاطة أيدها على راسها وصافنة
تقربت يمها ردت احضنها دفعتني
دعاء.ما اذنبتو بشي ابقة اكول مالكم ذنب أذوكم اي وصلوكم لهالنقطة اي
بس مااتقبلج لا انتي ولا اخوتج وهم ماراح ائذيج
بس لاتجين صوبي ديري بالج
حور.عمة
دعاء.گلت لاتحجين وياي وخري منا
ابتعدت عنها واسمع صوت بيبي فاطمة تحاجيهم بصوت عالي وهي تدك بعصاتها الأرض
فاطمة.هذا مصطفى طلعونة وي الفلح
لايكسر وجهي مثل اخو
واخيتة العرمة دواها عندي
قصي.نودي يم عمي ازهر كال جيبو عندي
فاطمة.يروح وي الفلح يكضي يومة شغل
حتى من يرجع هلكان وينام ومايفكر ياخذ درب اخو
اوووف منك يعلي لو مو ولدك جان كليتهم بسنوني
صخااام وجهج يفاطمة كتلو وليدج راااح جبيرج
فتشة عينج ضمتة الكاع
جانت حيل متأثرة بموتة أكثر من موت جدو
وقرارتها ضالمة تعسفية اتجاهنا
فاطمة.وهاي حويران ساس البلة بسببها الولد كتل عمة
راويني بيها ايدك يابعد أيدي
أخذت أخوية واريد اصعد عرفت آصف راح يطلع
حور.كوم صفاوي كوووم
لاگتني شمة على الدرج
شمة.وين عبالج مثل اول تسرسحي للمطبخ بسع
حور.ولي بوومة مسمومة
شمة.اني اعلمج كرعة
دفعتها من جتفها وطاردت للغرفة
رحت لغرفة اخواني سديت الباب وكعدت ابجي
ولأول مرة وكفت كدام المراية
شكد ترددت اشوف وجهي بالأخير قويت نفسي وكفت اشوف وجهي بنفس اللحضة الي رفعت بيها راسي وشفت وجهي شهكت استغربت وضربت ع وجهي
حور.هاااي منو
مصطفى.حور
باوعتلة وكمل
هاي انتي ويطلع شعرج ووو وحواجبج هم يطلعن
حور.وروحي همين تطلع
تقربت يمة ليش هيج سوو بينة
ااا اني ماريد اشوف وجهي هيج
شوف احنة مذنبين لو ساكتة جان مانقتل عمو
جان ما أموني راح للسجن جان مابتعدنة عن ماما
ااااني السبب استاهل استاااهل الله ياخذني
يارب إن شاء الله امووت
حسيت جسمي تشنج صرخت
حور.يااااا ترى مليييت بس بس
مصطفى باوعلي بأستغراب
مصطفى.شبيج
ماجاوبتة لأن بعد ماكدر
اتجهت للسرير واسترخيت
أنت تقرأ
مابعد ألنهوة
Romanceانطفأت من جديد ، أنا وبعد كُل تلك المسافات كُل أقاويل الحب وقصص العشق التي باتت كاذبة . َ مابعد ألنهوة يُسلب حقي فأعود لسابع أرض لآخر نقطة صمود ، بسنيني العُجاف
