.
.
جنت بوقتها بداية حملي
اليوم 9/11/2014
كعدت من الصبح وبديت اشتغل
هدوء البيت يخليني انجن
زوجة آصف غلا عدنة
وياهم بتهم حور
انقهرت لمن اخذها آصف لغرفتنا
بس هو كولشي انأخذ من عندي بقت ع هاي
وأومرهم ماتخلص جيبي ودي محد يساعدني
طلعت أخبز هدرت اللاكل على النار الهادية
شغلت التنور وخبزت
جاي اصفك بالشنكة
طلع آصف مثل العاصفة اجة يميي صم ايدة وضربني على راسي عيوني غوشت من قوة الضربة
طلعت ورا غلا لزمتة والخبزات الي بالتنور احتركن
طفيت التنور ورحت غسلت وجهي لأن عيوني غوشن فد مرة واكفة اغسل ضربني على ضهري برجلة عطت
آصف.كلبة بت كلب
شنو اصيحلج ماتجين
يحجي ويأشر بيدة بأنفعال خازرني وفاتح عيونة
غلا.عوفها معبالي تخبز ياعيني قابل تنقسم مية عدها شغل جان صحتني
همة يحجون واني كاعدة بالكاع مدري شصار بية
ملفلفة نفسي بالحجاب صح حواجبي طالعات
بس شعري بعدة وثقتي بنفسي صفر
يعني استحي واحاول اخفي وجهي
حور . جر شالي حتى يهيني كدامها
المرة اي شي سوي بيها بس لاتطعنها بهالطريقة
صعبةة حيل صعبة بس مايدري
اني ذبحني بسجين عمية هسة
غلا.اوووي يمعود رجعة لخاطري
اووف شجاك اخذها للطبيب يشوف راسها شبي
آصف.لعبت نفسج مو
غلا.لا لتحول هيج بس خطية
كمت غسلت وجهي ورجعت للتنور بدون ما أخذ شالي
باوعت للمرايا شكلي فعلاً موحلو ابددد موحلو
هي دخلت واني بقيت اخبز صاح بية
آصف.تعاي لبسي شالج
مو العالم لعبت نفسها
حور.خل أكمل الخبز لايحترك
بقة يفتر يروح ويرجع تالي صاح
اصف.جاي اكول لبسيي
مارديت علي طب للبيت واحسة يضرب الكاع من يمشي من كثر ما عصبي
خلصت الخبز جريت شالي لبستة
البنات بالمطبخ يسولفن
باوعت الساعة 12 ونص
صبيت الغدة مديت السفرة ونقلت الأكل
شمة نقلتة وياية يمكن عدها طاقة اليوم
مريت من يمي بيبي فاطمة كاعدة بمكانها المعتاد
الكبر يتعب الناس ويهديها ويتقربون من رب العالمين
الا هي زادها ظلم وعنفوان
كملت الصب وحلا واكفة تشاور شمة
كره وحقاارة بعيونها خلني أنصدم واني الي اكول هاي العائلة كولشي يطلع منها ماجذبت
شالت الكدر توجهت يم الزبالة وذبت الأكل بالسطلة
خلت وطلعت تركض يلا المهم مصطفى مو هنا
YOU ARE READING
مابعد ألنهوة
Romanceانطفأت من جديد ، أنا وبعد كُل تلك المسافات كُل أقاويل الحب وقصص العشق التي باتت كاذبة . َ مابعد ألنهوة يُسلب حقي فأعود لسابع أرض لآخر نقطة صمود ، بسنيني العُجاف
