مابعد ألنهوة

28

اندكت باب غرفتي
دخلت غلا ابتسمتلي

غلا. حور أريد ادردش وياج عادي
باوعت الساعة ب 10 ونص
هاي اني نمت وجان آصف يمي
عبالك غيبوبة

حور.اي عادي تعالي

غلا.تدرين اني طول سنتين و4 أشهر
أسمي حور وأسم بنتي حور

جنت اكول ممعقولة يحبها يعني صغيرة
شلون يحبها وفرق العمر هوااي
جان يحجيلي شلون انتي طفلة
شلون تحبين الألعاب شلون انتي بريئة وعفوية

يوصفج قطعة من گلبة
جنت أضوج وابجي وحدي بدون ميشوفني
بس ميفيد بشي

صديقاتي يحسدني بيتج سيارتج بنتج وزوجج
لا الزوج الي ولابنتي صحتها زينة
ولا اني امراءة كاملة واكدر اخلف بعد

حور . الله كريم ، لتكولين زوجي مو ألي
لا هو الج وانتي الوحيدة الي الج الحق بي
تعاركي ويا لمن يذكر اسم غيرج
كوليلة اني وبس
وصفيلة مقدار حقج بي

غلا.بس هو مو الي
ولا اني الي اكرهج أو أريدكم تبتعدون
بس ماعرف دا أحترك ، دا أغار
أريدة بس الي
بس كثر ما يحبج اني حبيتج
الي أريدة منج متكونين سبب فراقنة

حور.لتخافين واني والله آصف انتهة من حياتي
نفس الساعة الي عرفت بيها مزوج
انتهة وخلص مااخرب حياتج لتخافين اني موهيج

ابتسمتلي بعدم قناعة وطلعت

كمت فركشت جنطتي وكعدت أقرة
دزتلي ماما لفة وببسي قبل ليتعشون
يعني متريدني أطلع بقيت بغرفتي

لحد الساعة 1 ونص خلصت واجباتي ونمت

داومت ثاني يوم دخلت للمدرسة
باوعت الساعة صارت 8 وخمسة
اول درس انكليزي واني اليوم متأخرة
گلبتها علية صياح عود اني احبها واكول حبابة

بقيت ساكتة منتضرتها تخلص
صاحت دخلي دخلت هزت أيدها
الناس كولها مستكلبة ومتخبلة

رجعت للبيت وجانت غلا مجهزة ملابسها تريد ترجع
بس ورة الغدة تروح لبغداد

وعمة دعاء حيل تعلقت بحور
حاطتها بحضنها وتبجي عليها

كعدنة نتغدة وآصف أجة من وقت حتى يروح وياها
شمة كاعدة يمها وتسولف وتضحك

البنات ابد مااختلطن بيها وبس ساكتات

دعاء.ديري بالج على الطفلة
ترى هية الوصل البينة وبينج
اذا صار عليها شي هالوصل ينقطع

غلا.محد يخاف على بنتي أكثر مني
هاية روحي من الدنيا

دعاء.اي المهم ردت انبهج

حجت بيبي وجانت تباوع بعيون غلا

فاطمة . إن شاء الله هالفترة تعدي
من تتعدل صحة البنية وتجين هنا
احنة مانشمر بزرنةة