Unicode
တသက်လုံး ရွှေဘုံပေါ်မှာထိုင်ကာ ဖူးဖူးမှုတ်ခံထားရသည့် ဆောင်းဟန်ဘင်းမှာ ခုတလောတွင်မှ အတော်လေးဘူနေရပြီ ---
'ကျနော်က ရပါတယ် အစ်ကိုထားခဲ့တဲ့နေရာမှာပဲ ရပ်ကျန်ခဲ့ပါ့မယ်' ဆိုပြီး သူမင်္ဂလာဆောင်ခါနီး ငိုနေခဲ့တဲ့ ဆော့မက်ခြူးလည်း ၇ လမပြည့်ခင်မှာပဲ နောက်တယောက်ထပ်ရသွားခဲ့သလို ---
သူ့ကိုအသေအလဲကြိုက်၍ ယူထားသည့် ကျန်းဟောက်မှာလည်း ရေထဲခုန်ချပြီးတည်းက လုံးဝကို အချိုးပြောင်းနေတော့သည်။အရင်ကဆို ကျန်းဟောက်က သူ့မျက်နှာတကမ္ဘာ ဆောင်းဟန်ဘင်းမှအပ ဘာကိုမှစိတ်မဝင်စား ---
အခုတော့ဖြင့် ဆောင်းဟန်ဘင်းကလွဲရင် တလောကလုံးကို စိတ်ဝင်စားနေလား ထင်ရသည်။ ကိုရီးယားမင်းသား တရုတ်မင်းသား အနောက်တိုင်းက မင်းသားတွေတင်မက အဆိုတော်ကြီးငယ်အရွယ်မရွေး အကုန်လိုက်ကြိုက်နေတော့၏အရင်ကများ သူလေသံမာမာမဆိုလိုက်နဲ့ စိတ်ပျော့တဲ့ကျန်းဟောက်က မျက်ရည်တွေဝဲနေပြီ။ အခုတော့ဖြင့် သူတချက်အော်မိရင်တောင် ကျန်းဟောက်က သူ့ထက်နှစ်ဆကျယ်တဲ့အသံနဲ့ ပြန်အော်တာမျိုး နည်းနည်းလေးမှကိုအကြောမခံ ကက်ကက်ကိုလန်နေတာ ---
သူ့ကိုထိမိရင်လည်း တစက်လေးမှမကြိုက် ရိုက်လို့ရရင်ရိုက် မရိုက်ရရင်ကိုက် အဖွားအိမ်က ရန်လိုတတ်တဲ့ ကြောင်ဖြူကြီးမသေပဲဝင်ပူးနေလား ထင်ရအောင်ကို စွာတေးလန်နေသည်။
တယောရိုက်ချိုးလိုက်မိတဲ့နေ့ကများဆို အားရပါးရ ကိုက်ထည့်လိုက်တာများ နောက်နေ့ရုံးသွားတဲ့အထိတောင်မပျောက်"ဟယ် ဒါရိုက်တာဆောင်းလက်က ဘယ်လိုဖြစ်တာလဲ"
ဓာတ်လှေကားအတူစီးမိသည့် မန်နေဂျာချာဝုန်းကီတောင် မေးယူရသည်အထိ
"ဘာဖြစ်ရမှာလဲ အိမ်က ကျန်းဟာအိုပေါ့--"
ချာဝုန်းကီဆိုတာ သူစိမ်းတော့မဟုတ် ကျန်းဟောက်နဲ့ ကျောင်းတုန်းက Classmate တွေဆိုတော့ ဆောင်းဟန်ဘင်းလည်း သူ့သူငယ်ချင်းကို တိုင်သည့်သဘောနဲ့ ပြောလိုက်လေသော်
"ဟင် ကျန်းဟာအို ကျောင်းတုန်းက အရမ်းရှက်တတ်ပြီး အေးအေးလေးပေမယ့် အခုကျ အဆိုးလေးဖြစ်နေတာပဲ --- ဟီးဟီး ရင်ခုန်စိတ်လှုပ်ရှားစရာ အိမ်ထောင်ရေးလေးပိုင်ဆိုင်ထားတဲ့အတွက် ဂုဏ်ပြုပါတယ်"
YOU ARE READING
Fanfic
Fanfictionမူးယဇ်ဆေးအမှုကြီးရဲ့ အဓိကသက်သေကျန်းဟောက်ဟာ လူဆိုးဂိုဏ်းတွေလုပ်ကြံမှုကြောင့် သေဆုံးသွားပြီး Fanfic Character တခုအဖြစ် နိုးထလာတဲ့အခါ --- *Warning: Plot အရ OTP ရှုပ်ထွေးပါမယ် မူးယဇ္ေဆးအမႈႀကီးရဲ႕ အဓိကသက္ေသက်န္းေဟာက္ဟာ လူဆိုးဂိုဏ္းေတြလုပ္ႀကံမႈေၾကာင့္ ေသ...