Unicode
ဘောပင်နဲ့ဆွဲထားတဲ့ တိမ်နဲ့ကြောင်ပုံလေးတွေကို ကြည့်ရင်း သဘောတကျဖြစ်နေသူက
စေရာနေရေးသည်သာ။မိုင်ကလေးက ပုံဆွဲလည်း သိပ်တော်တာပဲ... စကားကလည်း
တတ်သေး။တကယ်လည်လွန်းတဲ့
ကလေးပေါက်စ။
"စေရာနေရေးတစ်ယောက်လည်း အလုပ်များပြီး ရူးသွားရှာပြီထင်တယ် ... လုပ်စရာရှိတာမလုပ်ပဲ ပြုံးပြုံးကြီးလုပ်နေရအောင် မင်းစာတမ်းက
အခုရေး၊အခုရမှာမဟုတ်ဘူးနော်ဟေ့ကောင်"
"တိုးတိုးပြောစမ်းပါ ကလေးအိပ်နေတာကို"
"နေပါအုံး မေးအုံးမယ်။တစ်ခါလာလည်းကလေး၊ တစ်ခါလာလည်းကလေးနဲ့ မင်းက
ဒီကလေးမရဲ့ အဖေလား"
"မဟုတ်တာ"
"အဲ့တာဆို သူ့အမေကမင်းအချစ်ဦးလား"
"ဘာတွေလျှောက်ပြောနေတာလဲ လွမ်းရာ"
"မင်းဒီလောက်ဂရုစိုက်ပြနေလို့ ဖြစ်နိုင်ခြေရှိတာကိုမေးကြည့်တာဟ။ကိုယ်နဲ့လည်း သွေးသား
မတော်စပ်... ဘာမှလည်းမဆိုင်တဲ့ကလေးကို
မင်းမို့ခေါ်လာတယ်"
ထိုစကားကြောင့် နေရေးကမျက်နှာမော့၍ ပခုံးလှုပ်သည်အထိရယ်၏။လွမ်းဆီကတင်မဟုတ်ပဲ၊ Tomကလည်း မနေ့ညနေကအိမ်ပြန်ရောက်တော့ ဒါမျိုးမေးသေးသည်။လူတွေက သိပ်ပြီးအတွေးလွန်တာပဲ... သွေးသားမတော်စပ်တဲ့ကလေးကိုပြုစုစောင့်ရှောက်ပေးတာ
အပြစ်ကြီးများဖြစ်နေလို့လား။
ကလေးလေးရေ... မင်းကြီးလာရင်ရော ကိုယ့်ကိုဒါမျိုးထပ်တူကျတဲ့မေးခွန်း မေးလာအုံးမလား။
ဆိုဖာပေါ်အိပ်ပျော်နေတဲ့ကလေးရဲ့ခေါင်းကို
ဖွဖွအုပ်ကိုင်ရင်း ထိုသိချင်စိတ်က
တိုးပွားလာရသည်။
"ဟေ့ကောင် ဖြေလေ"
"သြော် ဘာအကြောင်းပြချက်ရှိရမလဲလွမ်းရာ။ ကလေးကချစ်စရာကောင်းတယ်လေ...ဒါကြောင့်မို့ စောင့်ရှောက်ပေးတာပေါ့။ရိုးရိုးလေးပါပဲ"
"မင်း ကလေးမချစ်တတ်ပါဘူး"
"ဟေးမိုင်မိုင်းကကလေးမဟုတ်ဘူး"
"ဟမ်"
"တိမ်ကလေးနဲ့တူတယ်။ ကလေးက မျက်လုံးပြာပြာလေးတွေ... ပြီးတော့ ဒီဆံပင်အဖြူလေးတွေအဲ့တာတွေကြောင့် ဒီကလေးက တိမ်လေးဖြစ်နေတာ။ဆံပင်ကလည်းအိအိလေးတွေ။ပါးလေးတွေလည်းကိုင်ကြည့်ပါအုံးကွာ အိအိလေးတွေ"
YOU ARE READING
My Baby Girl
Romanceသီးသန့်ကမ္ဘာဥယျာဥ်ထဲမှာရှိနေတဲ့ ဒေစီပန်းကလေးတစ်ပွင့်၊ မျက်ဝန်းပြာပြာ..ဆံနွယ်ဖြူဖြူတို့နှင့် တိုးဝေ့ချင်စရာ တိမ်စိုင်ငယ်ကလေး။ စေရာနေရေး (Sayar Nay Rei) Note - ယခုဇာတ်လမ်းပါအဖြစ်အပျက်၊ အကြောင်းအရာတို့သည် စာရေးသူ၏ စိတ်ကူးယဥ်ရေးသားမှုသာဖြ...
