Unicode
"မိုင်မိုင်းက ဦးဦးပြန်လာတာကိုစောင့်နေတာ။
မနေ့ကလည်းပြန်မလာဘူး""ကိုယ်အလုပ်လေးတစ်ခုအပြီးသတ်နေရလို့ကွ။
ဘာလဲ... မိုင်မိုင်းက ကိုယ့်ကိုပြောစရာရှိလို့လား""ဟုတ်"
"ကဲ ပြောစေဗျာ... Tomရေ ရေတစ်ခွက်လောက်"
ဧည့်ခန်းကဆိုဖာပေါ်ထိုင်ပြီး မိုင်ကလေးကိုလည်း သူ့ဘေးမှာထိုင်ခိုင်းလိုက်ရ၏။သေချာပေါက် သူမအမေလာကြိုတဲ့အကြောင်းပြောပြဖို့ပဲနေမှာ။
"မနေ့ကလေ ဦးဦးကလာမကြိုဘူး။မာမီလာကြိုပေးတယ် ... အပြန်ကျတော့ ရေခဲမုန့်လည်းဝယ်ကျွေးတယ်"
"ဟုတ်လား ကိုယ်ပြောသားပဲ...အော်ရီယာနာက မိုင်မိုင်းကိုချစ်ပါတယ်လို့"
"မာမီက မိုင်မိုင်းကိုချစ်သွားပြီထင်တယ်နော်
ဦးဦး။ဒီနေ့ညနေလည်း လာကြိုတယ် သိလား""ကောင်းတာပေါ့ကွာ မိုင်မိုင်းကချစ်စရာကောင်းတော့ ဘယ်သူကမှမချစ်ပဲနေနိုင်မှာမဟုတ်ဘူးလေ။မိုင်မိုင်းမသိလို့ပါ... အရင်ကတည်းက သူကိုယ့်ကိုမှာထားတယ်။ဟေးမိုင်မိုင်းလေးကို
စောင့်ရှောက်ပေးပါဆိုပြီးတော့""ဒါပေမဲ့ ဦးဦးသိလား... "
နေရေးကိုပါအကဲခတ်သလိုကြည့်လာတဲ့ မျက်ဝန်းပြာကလေးက တစ်ခုခုကိုရိပ်မိလို့လား။ မဖြစ်နိုင်ပေမဲ့ မိုင်ကလေးသိသွားမှာကို သူစိုးရိမ်ပါသည်။စိတ်ဒဏ်ရာပျောက်စေချင်လို့လုပ်လိုက်တဲ့အရာက ထပ်ပြီးစိတ်ဒဏ်ရာဖြစ်မှာမျိုးကိုတော့ စေရာနေရေးလက်မခံနိုင်ပါ။
"ပြောလေကလေးရ... ဦးဦးကဘာကိုသိရမှာလဲ"
"ဘာမှမဟုတ်တော့ပါဘူးလေ"
"လူလည်မလေးက လျှို့ဝှက်ချက်တွေလုပ်နေပါလား။ဘာမို့လို့လဲကွ သိချင်အောင်လုပ်ထားပြီး"
"ဒါက ဦးဦးနဲ့တော့မဆိုင်ပါဘူး။ဒါပေမဲ့..."
"ဟေးမိုင်မိုင်းလေးရေ...မင်းက ကိုယ့်ကိုတောင် လျှို့ဝှက်ကုန်ပြီလား။ကိုယ့်မှာတော့
ကိုယ့်မိသားစုဝင်လို့သဘောထားလိုက်ရတာ"
YOU ARE READING
My Baby Girl
Romanceသီးသန့်ကမ္ဘာဥယျာဥ်ထဲမှာရှိနေတဲ့ ဒေစီပန်းကလေးတစ်ပွင့်၊ မျက်ဝန်းပြာပြာ..ဆံနွယ်ဖြူဖြူတို့နှင့် တိုးဝေ့ချင်စရာ တိမ်စိုင်ငယ်ကလေး။ စေရာနေရေး (Sayar Nay Rei) Note - ယခုဇာတ်လမ်းပါအဖြစ်အပျက်၊ အကြောင်းအရာတို့သည် စာရေးသူ၏ စိတ်ကူးယဥ်ရေးသားမှုသာဖြ...