Unicode
နေရေးဆေးရုံကိုရောက်သွားတဲ့အချိန်အထိ
မိုင်ကလေးကသတိရမလာသေးပါ။ဝရုန်းသုန်းကားနဲ့ဆေးရုံကိုရောက်ချလာတဲ့
သူ့ကို လူတချို့ကစောင်းငဲ့ကြည့်လာပေမဲ့ ဒါတွေကို သူဂရုမစိုက်နိုင်သေးပါဘူး။မိုင်ကလေးကို ကြည့်ပေးနေတဲ့ဆရာဝန် အပြင်ပြန်ထွက်လာမှာကိုသာ စိုးရိမ်တကြီးစောင့်ဆိုင်းနေမိသည်။
"နေရေး ... မိုင်မိုင်းမိဘတွေကရော။ကလေးက ဒီအခြေအနေအထိဖြစ်သွားတာ သူတို့ကြောင့်နော်သူတို့လည်းဒီလိုဖြစ်နေတာကိုသိသင့်တယ်"
"အင်း"
"မဆက်သွယ်ခဲ့ဘူးလား သူ့မိဘတွေကို"
"ကိုယ်အခု အဲ့တာကိုမပြောချင်သေးဘူး"
"မပြောလို့မရဘူးလေ အုပ်ထိမ်းသူနေရာမှာ
လက်မှတ်ထိုးဖို့လိုသေးတယ်။ဘယ်လိုလုပ်မလဲ"
"ကိုယ်စားထိုးပေးလိုက်လို့ရတယ်မလား မမယ်။ မရရင်တောင် ဒါမမယ်တာဝန်ကျနေတဲ့ဆေးရုံပဲကလေးကို...မမယ်ရဲ့တူမလို့ပြောပေးပါ။
ဒါလေးတော့ ကူညီပါမမယ်"
သူ့စကားကြောင့် စိတ်ရှုပ်ဟန်ဖြင့် မျက်နှာပျက်သွားတဲ့မမယ်ကို ထွေထွေထူးထူးလည်း သူမရှင်းပြချင်တော့ပါ။
"ကလေးအခြေအနေကရော အန္တရာယ်ရှိသေးလားမမယ်"
"အခုတော့ သိပ်မစိုးရိမ်ရတော့ပါဘူး။ဒါပေမဲ့ ဂရုစိုက်ပေးဖို့တော့လိုမယ်နော်။ကလေးက ရင်ဘတ်နာတာ၊ခန္ဓာကိုယ်ကိုက်တာ၊အသက်ရှူကျပ်တာ၊ချောင်းဆိုးတာ၊ကိုယ်ပူချိန် တတ်လာတာမျိုးတွေဖြစ်ရင်လည်း အရမ်းမစိုးရိမ်ပဲဆရာဝန်ညွှန်ကြားတာကို သေချာလုပ်ပေး။ အဓိကက ကလေးရဲ့ခန္ဓာကိုယ်ကို နွေးနွေးထွေးထွေးလေးဖြစ်အောင်ထား။ အရည်များများသောက်ခိုင်းပေး"
"ဟုတ်ကဲ့ ကျေးဇူးပါမမယ်"
"မလိုပါဘူးကွာ။တကယ်ဆို ဒါတွေက သူ့မေမေကိုပြောပြရမဲ့ဟာတွေ... ခုတော့ မင်းကိုပဲ ပြောပြနေရတယ်"
"ဆေးရုံမှာစောင့်ဖို့လည်း ကိုယ်ပဲရှိမယ်မမယ်။ အဲ့တာကြောင့် ဒီကလေးရဲ့ကိစ္စအဝဝကို ကိုယ့်ဆီပဲ ပြောပေးပါ"
YOU ARE READING
My Baby Girl
Romanceသီးသန့်ကမ္ဘာဥယျာဥ်ထဲမှာရှိနေတဲ့ ဒေစီပန်းကလေးတစ်ပွင့်၊ မျက်ဝန်းပြာပြာ..ဆံနွယ်ဖြူဖြူတို့နှင့် တိုးဝေ့ချင်စရာ တိမ်စိုင်ငယ်ကလေး။ စေရာနေရေး (Sayar Nay Rei) Note - ယခုဇာတ်လမ်းပါအဖြစ်အပျက်၊ အကြောင်းအရာတို့သည် စာရေးသူ၏ စိတ်ကူးယဥ်ရေးသားမှုသာဖြ...
