اختلاس الكلف

اختِلاس الرابع ⚜️

- اختِلاس الكَلف -
- سجى حسين -

- الرابع ⚜️ -

﷽ .

بنات هذا بارت طويل كُلش و قوي كُلش انطوا حقه من ناحيه التصويت والتعليقات

-

- لطمت ؏ وجهي وعطت بصوت هز البيت
ديرين:- لالا انتَ تريدني مو كلت اريدج والله اجي بس عوف

- بعدني ما مكمله كلامي سمعت
صوت طلقه وصرخت بكل صوتي
ديرين:- جوددد لااالاا لاا ولك لااا اخوييي جودد

- صوت امي تصيح
ام ديرين:- ضنايي ابنيي ولكم ابنييي راح ولكم ابني أريده

تينا:- يمه جود لالا ميروح لا ميعوفنه لا

- هنا بعد ما كدرت اسمع شي وكعت بالكاع
والتليفون وكع من ايدي وكعت ؏ رجلي واحس
كلشي صار اسود بعيني ..

- حسيت انشلت من الكاع بس ما اكدر اسمع
صوت ماما وصوت تينا يلي يصرخون وحسيت
أحد شايليني وصوت شهكاتة وعرفت من ريحته
هذا بابا كمت اهلوس بالحجي

ديرين:- جود لا تعوفني هذا حلم انتَ ما عفتني

- بعدها ما حسيت ؏ شي بقيت نايمه
واسمع صوت بس ما اكدر افتح عيوني
اريد افتح عيوني ماكدر جسمي كله خدران
وثكيل وگوه فتحت عيوني شويه شويه وكلشي
مغوش لحد ما وضحت الروئية وذكرت كلشي صار

- كعدت شويه شويه وكمت امشي ؏ كيفي
لانُ رجلي بعد ما تحملني وجسمي يرجف
اجه باذني صوت هوسه جوه وصوت تينا تصيح

تينا:- امي راح تروح خاله امي

- نزلت من الدرج ؏ كيفي وأشوف نسوان فوك
راس امي وابويه ماكو وطلعت بدون ما يشوفوني
بره البيت اريد ادور ؏ ابوي واصيح بصوتي المبحوح

ديرين:- بابا وين وينك بابا

- وكعت بالكاع وكمت اعيط
ديرين:- وينك ولك بابا راح جود بابا ولك الحك اخوي بابا

- طلعت برا ادور ؏ ابوي والشارع بي هواي ناس
بس ابوي ماكو ظليت اشوفهم واحد واحد واسئلهم

ديرين:- الله يخليك وين ابوي انتَ عمو مشفت ابوي
وين ولكم ابوي وين خل يلحك اخوي راح يموت

- اجه رجال راد يطببني عطت بي
ديرين:- عوفني اريد ابوي اريد اروح لأخوي
راح يموت اخوي ولكم اخوي راح ينهدر دمه

- ظليت أصيح وابجي مثل المخبله التفت منا
ومنا وشفت ولد واكف بركن لابس اسود ومخلي
شي ؏ وجها وبس عيونه طالعه ما شفته عدل من
وره دموعي ! ركزت زين هوَّ نفسه صرت اعيط