اختلاس الكلف

اختِلاس تاسع وعشرين ⚜️

- اختِلاس الكَلف -
- سجى حسين -

- تاسع وعشرين ⚜️ -

﷽ .

فولو للحساب الواتباد

البارت كُلش كُلش طويل واذا شفت تعليقات
هواي ونشر ؏ قصة وتفاعل حلو راح انزلكم
بارت الاخير السبت اذا ما شفت تفاعل ما انزلكم
بارت الاخير اعوفه ؏ الاسبوع الجاي ...

لا تعلقون بابموجيات تاثر ؏ قصة علقو بين
فقره وفقره تعليقات الهن معنى 💛.

——

تينا:- الب اكعد يارة مادري شماخذة ..

- دخلت حته بدون ما ادك الباب عليَّ واني أصيح
تهسترت من الخوف وكع كلبي عليها كام من الجرباية
حته ما يعرف شصار بس سمع اسم يارة طلع مثل المخبل
من الغرفة راح ؏ غرفتها واني ركضت ورا

- تقرب عليها ويحرك بيها ويصيح بخوف
الب:- ياره كعديي خرب روحي ولج شسويتي يا ضيمي
شسويتيييي لج نور عيني انتِ لا تعوفيني دخيلج

- لزم ركبتها يتحسس نبضها شالها بسرعة مثل المخبل
وركض بيها وظل يصيح وتهستر من المنضر الي هيَّ
بي وكف يم الاستقبال وصاحني

الب:- تينا سويجي هناك جيبي بسرعة خل اوديها نفسها ضعيف
ابقي يم جهال راح اوديها للمستشفى اني لا تجين انتِ جهال بوحدهم

- ركضت ؏ غرفة ادور ؏ سويج شفته ؏ ميز اخذتة و
ركضت انطيتة اله وفتحت الباب اله وهوَّ نزل بيها اخذها
ماعرف يبا مستشفى راح يأخذها سديت الباب وكعت من
طولي انهد حيلي عليها منظرها كلش يخوف وجها اصفر
وجسمها بارد كلش

- فزيت ؏ صوت وردة تبجي اخذت الممه من الغرفة
رحت عليها شلتها وشفت امير كاعد جوا البطانية خايف
بس عيونة مطلع اخذت وردة بايدي وكعدت يمه وخرت
الغطى منه وظليت امسح ؏ شعرة لانُ مبين خايف

تينا:- ها حبيبي ارجع نام لا تخاف ماكو شي بس
عمة شويه تمرضت وبابا راح اخذها للمستشفى

امير:- خالة شبيها عمه يارة اليوم سمعت بابا
يصيح عليها وهيَّ تمرضت لانُ صيح عليها مو

- مسدت ؏ راسه
تينا:- لا حبيبي بس شويه بردانة عمة لا تخاف ما بيها شي هسة
تصير زينة وارجع نام انتَ الدنيا ليل اني يمك لا تخاف يا روحي

- هز راسة بـ إيجابية وغطة وجهه ودار ضهره
ظل الخوف ياكلني اكل من الخوف ما نمت طول
لليل اتصلت ؏ الب ما يجاوب بقيت منتظرة خبر
منه لحد ما طلعت شمس وراح النوم من عيني كمت
غسلت ورتبت البيت وبقت عيني ؏ تلفون

- مرت ساعات كعد امير سويت اله ريوك وكعد يلعب
وي وردة بالغرفة مالتة بقيت بالاستقبال انتظر خبر منهم