اختلاس الكلف

اختِلاس رابع عشر ⚜️

- اختِلاس الكَلف -
- سجى حسين -

- رابع عشر ⚜️ -

﷽ .

هذا البارت هديه الكم فـ تفاعلو بي

-

مشيت بسرعه ما حسيت بس واحد جرني من ايدي
حيل وايدي متوتتني وجع وخله ايده ؏ حلگي وطببني
لمكان وبس شفت شكله شهگت بخوف وجسمي رجف !

- شفت دسيم كبالي و وجها ما يكصه السيف !
لزمت أيده اريد اوخرها من حلگي بَس ما كدرت

- باوعت عليَّ خله اصبع ؏ حلگه
دسيم:- اششش

- انتبهت عليَّ يباوع من يم الحايط كانو ديراقب احد ورجع
باوعلي وصارت عيني بعينه و وخر أيده ؏ كيف مني ورجعت اتنفس بسرعه لانُ اختنكت ولزمت كلبي وباوعت عليّّ

- عطت بي، ديرين:- انتَ شبيك تريد
تموتني شبيك اكو واحد هيج يسوي

- خزرني، دسيم:- حسابج بالبيت انتِ اذا ما اكرم
رجلج اصبريلي لو ما لاحكج جان خناس سواج وليمه
لجلابه امشي كدامي

- لزمني من ايدي وعتني حيل ومشينه مسافه طويلة
وصلنه لسيارته وفتح الباب وشمرني بسيارة وصعد
هوَّ وشغل السياره ومشة بسرعه واستغربت مو نفس
الطريق يلي ياخذنه لبيتنه وباوعت عليَّ باستغراب

ديرين:- وين ماخذني مو منا البيت ؟

دسيم:- راح اخذج للكبور التاخذج وتخلصني منج

- خزرته، ديرين:- احترم نفسك هيو شنو
تايهتلك اني شبيك مكلوب عبالك ثور هايج

- ضرب الاستيرن، دسيم:- نوصل واراويج الثور ؏ اصولة

- ضحكت باستهزاء
ديرين:- يمه خفت كمت ارجف فدوه عوفني دارجف

- باوعلي تك عيني وأشر ؏ عيونه الاثنين
دسيم:- بعيوني

- من كلامه حسيت بي ضاملي شي وراح يطيح
حظي واني هم ما اكعد راحه لازم انرفزه، اخذت
نفس وخليت راسي ؏ جامعه وظليت افكر

- كمت ما احس بتعب من التعب الي شفته بهالسنه كلش
تأذيت بحيث جسمي وكلبي خدرانات ما يتحملن تعب اكثر

- ظليت صافنه ؏ شارع وافكر بأهلي شلون عافوني وشلون
نذليت من بعدهم وتعبت من تفكير وغمضت عيوني وغفيت

- ورا فتره حسيت بي نزل وطبك الباب حيل
واجه بتجاهي، باوعت ؏ مكان ومابي احد بس
بيت صغيره ويخوف عبالك متروك صارله سنين
واجه فتح الباب وجر ايدي ونزلني

دسيم:- يله الأميرة نائمه وصلتي لقصرج

ديرين:- دسيم عوفني وين جايبني رجعتي
لأختي فدوه والله ما اطلع بعد دسيم