اختلاس الكلف

اختِلاس ثامن وعشرين ⚜️

- اختِلاس الكَلف -
- سجى حسين -

- ثامن وعشرين ⚜️ -

﷽ .

فولو للحساب الواتباد

منزلت بارت الخميس لانُ تفاعلكم ماكو لا واحد يعلق
بين فقره وفقره ولا واحد ينشر مشاهد ؏ قصة وينطيها
حقها، بعد كُل ما اشوف تفاعل ماكو ما انشر بارت .

——

- بعدني ما حاجية اجه صوت الب من ورا ضهرنه
عاط بصوت مرعب، الب:- يارة شدتحجين انتِ ؟

- ندارينة ثنينه ؏ صوت الب شفنا مجتف ايده وصرنه
وحده تباوع لثانية ويارة صار وجها اصفر من الخوف

- بلعت ريكي وكمت بسرعة اخذت منه العصير والغراض
اجه بسرعة ؏ يارة لزمها من جتفها كدام العالم وصاح بيها

الب:- عيدي شكلتي بله عيدي تنهزمين؟ تردين تخلين
راسي بالكاع انتِ ولج وين تربيتي بيج وين احجي شكلتي
هستوني شسمعت اني ؟

- تجمعت الدموع بعينها وعاطت بهمس
يارة:- كاعد تأذيني عوفني منا العالم تباوع علينه عوفني
شبيك بس خل افهمك ولله ما قصدي شي ولله بس خل احجي

- ركضت عليَّ خليت الغراض ؏ مصطبة
حاولت اخلي يفك ايدة عنها ما كدرت

تينا:- الب عوفها مو هنا الحجي بالبيت عيب منا العالم
خل نرجع ونحجي امشي خل نرجع ميصير هنا لا تتهور
عيب العالم دتباوع شوف شلون يباوعون علينه امشي خل
نرجع للبيت هسة وهناك نحجي مجان قصدها شي البنية حجت
هالشي بقهر مو بوعيها صدكني

- ضب ايده ؏ جتفها وخزرها
الب:- امشي كدامي خل نشوف منو تنهزم ولج اني سنين
احافظ عليج وتالي هيج تحجين لج جان خليتيني بين عيونج
وكلتي اخوي شيصير بي من اسوي هالعا*

- غمضت عيونها ونزلت دموعها ونزلت راسها فلت
أيده منها ونترتها صاح ؏ امير حته يروح لسيارة طلع
هوَّ قبلنه لزمت يارة الي غرگانه بدموعها لحكنا وصعدنه
بالسياره كلنه ساكتين بس صوت النفس ينسمع بيناتنه وصلنه
لبيت ونزلنه دخلنه للبيت

- باوع ؏ امير وبصوت حادة
الب:- امير لغرفتك بسرعة وما تطلع منها لما اني اكولك

امير:- ليش بابا اريد العب وي وردة حبابة

- رجع باوع عليَّ ولزمه من جتفه وصاح
الب:- اميرر لغرفتك داكول ولتعاندني لا الزكك بالكاع

- ركضت عليَّ وخرت الولد منه خليته
ورا ضهري وباوعت عليَّ وخزرته

تينا:- شبيك ويه الولد الب اهدء مو
كلشي بعصبية ينحل انوب تريد تضربة

- فرك وجها بنتر واشر ؏ يارة
الب:- أخذي لغرفتة وانتِ تعاي وياي للغرفة حسابج
ما خلص عبالج هايهيه خل نشوف كلامج بشارع الحجيتي
اذا انتِ مرة تسوي اني وعايش