اختلاس الكلف

اختِلاس التاسع ⚜️

- اختِلاس الكَلف -
- سجى حسين -

- التاسع ⚜️ -

﷽ .

- اليوم عيد الحُب وحبيت ادللكم ببارت لانُ احبكم 😂💛.

بنات اقروا احداث تينا هم لانُ الها ربط باحداث ديرين

يله هسه عليكم التفاعل والنشر 💛.

-
تينا

- بصوت يرجف، تينا:- الو منو

- فجاة انجر التليفون من ايدي وانسد الاتصال
درت وجهي لكيت عُدي بوجهي وعيونه حمُر
وضاب ؏ أيده وتقدم علية وعاط بصوت عالي

عُدي:- انتِ ما توبين لشوكت ظلين هيج

- مهتميت لكلامه وعطت بعصبيه
تينا:- منيه هاي احجي بسرعه
عُدي:- سكرتيره بشغل يعني منيه

- خزرته، تينا:- ها شغل ساعه بـ ١٢ بليل
مو شغل هاي كو*ة مو شغل يا استاذ عُدي

- ضربني راشدي ومن الالم حسيت
وجهي اشتعل نار وصك ؏ سنونه

عُدي:- تينا اخر جنص الج إذا تلزمين تليفوني
لو شكين بيه والله ما يرفلي جفن وهنا ادفنج

- رفعت وجهي وعيوني مليانه دموع
تينا:- عرفت ليش بابا جان يرفضك ويكلي أخذي
يلي يحبج لا لتحبي لانُ طلعت ؏ حقيقتك حقيقتك يلي
بس ابوي جان يعرفها شكد كرهتك يا عُدي ما خليت
يوم حلو يمر عليه من يوم زواجي بيك حته عرس مثل
العالم ما سويتلي تعتبر روحك زوج انتَ؟

عُدي:- ضبي لسانج لا اكصه الج
بيج بخت حامل جان عرفت شسوي

- ضحكت باستهزاء
تينا:- شسوي يله اضرب مو اني جسمي تعود ؏
ضرب قابل انتَ خايف ؏ يلي بطني ليش عبالك
ما اعرف بيك تتمنى موتنه اليوم قبل باجر لك شكد
كرهتك بكد ما حبيتك وحاربت كلشي علمودك وخسرت
ثقه ابوي وخسرت اختي كرهتك امشي اطلع ماريد تنام
يمي ولا اشوف خلقتك

- باوعلي بغضب وظل يمسح بوجها وظل يضرب
بايده وبجف أيده الثاني واخذ ملابس وطلع من الغرفه
واني مشيت للجرباية تمددت وغطيت روحي وظليت
ابجي واحجي بحركه

تينا:- وين يا بابا تعال شوف شصار بينه ديرين
اختي يلي ما اعرف وينها ميته لو عايشه واني يلي
تنددمت ندم عمري لانُ عارضت كلمتك وأخذت شخص
يلي حذرتني منه اوف يا بابا وين عفتنه ورحت

- ظليت ابجي بحركه وما حاسة ؏ روحي وبس اسمع
صوت شهكاتي وتعبت من البجي ونمت ما حسيت ؏ روحي..

- كعدت الصبح كمت من الفراش عدلته ورحت
طلعت فتحت الباب باوعت عُدي ماكو ومراجع للبيت