اختلاس الكلف

اختِلاس سادس وعشرين ⚜️

- اختِلاس الكَلف -
- سجى حسين -

- سادس وعشرين ⚜️ -

﷽ .

فولو للحساب الواتباد

البارت طويل والقفلة كيوت كلشش وراح
تعجبكم وتموتون بيها وعلقو بين فقره وفقره
فضلًا وليس امر

——

- باوعلي بتركيز ونظرات حب
الب:- كلبج تينا

- اختفت ابتسامتي من وجهي وفتحت عيني
مستغربة بلعت ريكي حسيت الجو صار حار
تهربت بعيوني منه رجعت ليورا وغيرت الموضوع

تينا:- بعدين نحجي هسة روح نام باجر عندك
شغل واني حته ارضع وردة جوعانة تصبح ؏ خير

- عفتة بسرعة وطلعت احس كلبي دكاتة وصلت
لسابع جار من كلمتة لزمت صدري اريد اتنفس
ما اكدر طبيت للغرفة شفت امير يم وردة يرضع
بيها وهيَّ رايحة بسابع نومه

امير:- اشش خالة نامت خطية جانت جوعانة

- ابتسمت ؏ نبره صوته ورد فعلة
تينا:- أي يروحي هسة خل انام اني وياك هم حته الصبح
نكعد للمدرسة واسويلك ريوك طيب وتروح مثل شاطر

- هز راسة بـ " اي " عدل المخدة ونام من صفحة
الثانية واني نمت من صفحة ثانية وردة بنص رفع
راسة وابتسمت

امير:- خالة عادي اطلب منج طلب
تينا:- كول يا روحي

امير:- عادي تقريلي قصة قبل ما انام

تينا:- بعيوني تدلل هسة اقرالك قصة
جانت ماما تقرأها النة واحنه كبار ونحبها

- مديت ايدي خليتها جوا راسي وانتجيت ودرت
وجهي عليَّ ولزمت شعره بايدي الثانية العب بي

تينا:- كان يا مكان في قديم زمان كان اكو
شخص بالقرية يبيع حلال " طليان " جان هذا
الولد معروف بحلالة وجان مدللهن هواي يخليهم
يأكلون احسن انواع الاكل ودائما يعتني بيهن جان
الولد دائما يحب يسوي مقالب بأهل القرية علمود
يخافون عليَّ ويوكفون ويا مره من الأيام جان كاعد
وفكر انو يسوي مقلب في أهل القرية وكف ؏ التله
وصاح باعلى صوت

:- يا ناس يا عالم الذئاب هجمت ؏ حلالي الحكوني

تينا:- هوَّ يصيح باعلى صوت والعالم سمعو
صوتة وكلهم اجتمعوا حته يرحون اله يساعدونه
كل واحد اخذ شي حادة حته يبعدون الذئاب عن
الحلال راحو يركضون نحو الصوت مالتة من وصلو
ما لكو اي شي وهوَّ ظل يباوع عليهم ويضحك همه
جانو خايفين عليَّ عبالهم صدك بَس هوَّ طلع مسوي
مقلب بيهم زعلو منه أهل القرية وعافو ورجعو وهم رجع
عاد المقلب بعد اسبوع وهم زعلو منه الي أن اجه هذاك
اليوم وهجمت الذئاب ؏ الحلال صار الولد يصيح ؏ عالم
باعلى صوت محد اهتم اله ومحد صدكة لان يعرفون بي
جذاب دائما يسوي مقالب بيهم